শ্বেয়াৰ বজাৰত হাহাকাৰ, চেন্সেক্স ১৩০০ পইণ্ট হ্ৰাস , এই ৩টা ডাঙৰ কাৰক বৃহৎ পতনৰ বাবে দায়ী

আমেৰিকা প্ৰশাসনে পাৰস্পৰিক শুল্ক আৰোপ কৰাটোক লৈ চলি থকা অনিশ্চয়তাৰ মাজতে মঙলবাৰে পুৱাৰ ভাগত ভাৰতৰ বজাৰখনে হুমুনিয়াহ কাঢ়ি থকা দেখা গ’ল। চেন্সেক্সত ১১০০ পইণ্টৰ বিশাল পতন হোৱাৰ বিপৰীতে এই পতন নিফটিতো অব্যাহত আছে।

আজি বিএছই চেন্সেক্সৰ মূল্য ৫০০ পইণ্টতকৈ অধিক হ্ৰাস পাই ৭৬,৮৮২.৫৮ পইণ্টত মুকলি হয়, যিটো ৭৭,৪১৪.৯২ পইণ্টত বন্ধ হৈছিল। পুৱা প্ৰায় ১০:৩৫ বজাত ৯৮১ পইণ্ট হ্ৰাস পাই ৭৬,৪৩৪ পইণ্টত উপনীত হয়। পুৱা ১১:১৫ বজাত ইয়াৰ মূল্য ১১১৪.৮৩ অৰ্থাৎ ১.৪৪% হ্ৰাস পাইছে আৰু ৭৬,৩০০.০৯ ত চলি আছে। আটাইতকৈ বেছি হ্ৰাস দেখা গৈছে আই টি শ্বেয়াৰত। বিএছই চেন্সেক্স ১২৯৪.৪১ পইণ্ট বা ১.৬৭% হ্ৰাস পাই ৭৬,১২০.৫১ পইণ্টৰ নিম্নতম স্তৰত উপনীত হয়।

আনহাতে নিফটি-৫০তো ডাঙৰ হ্ৰাস দেখা গৈছে। পুৱা ১১:১৫ বজাত নিফ্টি-৫০ সূচকাংকৰ মূল্য ২৭৮.৬৫ অৰ্থাৎ ১.১৮% পইণ্ট হ্ৰাস পাই ২৩,২৪০.৭০ পইণ্টত আছিল। আহক আমি সেই পাঁচটা গুৰুত্বপূৰ্ণ কাৰক জানো, যিয়ে ভাৰতীয় শ্বেয়াৰ বজাৰৰ দিশ সলনি কৰিলে:

এপ্ৰিল মাহত ট্ৰাম্প প্ৰশাসনে আৰোপ কৰা শুল্কক লৈ বিনিয়োগকাৰীৰ মাজত যথেষ্ট উদ্বেগ প্ৰকাশ পাইছে। ব্লুমবাৰ্গৰ মতে, ট্ৰেজাৰী সচিব স্কট বেছাণ্টে ফক্স নিউজক জনাইছে যে বুধবাৰে বিয়লি ৩ বজাত ৱাশ্বিংটনৰ হোৱাইট হাউছ ৰোজ গাৰ্ডেনত অনুষ্ঠিত হ’বলগীয়া এক অনুষ্ঠানৰ সময়ত ড’নাল্ড ট্ৰাম্পে পাৰস্পৰিক শুল্ক পৰিকল্পনা উন্মোচন কৰিব।

ৰাষ্ট্ৰপতি ট্ৰাম্পে ২ এপ্ৰিলৰ ঘোষণাক ‘মুক্তি দিৱস’ বুলি অভিহিত কৰি কয় যে ইয়াৰ উদ্দেশ্য হৈছে সেই বাণিজ্যিক অংশীদাৰ দেশসমূহক শাস্তি দিয়া, যিবোৰে আমেৰিকাৰ সুবিধা লৈছে বুলি তেওঁ বিশ্বাস কৰে। ট্ৰাম্পে ইংগিত দিছে যে শুল্ক পৰিকল্পনা সিদ্ধান্ত লোৱা হৈছে আৰু সকলো দেশকে ইয়াত অন্তৰ্ভুক্ত কৰা হৈছে। অৱশ্যে বিশেষজ্ঞসকলে কয় যে শুল্কৰ ভাবুকিৰ ফলত নিশ্চিতভাৱে বজাৰৰ উঠা-নমা হ’ব, কিন্তু ভাৰতত ইয়াৰ বিশেষ প্ৰভাৱ নপৰে, কাৰণ আমেৰিকাৰ আধাতকৈ অধিক দেশে আমদানিকৃত সামগ্ৰীৰ ওপৰত শুল্ক হ্ৰাস কৰি আছে।

