আন্তঃৰাষ্ট্ৰীয় বজাৰত পেট্ৰ’ল আৰু ডিজেলৰ দাম হ্ৰাস । তেন্তে মোডী চৰকাৰে কিয়   বৃদ্ধি কৰিলে দাম?

২০২৫ চনৰ ৭ এপ্ৰিল সোমবাৰে মোডী চৰকাৰে পেট্ৰল-ডিজেলৰ মূল্য বৃদ্ধি কৰাৰ কথা ঘোষণা কৰে।কেন্দ্ৰীয় চৰকাৰে পেট্ৰ’ল-ডিজেলৰ মূল্য ২ টকা বৃদ্ধি কৰে।পেট্ৰ’ল-ডিজেলৰ মূল্য ১২ মাজনিশাৰ পৰা প্ৰযোজ্য হ’ব পেট্ৰ’ল-ডিজেলৰ নতুন ৰেট। আটাইতকৈ ডাঙৰ কথাটো হ’ল যে সমগ্ৰ বিশ্বতে খাৰুৱা তেলৰ মূল্য তিনি বছৰৰ ভিতৰত সৰ্বনিম্ন স্তৰত উপনীত হোৱাৰ সময়ত এই সিদ্ধান্ত লোৱা হৈছে।

যোৱা সপ্তাহৰ কথা ক’বলৈ গ’লে খাৰুৱা তেলৰ মূল্য প্ৰতি বেৰেলত ৬২ ডলাৰলৈ হ্ৰাস পাইছে, যিটো ২০২১ চনৰ আগষ্টৰ পিছত সৰ্বনিম্ন হাৰ।এই হ্ৰাসৰ কাৰণ হৈছে বিশ্ব অৰ্থনৈতিক মন্দাৱস্থাৰ আশংকা আৰু তেলৰ চাহিদা হ্ৰাস। সোমবাৰে ব্ৰেণ্ট খাৰুৱা তেলৰ মূল্য প্ৰতি বেৰেলত ৬৩.২৩ ডলাৰ হোৱাৰ বিপৰীতে আমেৰিকাৰ নাইমেক্স খাৰুৱা তেলৰ মূল্য ১০ শতাংশ হ্ৰাস পাই ৬২ ডলাৰ হয়। লগতে ছৌদি আৰবে এছিয়াৰ বাবে নিজৰ মূল গ্ৰেড ‘আৰব লাইট’ৰ মূল্য একেৰাহে দ্বিতীয় মাহৰ বাবে কৰ্তন কৰিছে। অ’পেক+ দেশসমূহেও চলিত মাহৰ পৰা উৎপাদন কৰ্তন লাঘৱ কৰিছে, যাৰ ফলত বজাৰত যোগান বৃদ্ধি পাব পাৰে

এফালে ভাৰত চৰকাৰে তেলৰ দাম বৃদ্ধি কৰিছে, আনফালে দেশত প্ৰশ্ন উত্থাপন হৈছে যে যেতিয়া আন্তঃৰাষ্ট্ৰীয় বজাৰত তেল সস্তা হৈ পৰিছে, তেতিয়া ভাৰতত পেট্ৰ’ল-ডিজেলৰ দাম কিয় হ্ৰাস পোৱা নাই। বিজনেছ লাইনে প্ৰকাশ কৰা অনুসৰি, কংগ্ৰেছ নেতা মনীষ তেৱাৰীয়েও চৰকাৰক প্ৰশ্ন কৰিছিল যে মূল্য বৃদ্ধি হ’লেহে ‘ডাইনেমিক প্ৰাইচিং’ প্ৰযোজ্য হয় নেকি? সাধাৰণ জনতাইও আশা কৰিছে যে এতিয়া পেট্ৰ’ল-ডিজেলৰ দাম কমি আহিব, কিন্তু চৰকাৰৰ পৰা এতিয়ালৈকে কোনো স্পষ্ট ইংগিত পোৱা নাই। ইয়াৰ বিপৰীতে পেট্ৰ’ল-ডিজেলৰ দাম আৰু অধিক বৃদ্ধি পাইছে। 

ALSO READ: শ্বেয়াৰ বজাৰত সৃষ্টি হোৱা আতংকৰ বাবেই আম্বানি-আদানীকে ধৰি এই ৪ ভাৰতীয় কোটিপতিৰ ধন-সম্পত্তি ভয়ংকৰভাৱে হ্ৰাস পাইছে, এদিনতে হ্ৰাস  ১০ বিলিয়ন ডলাৰ

খাৰুৱা তেলৰ মূল্য হ্ৰাসৰ ফলত ভাৰতীয় তেল কোম্পানীসমূহো প্ৰভাৱিত হৈছে। ইণ্ডিয়ান অইল, এইচপিচিএল আৰু বিপিচিএলৰ দৰে তেল বিপণন কোম্পানী (অ’এমচি)ৰ বাবে ই উপকাৰী বুলি প্ৰমাণিত হ’ব পাৰে কাৰণ তেওঁলোকৰ অটো ইন্ধন বিপণন মাৰ্জিন প্ৰতি লিটাৰত ১৩ টকালৈ বৃদ্ধি পাইছে, সাধাৰণতে প্ৰতি লিটাৰত ৩.৫ টকাৰ পৰা ৬.২ টকালৈকে। কিন্তু যদি চৰকাৰে আবকাৰী শুল্ক বৃদ্ধি কৰে বা খুচুৰা মূল্য হ্ৰাস কৰে তেন্তে এই কোম্পানীসমূহৰ লাভৰ ওপৰত প্ৰভাৱ পৰিব পাৰে।

এই হ্ৰাস অ’এনজিচি আৰু অইল ইণ্ডিয়াৰ দৰে কোম্পানীৰ বাবে ক্ষতিকাৰক হ’ব পাৰে। জে এম ফাইনেন্সিয়েলৰ মতে, প্ৰতি ১ ডলাৰ হ্ৰাসৰ ফলত এই কোম্পানীসমূহৰ প্ৰতি শ্বেয়াৰৰ আয় (ই পি এছ) ১.৫-২ শতাংশ হ্ৰাস পাব পাৰে। লগতে যদি তেলৰ মূল্য ৭০ ডলাৰৰ তলত থাকে তেন্তে আমেৰিকাৰ শ্বেল তেল কোম্পানীসমূহৰ বিনিয়োগতো প্ৰভাৱ পৰিব কাৰণ তেওঁলোকৰ ব্ৰেক ইভেন মূল্য প্ৰতি বেৰেলত ৬০-৬৫ ডলাৰ। একে সময়তে ছৌদি আৰবেও লোকচানৰ সন্মুখীন হ’ব পাৰে কাৰণ ইয়াৰ বাজেট প্ৰতি বেৰেলত ৮৫ ডলাৰৰ হাৰত ভাৰসাম্য ৰক্ষা কৰা হৈছে।