बोसोरनि जोबनायसिम गासैबो 10 वन्दे भारत स्लीपार रेकफोरखौ होनो थाखाय BEMLआ ट्रेकआव दं, आगस्तसिम ट्रायल रान जानो हागौ

वन्दे भारतनि स्लीपर रोखोमाव राजधानी एक्सप्रेस बायदि गासैबो AC दाब्बा थागोन आरो बेयो गोदान मुगानि बिथायारि सानजथाइजों सुबिदा जागोन।

जेब्ला भारतारि रेलवेआ आगस्तसिमाव गिबि वन्दे भारत स्लीपर रेकफोरनि आन्जाद नायनायखौ फोजोबनो नागिरदों, बेंगालरनि दिहुनगिरि BEMLआ बोसोरनि जोबनायसिम गासै 10 ट्रेनसेटफोरखौ होनायनि लामायाव दं आरो फिन खेबसे अर्डार नागिरगासिनो दं।

वन्दे भारतनि स्लीपर रोखोमाव राजधानी एक्सप्रेस बायदि गासैबो AC दाब्बा थागोन आरो बेयो गोदान मुगानि बिथायारि सानजथाइजों सुबिदा जागोन।

BEMLआरो PSU आ थांनाय बोसोराव इन्टीग्रल कच फेक्ट्री (ICF), चेन्नाईनिफ्राय स्लीपर रोखोमफोरनि 675 कौटि रांनि गिबि अर्डार मोनदोंमोन।

गिबिआव, सानथांखिया बेमोनदि वन्दे भारत स्लीपारआ सरासनस्रा बिसायख'थिनि सिगां मार्चआव रेलआव सौहैगोन, नाथाय माखासे आरोंदायारि जाहोनफोरनि थाखाय बेयो गोबाव जादोंमोन।

बावैसो रेल मन्थ्रि अश्वनी वैष्णवआ बुंदोंमोन दि दा आन्जाद नायनाया आगस्तनि गेजेराव जागोन।

BEML नि बायदिब्ला, ICF निफ्राय बेसेन नाङै जेंनाफोर थानाय माखासे बेसादफोरा 15 मेनिफ्राय बोहैनो हमदोंमोन आरो गिबि प्रट'आ गुवारै आन्जाद नायनांगौ आरो रेलवे रैखाथि आय'गखौ नायबिजिरनांगौ।

"जों आसा खालामो दि बेखौ दान मोननैनि गेजेराव खालामनाय जागोन, बेनि उनाव सेप्टेम्बरसिम जों आद्रा थानाय 9 रेकफोरखौबो होनो जागायगोन, आरो जों बेखौ दानसेआव 2 निफ्राय 3 रेकनि हारजों खालामनो हागोन। बेनिखायनो जों दिसेम्बरसिम गासैखौबो फोजोबनो थांखि लादों, "सामलायगिरिया गोदानसिन रां थिसनगिरि कलनि समाव बुंदोंमोन।

मोनफ्रोमबो रेकआव मोन 16 दाब्बा थागोन - 11 AC थामथि थाखो, मोनब्रै AC II थाखो आरो गंसे AC I थाखो। BEML जों डिजाइन खालामजानाय वन्दे भारत स्लीपर ट्रेनफोरा गावसोरनि सिंनि बाहागो, स्लीपर बर्थ आरो बायजोआरि बाहागोफोराव समायनायारि खावलायनाय आरो खामानि मावनाय मोन्नैखौबो गोनांथि होयो। सिगांनि गन्थं शंकुनिफ्राय लानानै सिंनि पेनेल, मासि आरो बर्थ, इसिङारि लाइट, कप्लर, गेंगवे आरो बिनि बायजोआव, मोनफ्रोमबो गुदिमुवाखौ स्लीपर ट्रेनसेटनि थि मानथाखोखौ आबुं खालामनो थाखाय सांग्रांथियै डिजाइन खालामनाय जादों।

PSU आ गिबि 10 ट्रेनसेट होखांनायनि उनाव भारतारि रेलवेनिफ्राय फिन खेबसे बिथोन होनायनि मिजिं थिदोंमोन। गुबुन गेलेगिरिफोर - RVNL, BHEL आरो टीटागढ़ बानायग्रा स्लीपार कचफोरा फैगौ बोसोरनि गेजेराव एबा बिनि उनाव प्र'टोटाइप जगायनायनि मिजिं थिजादों, जायजों BEML नो बांसिन रादाय खानाय मोननो थाखाय गिबि-सालायग्रा खाबु मोनगोन।

2029 मायथाइसिमाव हादोरनि गोनांथार नोगोरफोर आरो गुबुन गुबुन लामाफोरखौ 250 सो वन्दे भारत स्लीपर ट्रेनफोरजों फोनांजाबनायनि रेलवेनि सानथांखिया ट्रेकआव दं।
दालालनि फार्म प्रभुदास लिल्धरनि बायदिब्ला, कम्पानीहा सिगांनिफ्रायनो मेनलाइन आरो नोगोरारि रेल कच बानायनायाव मोनसे थाथाय दं, नाथाय 10 वन्दे भारत स्लीपर ट्रेनसेटफोरनि थाखाय बिनि बावैसो अर्डार देरहानाया वन्दे भारत सोरबिथिं खान्थियाव मोनसे हाबनाय बिन्दो होनानै बेनि बेसेन थांखिखौ बांहोदों।

"23 मेआव, BEMLखौ भारतनि गिबिसिन 10 वन्दे भारत स्लीपर ट्रेनसेट दिहुन्नो थाखाय भारतारि रेलवेनि इन्टीग्रल कोच फेक्ट्री (ICF) निफ्राय 675 कौटि रांनि रादाय होनाय जादोंमोन। फैगौ 3-4 बोसोराव 400 वन्दे भारत ट्रेन टेन्डारनि पाइपलाइन होनायजों, जों फोथायो दि बे बिथोननि जाफुंसार मावफुंनाया BEMLखौ गोदान रादाय देरहानो थाखाय मोनसे गोख्रों थासारियाव लाबोनो हागौ, "फार्मनि मोनसे रिपर्टआव बुंनाय जादों।

ALSO READ: NF Railway adds general sitting coaches to 6 existing trains. Check details