চেন্নাই মেট্ৰ’ ৰে’লৰ পৰা ৩,৬৫৮ কোটি টকাৰ চুক্তি লাভ কৰিছে বিইএমএলে

বেংগালুৰুৰ মুখ্য কাৰ্যালয় থকা বি ই এম এলে বৃহস্পতিবাৰে জনোৱা মতে, চেন্নাই মেট্ৰ’ ৰে’ল লিমিটেডে প্ৰায় ৩৬৫৮ কোটি টকাৰ চুক্তি প্ৰদান কৰিছে।

এই প্ৰকল্পৰ অধীনত বিইএমএলে ৭০টা তিনিখন গাড়ীৰ ট্ৰেইন চেটত কনফিগাৰ কৰা ২১০খন মেট্ৰ’ গাড়ী প্ৰদান কৰিব যিবোৰে মূলতঃ আনএটেণ্ডেড ট্ৰেইন অপাৰেচন মোডত চলিব।

বিবৃতি অনুসৰি মেট্ৰ’ ৰে’লে চেন্নাইৰ তিনিটা মূল কৰিড’ৰত সেৱা আগবঢ়াব -- মাধৱৰামৰ পৰা ছিপকটলৈ (৪৫.৮ কিলোমিটাৰ), লাইটহাউছৰ পৰা পুনামল্লীলৈ (২৬.১ কিলোমিটাৰ) আৰু মাধৱৰামৰ পৰা শ্বোলিংগনাল্লুৰলৈ (৪৭ কিলোমিটাৰ)।

৭৬.৩ কিলোমিটাৰ উচ্চ ট্ৰেক আৰু ৪২.৬ কিলোমিটাৰ মাটিৰ তলৰ ৰেলকে ধৰি মুঠ নেটৱৰ্ক ১১৮.৯ কিলোমিটাৰ দৈৰ্ঘ্যৰ বুলি বিবৃতিটোত কোৱা হৈছে আৰু ২০২৭ চনৰ জানুৱাৰী মাহত প্ৰথমখন ৰে’ল চেট ডেলিভাৰী হোৱাৰ কথা, ২০২৯ চনৰ এপ্ৰিল মাহৰ ভিতৰত চূড়ান্ত ৰে’ল চেট ডেলিভাৰী হোৱাৰ সম্ভাৱনা আছে।

কোম্পানীটোৱে জনোৱা মতে, এই চুক্তিত ষ্টেণ্ডাৰ্ড গেজ মেট্ৰ’ ৰোলিং ষ্টক (ইলেক্ট্ৰিক মাল্টিপল ইউনিট) আৰু ডিপো মেচিনেৰী এণ্ড প্লাণ্টৰ বাবে ডিজাইন, উৎপাদন, যোগান, পৰীক্ষণ, কমিচনিং, আৰু প্ৰশিক্ষণৰ লগতে ১৫ বছৰৰ বিস্তৃত ৰক্ষণাবেক্ষণ চুক্তিও জড়িত হৈ আছে।

ALSO READ: আজমেৰা ৰিয়েলটি এণ্ড ইনফ্ৰাৰ ঋণ ১০০ কোটি টকা কমি প্ৰায় ৭০০ কোটি টকা হয়

বি ই এম এলৰ চি এম ডি শান্তনু ৰয়ে কয় যে বি ই এম এলত আমি দেশৰ আন্তঃগাঁথনি উন্নয়নত অৰিহণা যোগোৱাৰ বাবে অপৰিসীম গৌৰৱ অনুভৱ কৰোঁ।”

বিইএমএল লিমিটেড হৈছে প্ৰতিৰক্ষা মন্ত্ৰালয়ৰ অধীনস্থ বহু প্ৰযুক্তিবিদ্যাৰ আগশাৰীৰ ‘অনুসূচী এ’ কোম্পানী, বিশ্বমানৰ সামগ্ৰী আগবঢ়াই ভাৰতৰ প্ৰতিৰক্ষা, ৰে’ল, শক্তি, খনি আৰু নিৰ্মাণৰ দৰে মূল খণ্ডসমূহক সেৱা আগবঢ়োৱাত গুৰুত্বপূৰ্ণ ভূমিকা পালন কৰে।