২০২৪-২৫ বিত্তীয় বৰ্ষৰ প্ৰথম ত্ৰৈমাসিকত চুজলন এনাৰ্জীয়ে শক্তিশালী ফলাফল ঘোষণা কৰিছে, তেতিয়াৰ পৰাই ব্ৰোকাৰেজ হাউছসমূহে কোম্পানীটোৰ ষ্টকত বুলিছ দেখা গৈছে। জে এম ফাইনেন্সিয়েলে চুজলন এনাৰ্জীৰ ষ্টকৰ লক্ষ্য ৭১ টকালৈ বৃদ্ধি কৰাৰ বিপৰীতে নুভামা ইনষ্টিটিউচনেল ইকুইটিয়ে বিনিয়োগকাৰীক ষ্টকটো ধৰি ৰাখিবলৈ কোৱাৰ লগতে ৬৪ টকাৰ লক্ষ্য দিছে। দীৰ্ঘম্যাদীভাৱে চুজলন এনাৰ্জীৰ ওপৰত ইতিবাচক বুলি কয় দালাল হাউছে।
২৫ জুলাই বৃহস্পতিবাৰৰ ব্যৱসায়িক অধিবেশনত চুজলন এনাৰ্জীৰ শ্বেয়াৰ ১.২৪ শতাংশ জঁপিয়াই ৬১.৪৭ টকাত বন্ধ হয়। কিন্তু দিনটোৰ ব্যৱসায়ৰ সময়ত ষ্টকটোৱে এবছৰৰ সৰ্বোচ্চ ৬৩.৭৫ টকাত উপনীত হৈছিল। যোৱা পাঁচ বছৰত চুজলন এনাৰ্জীয়ে বিনিয়োগকাৰীক প্ৰায় ১৪০০ শতাংশ, ৩ বছৰত ৭৩০ শতাংশ, ২ বছৰত ৮৬০ শতাংশ আৰু এবছৰত ২২৩ শতাংশ ৰিটাৰ্ণ দিছে। আনহাতে ২০২৪ চনত এই ষ্টক ৬১ শতাংশ বৃদ্ধি পাইছে। চুজলন এনাৰ্জীৰ মাৰ্কেট কেপ হৈছেগৈ ৮৩,৮৪০ কোটি টকা।
২০২০ চনৰ ২৬ মাৰ্চত কোম্পানীটোৱে বিত্তীয় সংকটৰ সন্মুখীন হোৱাৰ সময়ত এই শ্বেয়াৰটো ১.৭০ টকাৰ নিম্ন স্তৰলৈ নামি আহিছিল। কিন্তু যোৱা চাৰি বছৰত কোম্পানীটোৰ ৰূপান্তৰ ঘটিছে। আৰু এতিয়া এই ষ্টকটোৰ ব্যৱসায় হৈছে ৬১.৪৭ টকা। অৰ্থাৎ এই সময়ছোৱাত ষ্টকে বিনিয়োগকাৰীক ৩৫০০ শতাংশতকৈ অধিক ৰিটাৰ্ণ দিছে।
চুজলন এনাৰ্জীয়ে ঘোষণা কৰা প্ৰথম ত্ৰৈমাসিকৰ ফলাফলত কোম্পানীটোৰ নিকা লাভ ২০০ শতাংশ জঁপিয়াই পৰাৰ লগতে ১০১ কোটি টকাৰ পৰা ৩০২ কোটি টকালৈ বৃদ্ধি পাইছে। বায়ু শক্তিৰ সৈতে জড়িত কোম্পানীটোৰ অৰ্ডাৰ বুক হৈছে ৩৮১৭ মেগাৱাট। কোম্পানীটোৱে লগতে কয় যে এতিয়া এন পি টি চিৰ দৰে পি এছ ইউৰ নিবিদাত যোগ্যতা অৰ্জন কৰা হৈছে। ভাৰতে ২০৩০ চনৰ ভিতৰত ৫০০ গিগাৱাট নবীকৰণযোগ্য শক্তিৰ লক্ষ্য নিৰ্ধাৰণ কৰিছে, ইয়াৰে ১০০ গিগাৱাট বায়ু শক্তিৰ ক্ষমতা হ’ব।