ALSO READ: গুৱাহাটীত NABARD ৰ উদ্যোগত অনুষ্ঠিত হৈছে GRAMEEN BHARAT MAHOTSAV

মিণ্টৰ মতে, "গৱেষণা সংস্থা ইকুইনমিক্স ৰিচাৰ্চ প্ৰাইভেট লিমিটেডৰ প্ৰতিষ্ঠাপক তথা মুৰব্বী জি চোক্কালিংগমে কয় যে বাণিজ্য যুদ্ধ বহিঃ অৰ্থনৈতিক দিশত চিন্তাৰ বিষয় হৈ থাকিব। অৱশ্যে যদি সংবাদ মাধ্যমৰ বাতৰি বিশ্বাস কৰিব লাগে তেন্তে ভাৰতে আমেৰিকাৰ পৰা আমদানিৰ আধা অৰ্থাৎ প্ৰায় ২৩ বিলিয়ন ডলাৰৰ পথ মুকলি কৰি দিছে নিজেই বাণিজ্যিক চুক্তিৰ প্ৰথম পৰ্যায়তে।"

ইয়াত ভাৰত আৰু আমেৰিকাৰ উচ্চপদস্থ বিষয়াসকলৰ মাজত চাৰিদিনীয়া বাণিজ্যিক আলোচনা ২৯ মাৰ্চ শনিবাৰে সমাপ্ত হয়।দুয়োখন দেশে সিদ্ধান্ত লৈছে যে অনাগত সপ্তাহত দ্বিপাক্ষিক বাণিজ্য চুক্তি (বিটিএ)ৰ অধীনত খণ্ডভিত্তিক আলোচনা অনুষ্ঠিত হ’ব।

ভাৰতীয় ৰিজাৰ্ভ বেংকৰ মুদ্ৰানীতি সমিতিৰ বৈঠক অহা ৭ৰ পৰা ৯ এপ্ৰিলৰ ভিতৰত। ইয়াত বিশ্বৰ অনিশ্চয়তাৰ মাজতে নীতিগত সিদ্ধান্ত আৰু সুতৰ হাৰৰ সিদ্ধান্ত লোৱা হ’ব। অনুমান কৰা হৈছে যে ৯ এপ্ৰিলত আৰ বি আইয়ে ২৫ বেচিছ পইণ্ট ঘোষণা কৰিব পাৰে।

এতিয়া বজাৰৰ বাবে যিটো গুৰুত্বপূৰ্ণ সেয়া হৈছে ভাৰতীয় কোম্পানীসমূহৰ চতুৰ্থ ত্ৰৈমাসিকৰ আয়ৰ ফলাফল। যোৱা তিনিটা হতাশাজনক ত্ৰৈমাসিকৰ পিছত চতুৰ্থ ত্ৰৈমাসিকৰ ফলাফলত কিছু উন্নতি দেখা যাব বুলি ধাৰণা কৰা হৈছে। যদিহে চতুৰ্থ ত্ৰৈমাসিকৰ ফলাফল আশা কৰা মতে নাহে, তেন্তে মাৰ্চ মাহত যি উন্নতি হৈছে সেয়া ৰেলপথৰ পৰা আঁতৰি যাব পাৰে। বিশেষজ্ঞসকলৰ মতে ২০২৫-২৬ বিত্তীয় বৰ্ষৰ প্ৰথম আৰু দ্বিতীয় ত্ৰৈমাসিকত যথেষ্ট উন্নতি দেখা যাব।