ষ্টক মাৰ্কেট মুকলি: ষ্টক মাৰ্কেটৰ শক্তিশালী আৰম্ভণি, চেন্সেক্স ৮০,১০০ৰ ওপৰত মুকলি আৰু নিফ্টিয়ে অতিক্ৰম কৰে ২৪৩৫০

ভাৰতীয় শ্বেয়াৰ বজাৰে শক্তিশালী আৰম্ভণি কৰিছে আৰু ৮০ হাজাৰ অতিক্ৰম কৰি পুনৰ মুকলি হৈছে চেন্সেক্স। ২৪৩৫০ৰ ওপৰত নিফটিও মুকলি হৈছে। অটো ষ্টক বৃদ্ধিৰ পৰা নিফ্টিয়ে সমৰ্থন লাভ কৰিছে আৰু ইয়াত মাৰুতি চুজুকীৰ ভূমিকা আটাইতকৈ ডাঙৰ, ই স্পষ্টভাৱে নিফ্টিৰ হট ষ্টক হৈয়েই আছে।

বিএছই চেন্সেক্সৰ মূল্য ১৪৬.৮৩ পইণ্ট বা ০.১৮ শতাংশ বৃদ্ধিৰে ৮০,১০৭ পইণ্টত মুকলি হয়। এন এছ ইৰ নিফটিয়ে ৩০.৪৫ পইণ্ট বা ০.১৩ শতাংশ বৃদ্ধিৰে ২৪,৩৫১ পইণ্টৰ স্তৰত মুকলি কৰে।

ছেক্টৰেল সূচকাংকৰ ভিতৰত সকলো নিফটি সূচকাংকই সেউজীয়া ৰূপত ব্যৱসায় কৰি আছে। মাৰুতি চুজুকিৰ শক্তিত অটো খণ্ডত উত্থান দেখা গৈছে। নিফটি বেংক, আই টি, পি এছ ইউ বেংক, মেটাল, ফাইনেন্সিয়েল চাৰ্ভিচেছ, ফাৰ্মা, এফ এম চি জি, অইল আৰু গেছকে ধৰি সকলো খণ্ডই বৃদ্ধি পাইছে। ৰিয়েলটি সূচকাংকটো মুকলিত বুলিছ নোটত আছিল যিটো লগে লগে ফ্লেট জ’নত পিছলি যোৱা দেখা গৈছিল।

বিএছইৰ মাৰ্কেট কেপ ৪৫১.৯৭ লাখ কোটি টকা হৈছে আৰু এইদৰেই এমকেপ ৪৫২ লাখ কোটি টকাৰ দিশে বৃদ্ধি পাইছে। বিএছইত মুঠ ৩২৬৭টা শ্বেয়াৰৰ ব্যৱসায় চলি আছে, ইয়াৰে ২০৭০টা শ্বেয়াৰ বৃদ্ধি পাইছে। ১০৬৫ টা শ্বেয়াৰৰ ব্যৱসায় হ্ৰাস পোৱাৰ বিপৰীতে ১৩২ টা শ্বেয়াৰৰ কোনো পৰিৱৰ্তন নোহোৱাকৈ ব্যৱসায় চলি আছে। ১৪৫ টা শ্বেয়াৰত আপাৰ চাৰ্কিট আৰু ৫৭ টা শ্বেয়াৰত লোয়াৰ চাৰ্কিট আছে। ৫২ সপ্তাহৰ উচ্চতম স্তৰত ১৯৪টা শ্বেয়াৰ আৰু একে সময়ছোৱাৰ নিম্নতম স্তৰত ১২টা শ্বেয়াৰ আছে।

ৰেলৱেৰ শ্বেয়াৰৰ প্ৰচণ্ড বৃদ্ধিৰ ধাৰা অব্যাহত আছে আৰু আজিও আৰভিএনএলে ৭.৩৪ শতাংশ আৰু আই আৰ এফ চি ৩ শতাংশ বৃদ্ধিৰে ব্যৱসায় কৰি আছে। ৰেলৱেৰ শ্বেয়াৰ ধাৰাবাহিকভাৱে বৃদ্ধি পোৱাৰ বাবে ৰেলৱেৰ শ্বেয়াৰত বহুত ক্ৰয় দেখা গৈছে।

চেন্সেক্সৰ ৩০টা ষ্টকৰ ভিতৰত ১৯টা ষ্টকে বৃদ্ধি আৰু ১১টাত হ্ৰাস পাইছে। মাৰুতিৰ শ্বেয়াৰ ৪.৭৭ শতাংশ বৃদ্ধি পাই শীৰ্ষ লাভজনক হৈয়ে আছে। আদানী বন্দৰ ১.৪৫ শতাংশ আৰু টাইটানৰ ১.৩৮ শতাংশ বৃদ্ধি। এম এণ্ড এম ১.০৫ শতাংশ আৰু এল এণ্ড টি ০.৭৮ শতাংশ বৃদ্ধি পাইছে। হ্ৰাস পোৱা ষ্টকসমূহৰ ভিতৰত আল্ট্ৰাটেক চিমেণ্ট ০.৫৫ শতাংশ আৰু ইণ্ডুছইণ্ড বেংক ০.৫০ শতাংশ হ্ৰাস পাইছে। ৰিলায়েন্স ইণ্ডাষ্ট্ৰীজৰ দুৰ্বলতা ০.৪৯ শতাংশ আৰু জে এছ ডব্লিউ ষ্টীলৰ দুৰ্বলতা ০.৪৮ শতাংশ। বাজাজ ফাইনেন্স ০.৪০ শতাংশ হ্ৰাস পাইছে।

৫০টা নিফ্টিৰ ষ্টকৰ ভিতৰত ২৮টা বৃদ্ধি আৰু ২২টা তললৈ নামিছে। ইয়াতো মাৰুতি শীৰ্ষ লাভজনক আৰু ৪.৭৫ শতাংশ বৃদ্ধি পাইছে। আদানী বন্দৰ ১.৪০ শতাংশ, টাইটান ১.২৬ শতাংশ, চিপ্লা ১.২৫ শতাংশ আৰু আদানি এণ্টাৰপ্ৰাইজৰ ০.৯৮ শতাংশ বৃদ্ধি পাইছে। নিফটিৰ হ্ৰাস পোৱা ষ্টকসমূহৰ ভিতৰত ডাঃ ৰেড্ডীজ লেবৰেটৰীজ ১.৪৪ শতাংশ আৰু ইণ্ডুছইণ্ড বেংক ০.৫৪ শতাংশ হ্ৰাস পাইছে। অ’ এন জি চিত ০.৫০ শতাংশ, আল্ট্ৰাটেক চিমেণ্টত ০.৪৫ শতাংশ আৰু শ্ৰীৰাম ফাইনেন্সত ০.৪৩ শতাংশ হ্ৰাস দেখা গৈছে