সোমবাৰে চৰকাৰে গুজৰাটৰ ছানন্দত প্ৰতিদিনে ৬৩ লাখ চিপ ক্ষমতাৰে এটা অৰ্ধপৰিবাহী ইউনিট স্থাপনৰ প্ৰস্তাৱত অনুমোদন জনায়, যাৰ বাবে ৩৩০৭ কোটি টকাৰ বিনিয়োগ হ’ব।
কেন্দ্ৰীয় কেবিনেটৰ সিদ্ধান্তসমূহ ঘোষণা কৰি তথ্য-প্ৰযুক্তি মন্ত্ৰী অশ্বিনী বৈষ্ণৱে উল্লেখ কৰে যে ভাৰতত এটা সম্পূৰ্ণ অৰ্ধপৰিবাহী পৰিৱেশ তন্ত্ৰ আহি আছে।
"আজি কেবিনেটে কেইনছৰ প্লাণ্টত অনুমোদন জনাইছে, প্ৰতিদিনে ৬৩ লাখ চিপছৰ ক্ষমতা বুকিং কৰা হৈছে।’-মন্ত্ৰীগৰাকীয়ে কয়।
এই উদ্যোগটোৱে বিদ্যুৎ খণ্ডৰ সৈতে জড়িত চিপৰ ব্যৱস্থাও কৰিব। ইতিমধ্যে কোম্পানীটোৱে এই প্ৰকল্পৰ বাবে গুজৰাটৰ ছানন্দত মাটি অধিগ্ৰহণ কৰিছে আৰু শীঘ্ৰে নিৰ্মাণৰ কাম আৰম্ভ হ’ব।
ইউনিটটোৰ বাবে প্ৰস্তাৱিত বিনিয়োগ হৈছে প্ৰায় ৩,৩০৭ কোটি টকা।
বৈষ্ণৱে কয় যে শক্তি সম্পৰ্কীয় চিপ..অটোম’বাইল আৰু ঘৰুৱা সঁজুলিত ব্যৱহৃত চিপ, এই উদ্যোগতো উৎপাদন কৰা হ’ব।
FIRST Business Portal addressing the potential of business capability of North East Region.
