গুৰুগ্ৰামত থকা শ্বপিং মলটোৰ উন্নয়নৰ বাবে লেইটন এছিয়াক ৫০০ কোটি টকাৰ চুক্তি প্ৰদান কৰিছে ৰিয়েলটি ফাৰ্ম ইলান গ্ৰুপে।
এক বিবৃতিত কোম্পানীটোৱে কয় যে তেওঁলোকে “অষ্ট্ৰেলিয়াৰ চিআইএমআইচি গ্ৰুপৰ নিৰ্মাণ কোম্পানী লেইটন এছিয়াক নতুনকৈ আৰম্ভ কৰা বাণিজ্যিক মল ইলান ইম্পেৰিয়েলৰ বাবে ৫০০ কোটিতকৈ অধিক টকাৰ নিৰ্মাণ চুক্তি প্ৰদান কৰিছে।”
গুৰুগ্ৰামৰ ৮২ নং ছেক্টৰত অৱস্থিত এই মিশ্ৰিত ব্যৱহাৰৰ প্ৰকল্পটোত আছে এটা বিলাসী খুচুৰা মল, এটা পাঁচ তাৰকাযুক্ত হোটেল আৰু ব্ৰেণ্ডেড বাসগৃহ।
২০২৪ চনৰ নৱেম্বৰ মাহত লেইটনৰ নিৰ্মাণ কাৰ্য আৰম্ভ হ’ব।
যোৱা বছৰৰ আগষ্ট মাহত লেইটনক গুৰুগ্ৰামৰ ১০৬ নং ছেক্টৰত ইলান গ্ৰুপৰ ফ্লেগশ্বিপ আৱাসিক উন্নয়ন ইলান দ্য প্ৰেচিডেন্সিয়েল’ নিৰ্মাণৰ বাবে ১০০০ কোটি টকাৰ চুক্তি দিয়া হৈছিল।
ইলান গ্ৰুপৰ অধ্যক্ষ ৰাকেশ কাপুৰে কয় যে কোম্পানীটোৱে লেইটনৰ সৈতে পুনৰ অংশীদাৰিত্ব কৰিছে।
"এলান ইম্পেৰিয়েলৰ সৈতে আমি বজাৰ, খাদ্য আৰু অবসৰৰ বাবে সঁচাকৈয়ে এক অসাধাৰণ গন্তব্যস্থান সৃষ্টি কৰাৰ লক্ষ্য ৰাখিছো।"এই বিলাসী মলটো গুৰুগ্ৰামত এই ধৰণৰ প্ৰথমটো হ’ব, যিয়ে খুচুৰা আৰু হোটেলৰ অভিজ্ঞতাক একেখন চালিৰ তলত নিৰৱচ্ছিন্নভাৱে একত্ৰিত কৰি আমাৰ দৰ্শনাৰ্থীসকলক বিশ্বমানৰ অভিজ্ঞতা প্ৰদান কৰিব।’ তেও কয়।
অষ্ট্ৰেলিয়াত মুখ্য কাৰ্যালয় থকা চিআইএমআইচি গ্ৰুপৰ সদস্য লেইটনৰ সমগ্ৰ ভাৰততে ল্যাণ্ডমাৰ্ক প্ৰকল্পৰ এক আকৰ্ষণীয় পৰ্টফলিঅ’ আছে। কোম্পানীটোৰ ট্ৰেক ৰেকৰ্ডৰ ভিতৰত আছে সমগ্ৰ ভাৰতৰ ল্যাণ্ডমাৰ্ক প্ৰজেক্ট, যেনে গুৰুগ্ৰামৰ ডি এল এফ কেমেলিয়াছ, চেন্নাইৰ ট্ৰিল ৰামানুজন আই টি পাৰ্ক, হায়দৰাবাদৰ আইকিয়া আৰু হায়দৰাবাদৰ ফিনিক্স গ্ৰুপৰ বাণিজ্যিক কাৰ্যালয়।
চলি থকা প্ৰকল্পসমূহৰ ভিতৰত মুম্বাইৰ ৱৰ্লিত থকা বিৰলা নিয়াৰা (৭২ মহলীয়া)ও আছে। মুম্বাইৰ মাজগাঁৱৰ আগা হল এষ্টেট (৫৬ মহলীয়া) আৰু হায়দৰাবাদৰ এটা ডাটা চেণ্টাৰ।
চিআইএমআইচি গ্ৰুপৰ কাৰ্যবাহী অধ্যক্ষ জুয়ান চান্টামাৰিয়াই কয় যে, “এলান গ্ৰুপৰ বাবে আন এটা ৰোমাঞ্চকৰ প্ৰকল্প আগবঢ়াবলৈ লেইটন এছিয়াক নিৰ্বাচিত কৰাটো বৰ ভাল কথা, যাৰ বাবে আমি ইতিমধ্যে এটা বৃহৎ আৱাসিক উন্নয়ন নিৰ্মাণ কৰি আছো।”
লেইটন এছিয়াৰ পৰিচালন সঞ্চালক ব্ৰেড ডেভিয়ে কয় যে, "এই জয়ে ৰিয়েল এষ্টেট খণ্ডত লেইটন এছিয়াৰ শক্তিশালী উপস্থিতি আৰু ভাৰতত আমাৰ বৃদ্ধিক আৰু অধিক আগুৱাই লৈ গৈছে। আমি ইলান গ্ৰুপৰ আস্থা পাই আৰু তেওঁলোকৰ প্ৰয়োজনীয়তা পূৰণ কৰি গৌৰৱান্বিত।"
ইলান গ্ৰুপৰ ৮টা খুচুৰা আৰু বাণিজ্যিক প্ৰকল্পৰ লগতে এটা বিলাসী আৱাসিক প্ৰকল্প আছে, যিটো গুৰুগ্ৰামৰ প্ৰধান অঞ্চলসমূহৰ মাজেৰে কৌশলগতভাৱে অৱস্থিত।