প্ৰধানমন্ত্ৰী জন ধন যোজনাৰ ১০ বছৰ: ৫৭ শতাংশ একাউণ্টধাৰী হৈছে মহিলা

প্ৰধানমন্ত্ৰী জন ধন যোজনাৰ অধীনত প্ৰায় ৫৭ শতাংশ একাউণ্টধাৰী মহিলা, যিয়ে মহিলাসকলৰ অধিক আৰ্থিক সবলীকৰণৰ ইংগিত দিয়ে।

কেন্দ্ৰীয় বিত্ত মন্ত্ৰালয়ে শ্বেয়াৰ কৰা শেহতীয়া তথ্য অনুসৰি ১৪ আগষ্টলৈকে মুঠ ৫৩১.৩ কোটি পিএমজেডিৱাই একাউণ্টৰ ভিতৰত ৫৫.৬ শতাংশ বা ২৯৫.৬ কোটি মহিলাৰ হাতত আছে।

‘মহিলা সবলীকৰণৰ ক্ষেত্ৰত জন ধন যোজনাই খেল সলনি কৰা বুলি প্ৰমাণিত হৈছে। প্ৰায় ৩০ কোটি মহিলাক বেংকিং ব্যৱস্থালৈ অনা হৈছে।’- লিংকডইনত এক পোষ্টযোগে এইদৰে কয় প্ৰধানমন্ত্ৰী নৰেন্দ্ৰ মোদীয়ে।

২০১৪ চনৰ ২৮ আগষ্টৰ পৰা আৰম্ভ হোৱা চৰকাৰৰ ফ্লেগশ্বিপ PMJDY আঁচনিখনে বুধবাৰে এটা দশক সম্পূৰ্ণ কৰে। ই প্ৰতিজন বেংকবিহীন প্ৰাপ্তবয়স্কৰ বাবে এটাকৈ মৌলিক বেংক একাউণ্ট প্ৰদান কৰে। এই একাউণ্টৰ বাবে কোনো ধৰণৰ বেলেঞ্চ ৰখাৰ প্ৰয়োজন নাই আৰু লগতে এই একাউণ্টৰ ওপৰত কোনো চাৰ্জ লোৱা নহয়।

একাউণ্টটোত ডিজিটেল লেনদেনৰ প্ৰচাৰৰ বাবে ২ লাখ টকাৰ ইন-বিল্ট এক্সিডেণ্ট ইনশ্বুৰেন্স কভাৰৰ সৈতে বিনামূলীয়া ৰুপে ডেবিট কাৰ্ডো প্ৰদান কৰা হৈছে। PMJDY একাউণ্টধাৰীসকলেও আৱশ্যকতা পূৰণৰ বাবে ১০ হাজাৰ টকা পৰ্যন্ত অভাৰড্ৰাফ্ট লাভ কৰাৰ যোগ্যতা অৰ্জন কৰে।

বিত্তমন্ত্ৰী নিৰ্মলাই, “পূৰ্বতে বেংক নকৰা লোকসকলক সাৰ্বজনীন, সুলভ মূল্যৰ, আৰু আনুষ্ঠানিক বিত্তীয় সেৱা প্ৰদান কৰি — বেংক একাউণ্ট, ক্ষুদ্ৰ সঞ্চয় আঁচনি, বীমা, আৰু ঋণকে ধৰি — পিএমজেডিৱাইয়ে যোৱা দশকত দেশৰ বেংকিং আৰু বিত্তীয় পৰিৱেশক ৰূপান্তৰিত কৰিছে।” সীতাৰমণে ক’লে।

২০১৫ চনৰ মাৰ্চ মাহৰ তুলনাত পিএমজেডিৱাইৰ বেংক একাউণ্টত মুঠ জমা ধন ১৫,৬৭০ কোটি টকাৰ পৰা ২.৩১ লাখ কোটি টকালৈ বৃদ্ধি পাইছে।
বিত্ত মন্ত্ৰালয়ৰ এক বিবৃতিত এইদৰে কয়।

২০১৫ চনৰ আগষ্টৰ তুলনাত প্ৰতিটো একাউণ্টত গড় জমা ধন ৪,৩৫২ টকা, যিটো ২০১৫ চনৰ আগষ্টৰ তুলনাত চাৰিগুণ বৃদ্ধি পাইছে বিত্ত মন্ত্ৰালয়। PMJDY একাউণ্টধাৰীকো ৩৬ কোটি ১৪ লাখ টকা কাৰ্ড প্ৰদান কৰা হৈছে।