विझिंजाम रुंमा गाथोना दिसेम्बर कमीशननि थाखाय थियारि; केरेला सोरखारा प्रजेक्टनि समखौ बारायबाय

केरेलानि गिबि मन्थ्रि पिनारायी विजयनआ बृहसपुथिबाराव अडानी विझिंजाम प'र्ट प्राइभेट लिमिटेडजों मोनसे सुफुंग्रा रेहाय गोरोबथायाव सागान होनो फोसावो, जायजों मावथांखिनि समफारिखौ बा बोसोर बारायनाय जायो। विझिंजाम गेजेर हायुंआरि लैथोगाथोना दा दिसेम्बर 2024 मायथाइयाव जागायजेननो थाखाय थि खालामनाय जादों।

केरेलानि लैथोआरि बिथायारि सानजथाइयाव मोनसे सोलायनाय आगान महरै साननाय बे मावथांखिया 2028 मायथाइसिमाव नैथि आरो थामथि खोन्दोआ जोबनायनि खाथियाव फैगोन। बे खोन्दोआव 10,000 कौटि रांनि उफ्रा रां थिसननाय थागोन, जाय रुंमा गाथोननि गोहोखौ 30 लाख नैजि फुट समान इउनिट (TEU) सिम बांहोगोन।
"जों मावथांखिनि समखौ 5 बोसोरनि थाखाय बारायनो आरो दिसेम्बरसिम जाहाज गाथोनखौ कमिसन खालामनो थाखाय @PortOfVizhinjam अडानी विझिंजाम पर्ट PBT Ltd जों मोनसे सुफुंग्रा रेहाय गोरोबथा खालामदों। 2028 मायथाइसिम नैथि आरो थामथि खोन्दोआ जोबनायनि खाथियाव, 10,000 कौटि रां थिसननाय जागोन, जाय रुंमा गाथोननि गोहोखौ 30 लाख TEU सिम बांहोगोन, "विजयनआ 'एक्स' आव मोनसे पस्टआव बुंदोंमोन।

बे माइल खुन्थिया गुवार जौगाथायनि थाखाय जोंनि रादाइखौ दिन्थियो आरो मुलुगनां फोनांजाबनाय, "बिथाङा बुंदेरदों। क'भिड-19 बेराम आरो अखि बारहुंखा आरो दै बाना बायदि मिथिंगायारि खैफोदफोरखौ नोजोर होनानै मावथांखिनि समफारिखौ बा बोसोरनि थाखाय बारायनाय जादों।

गोबाव जानायनि जाहोनाव 219 कौटि रांनि जरिमाना होनाय जादों आरो रायजोनो 43.8 कौटि रां होनाय जागोन। आद्रा थानाय रांखौ 2028 मायथाइसिम दोनथ'नाय जागोन। जुदि बे मावथांखिया 2028 मायथाइसिमाव आबुङै आबुं जाया, अब्ला बा बोसोरनि बारायनायखौ बोखारनाय जागोन आरो दोनथ'नाय रांखौ सोरखारा बुथुमगोन।

बिनि सिगाङाव, केराला सोरखार आरो अडानी विझिंजाम प'र्ट प्राइभेट लिमिटेडआ विझिंजाम गेजेर हायुंआरि रुंमा गाथोन मावथांखिनि थाखाय सुफुंग्रा रेहाय गोरोबथायाव गनायथि जादोंमोन। विजयननि दैदेन्नायाव जानाय रायजो केबिनेटनि जथुमाया बुधबाराव सुफुंग्रा रेहाय गोरोबथानि ड्राफ्टखौ गनायथि होयो।

ALSO READ: First North East Para Sports Meet 2024 To Be Held In Guwahati

केरेलानि खोला बोरिमायाव थानाय विझिंजाम रुंमा गाथोन मावथांखिखौ जोबोद गिदिर कन्टेनार जाहाजफोरखौ सामलायनो थाखाय डिजाइन खालामनाय जादों, जाय गेजेर हायुंआरि शिपिं लामाफोरजों गोख्रै फोनांजाबनायखौ रोखा खालामो। बेयो ओनसोलाव रांखान्थियारि जौगानायखौ थुलुंगा होगोन, साख्रिनि खाबुफोर सोरजिगोन आरो फालांगिखौ बांहोगोन होनना मिजिं थिनाय जादों।