'फिसा गोमो दाउआ जोबथा बिदाय लाबाय': भारतनि टुइटार बादायगिरि Koo आ बन्द जाबाय

Twitter(X)जों जुजिग्रा भारतारि समाजारि बिजों प्लेटफर्म Koo आ राङारि जेंनाफोर आरो मोनसे सानथावै हाथायनि थाखाय बन्द जागासिनो दं। बेनि जाफुंसारनायनि उनावबो, बिरोंदामिन सिबिथायफोरखौ लाखिनायनि गोबां बेसेन आरो फेलें बाहागोआरि सावरायनाया बे थिरांथाखौ दैदेनदोंमोन।

Koo, भारतारि समाजारि बिजों प्लेटफर्म जायनि थांखिया ट्विटारखौ हेंथा होनाय, बन्द जागासिनो। गायसनगिरि अप्रामिया राधाकृष्ण आरो मयंक बिदावाटकाया फेलें बाहागोआरि सावरायनाय आरो गोजौ बिरोंदामिननि खरसाखौ मुंख'नानै बे थिरांथाखौ फोसावो। कम्पानिया एप्रिल 2023 मायथाइयाव खामानि मावग्राफोरनि मोनसे मख'जाथाव बाहागोखौ साख्रिनिफ्राय बोख्लायनो जागायदोंमोन। 

गावनि थिखिनिआव, Koo आव फ्राय 2.1 मिलियन सानफ्रोमबोनि सांग्रां बाहायगिरिफोर आरो 10 मिलियन दानारि बाहायगिरिफोर दंमोन, जेराव 9000 नि बांसिन VIP दंमोन। बिसोरनि जाफुंसारनायनि उनावबो, राङारि जेंनाफोर आरो गोबाव सम रां होनाय गोजां बोथोरा बिसोरखौ बाङाय खालामनो नारसिनदोंमोन। गायसनगिरिफोरा साननो हाथावै फुन्जि हाथाइ आरो गोजौ बिरोंदामिननि खरसाखौ गाहाय आयदा महरै दिन्थिदोंमोन।

गायसनगिरिफोरा कम्पानिनि माखासे सम्फथिफोरखौ फान्नो गावसोरनि थांखिखौबो फोरमायदोंमोन। गायसनगिरिफोरनि न'टआव बुंनाय जादोंमोन, "जों बेफोर माखासे सम्फथिफोरखौ समाजारि बिजोंआव भारतनि आगाननि थाखाय मोनसे गिदिर नोजोरगोनां सोरबा सासेजों फोसावनो मोननानै गोजोननाय मोनगोन।

प्लेटफर्मआ लन्चनिफ्राय ट्विटरजों थोंजोङै रुजुदोंमोन आरो एलन मस्कआ माइक्र'-ब्लगिं साइटखौ सामलायनायनि उनाव बेयो गोसो बोनो हादोंमोन। "जों X/Twitter आ खालामनाय समनि मोनसे बाहागोआव मोनसे मुलुगनाङै समानै सुजानाय दिहुनथाय बानायदोंमोन, साबसिन खान्थि, एल्गोरिदम आरो गोख्रों स्टेकहोल्डर-गिबिसिन सानथौफोरजों," न'टआव बुंनाय जादों। 

गावसोरनि बिदाय खौरांआव, बिथांमोनहा मददगिरिफोर, हानजा, रां थिसनगिरिफोर, सोरजिगिरिफोर आरो बाहायगिरिफोरनो साबायखर बावदोंमोन। बिसोरो इयुननि मावथांखिफोरनि सायाव मिजिंथिना थायो। बेनि बन्द जासेआवबो, गायसनगिरिफोरा इयुनाव मोनसे थाफादेरनाय प्लेटफर्मनि मिजिं थिदों।

जोंनि हान्जाया गासै लामायाव रोजा आरो गुसेब गेजेरजों जोंजों लोगोसे थाबाय थादोंमोन। जों जोबोद खाफाल गोनां दि जोंनि कम्पानिनि थांखियाव फोथायग्रा सुबुंफोरनि बेबादि गोसो गुदुं हानजाजों खामानि मावनो मोनदों।

गायसनगिरिफोरा फालांगियारि महरै गावसोरनि फैफिन्नायनि इसारा होदोंमोन। "जेराव जोंनि बाथ्रा दं, जों गोसोआव फालांगियारि आरो नोंथाङा जोंखौ मोनसे नङा गुबुन लामाजों फोथाराव नुफिनगोन। अब्लासिम, नोंथांनि सम, गोसो होनाय, मोजां हास्थायनाय आरो अननायनि थाखाय साबायखर। फिसा गोमो दाउआ जोबथा बिदाय लाबाय..."

ALSO READ: New General Manager of Construction joins NFR