हाथाइनि अनजिमाया बांदों: सेन्सेक्स, निफ्टीआ फैफिन्नो नाजानायाव रां थिसनगिरिफोरा 6 लाख कौटि रां मुलाम्फा जादों

दिनै हाथाइनि जौगानाय: सेन्सेक्सआ 919 पइन्टनि जौगानानै 79,511 आरो निफ्टीआ 296 पइन्टनि बांनानै 24,289 सिम सौहैदोंमोन।  आमेरिकायाव रांखान्थि गोग्लैनायनि गिनायजों खहानि मोनथाम थोंजोङै जथुम्मानि उनाव इन्डेक्सफोरा दिनै मोनफिन्नो नाजादोंमोन।

मुलुगनां हाथाइफोराव बांनायनि गेजेरावनो बुधबारखालि नैथि खेबनि थाखाय सेन्सेक्स आरो निफ्टीआ गोजौआव खुलिदोंमोन। जागायजेन्नाय लेनदेनफोराव सेन्सेक्सआ 919 अनजिमा बांनानै 79,511 आरो निफ्टीआ 296 पइन्टनि बांनानै 24,289 जाहैदोंमोन।  आमेरिकायाव रांखान्थि गोग्लैनायनि गिनायजों खहानि मोनथाम थोंजोङै जथुम्मानि उनाव इन्डेक्सफोरा दिनै मोनफिन्नो नाजादोंमोन।

अनजिमायाव दिनैनि हाथाइ रेलिखौ नोजोर हो।

सेन्सेक्सनि स्ट'कफोरा गोथां गाबाव

सेन्सेक्सनि गासैबो 30 स्टकफोरा गोथांआव फालांगि खालामगासिनो दंमोन। इन्फ'सिस, M&M, JSW Steel, HCL Tech, अल्ट्राटेक सिमेन्ट्स आरो अडानी पर्ट्स आ सेन्सेक्सआव बांसिन मुलाम्फा मोनग्राफोरमोन, जाय सिगांनि लेनदेनफोराव 2.5 जौखोन्दोसिम बांदोंमोन। 

रां थिसनगिरिफोरा 6.26 लाख कौटि रां मुलाम्फा जादों

BSE आव फारिलाइ खालामजानाय कम्पानिफोरनि मार्केट केपआ 6.26 लाख कौटि रां बांनानै 445.85 लाख कौटि रां जाहैदों, जाय बुधबाराव 439.59 लाख कौटि रांमोन। 

73 स्टकफोरा BSE आव 52 सप्तानि गोजौसिन थाखोआव सौहैदों

73 स्टकफोरा दिनै 52 सप्तानि गोजौसिन थाखोआव सौहैबाय। बेराफारसेथिं, बुधबारनि जागायजेन्नाय डीलफोराव 9 सेयारफोरा BSE आव 52 सप्तानि गाहायसिन थाखोआव सौहैदोंमोन।

हाथाइनि गुवारथिया गोथां

2679 स्टकफोरनि गेजेराव 2223 स्टकफोरा गोथांआव फालांगि खालामगासिनो दंमोन। फ्राय 358 स्टकफोरा गोजायाव फालांगि खालामगासिनो दंमोन जेराव 98 स्टकफोरा सोलाय-सोल' जायाखैमोन।

केपिटेल गुड्स, IT, थाव आरो गेसनि बाहागोफोरा बांसिन मुलाम्फा मोनग्राफोर

गासैबो 19 BSE सेक्टोरल इन्डेक्सफोरा गोथांआव फालांगि खालामगासिनो दंमोन। केपिटेल गुड्स, IT आरो थाव आरो गेसनि बाहागोफोरा गाहाय मुलाम्फा मोनग्राफोरमोन, जेराव बिसोरनि BSE इन्डेक्सफोरा फारियै 943 पइन्ट, 679pts आरो 648pts फोर बांदोंमोन। 

गोजौ सार्किटफोरा गाहाय सार्किटनिख्रुइ गोजौसिन।

फुंनि जथुम्मायाव स्टक मार्केटआ बांनायनि जाहोनाव फ्राय 91 स्टकफोरा गावसोरनि गोजौ सार्किटआव सौहैदोंमोन। बेराफारसेथिं, 44 सेयारफोरा गावसोरनि गाहाय सार्किट सिमायाव सौहैदोंमोन।

FII-DII खारि

अरायथा नङि NSE खारिथिनि बायदिब्ला, गुबुन हादोरारि फसंथानारि रां थिसनगिरिफोरा मंगलबाराव गासै बिथायाव 3,531 कौटि रांनि इक्विटि फानदोंमोन, जेराव नखरारि रां थिसनगिरिफोरा 3,357 कौटि रांनि बाहागो बायदोंमोन।

सिगांनि session 

मंगलबाराव गोबां मुलाम्फाखौ खोमोरनायनि उनाव बेन्चमार्क इन्डेक्सफोरा मंगलबाराव गाहायसिनाव जोबदोंमोन। सेन्सेक्सआ 166 पइन्टनि गाहायाव 78,593 आरो निफ्टी 63 पइन्टनि गाहायाव 23,992 आव जोबदोंमोन। बेनि सिगाङाव, सेन्सेक्सआ 79,852 नि गोजौसिम दावखोदोंमोन आरो निफ्टीआ 24,382 सिम सौहैदोंमोन।