अडानी ग्रुपनि शेयार: गासैबो 10 अडानी स्टकफोरा दिनै गाखोयो; बेयाव मानो दं

गौतम अडानीजों दैदेनजानाय अडानी ग्रुपनि गासैबो शेयारफोरा बेफोर स्टकफोरनि थाखाय सोमोन्दो थानाय खौरांनि बिथायाव समबारखालि फालांगियारि जथुमनि समाव बांसिनै गोजौआव फालांगि खालामगासिनो दंमोन।

गौतम अडानीजों दैदेनजानाय अडानी ग्रुपनि सेयारफोरा समबारखालि फालांगियारि जथुमनि समाव बेफोर स्टकफोरनि थाखाय सोमोन्दो गोनां खौरांनि बिथायाव बांसिनै गोजौआव फालांगि खालामगासिनो दंमोन। गोथां गाबनि फालांगि खालामनाय गासैबो 10 फारियाव दैखांजानाय अडानी ग्रुपनि स्टकफोरा जागायजेन्नाय सेसनआव 2.5 जौखोन्दोसिम बांदोंमोन।

अडानी ग्रुपनि गाहाय कम्पानि, अडानी एन्टारप्राइजेज लिमिटेडआ समबाराव थाम बाहागोनि नै बाहागो बांनानै 3,040 रां जाहैदोंमोन, जायनि गासै हाथाइ फुन्जिआ 3.5 लाख कौटि रांनि खाथियाव सौहैदोंमोन। सुक्रबारखालि सिगांनि ट्रेडिंआव स्क्रिपआ 3019.90 रांआव थादोंमोन।

मोनसे एक्सचेन्ज फाइलिंआव, कम्पानिया बुंदोंमोन दि बिनि स्टेप-डाउन हेफाजाबगिरि- ग्लबेल एयारपर्ट अपारेटर LLC, आबु धाबीआ 30 आगस्त, 2024 मायथाइयाव केन्यायाव मोनसे आबुं बिगोमानि लेङाय बाहागो 'एयारपर्ट इन्फ्रास्ट्रक्चर PLC' सोफादेरदों। कम्पानिया बिरखं गाथोनफोरखौ जौगाहोनो, गोदान मुगायारि खालामनो आरो सामलायनो थाखाय खामानि मावगोन।

अडानी पर्ट्स एन्ड स्पेशियेल इक'नमिक जन लिमिटेड (APSEZ) नि बाहागोआ समबाराव 0.7 जौखोन्दोसो बांनानै 1,493 रां जाहैदोंमोन, जेराव गासै हाथाइ फुन्जिआ 3.25 लाख कौटि रांनि खाथियाव सौहैदोंमोन। बेयो 30 आगस्तआव मोनसे एक्सचेन्ज फाइलिंआव बुंदोंमोन दि बेनि बिबान एंगारनायनि हेफाजाबारि - अडानी हार्बर इन्टारनेसनेल DMCCआ एस्ट्र' अपशोर ग्रुपआव 80 जौखोन्दो बाहागो मोननो थाखाय मोनसे थि गोरोबथा खालामदों।

2.50 लाख कौटि रांनि खाथियाव बेसेननि अडानी पावार लिमिटेडनि बाहागोआ 2 जौखोन्दोनि बांसिन बांनानै 644.80 रां जाहैदोंमोन। बेयो बुंदोंमोन दि मोनसे एक्सचेन्ज फाइलिंआव रां दाहार होग्राफोरनो 3,330.88 कौटि रांनि सिगांग्रो रां होनो थाखाय चेन्नाईनि नेसनेल कम्पानि ल' ट्रिबिउनेल, प्रिन्सिपाल बेन्चनि गनायथिनि उनाव बोरिमायारि एनर्जेन प्राइभेट लिमिटेड (CEPL) आरजिनायनि बिखान्थिया आबुं जाबाय।

अडानी एनर्जी सलुशन्स, जायखौ सिगाङाव अडानी ट्रेन्समिसन लिमिटेड मुङै मिथिनाय जायोमोन, REC पावार डेभलपमेन्ट एन्ड कन्सल्टेन्सीनिफ्राय मोनसे लेटार अफ इन्टेन्ट (LOI) मोननायनि उनाव कम्पानीया खावदा फेजIV पार्ट-ए ट्रेन्समिसन मावथांखिनि SPV आरजिनायखौ फोजोबनायनि उनाव सानसेनि थाखाय 1.5 जौखोन्दोनि बांसिन बारायदोंमोन। कम्पानिनि गासै हाथाइ बेसेना 1.2 लाख कौटि रांमोन।

अडानी ग्रीन एनर्जीनि बाहागोआ समबाराव 2.3 जौखोन्दोनि बांसिन बांनानै 1,883 रां जाहैदोंमोन, जाय सुक्रुबारखालि 1,840.45 रांआव जोबदोंमोन। बेनि गासै बेसेना 3 लाख कौटि रांनि खाथियावमोन। एफ एन्ड अ' थाखोआव बेखौ दाजाबदेरनायनि दावराव-दावसिनि गेजेराव स्टकआ स्पटलाइटनि सिङावमोन।

अडानी विल्मार लिमिटेड आरो अडानी टोटल लिमिटेडजों लोगोसे गुबुन अडानी ग्रुपनि स्टकफोरा सेसननि समाव से जौखोन्दो बांनानै 366 रां आरो 839.80 रां जाहैदोंमोन। अम्बुजा सिमेन्ट्स लिमिटेड, ACC लिमिटेड आरो निउ दिल्ली टेलीविजन लिमिटेड (NDTV) जों लोगोसे आरजिनाय कम्पानिफोराबो रोखोमसे बिथायाव गोजौआव फालांगि खालामगासिनो दंमोन।