सा-सानजायाव 80,000 कौटि रां थिसननायनि वेदान्तानि मख'जाथाव रादाइ

वेदान्ता हानजाया सा-सानजा ओनसोलाव 80,000 कौटि रां थिसननो फोसावदों। कम्पानिया गोदान दिल्लीयाव सा-सानजा ओनसोल जौगाथाय मन्थ्रि बिफानजों खुंजानाय मोनसे मुलुगनां रां थिसननाय जथुम राइजिंग नर्थईस्ट इनभेस्टर्स समिट 2025 नि बेखेवनाय जथुम्मायाव बाहागो लादोंमोन। बे रां थिसननाया मोनद' सा-सानजा रायजोफोराव थाव आरो गेस, गोनांथार खनिजफोर, सोदांनाय सुबिदाफोर, मोब्लिब, अप्टिकल फाइबार, खान्थि खौसेथि, गोदान गोदान गोहो, रानसारथाय सेक्टरफोर आरो खारि मिरुफोर बायदि सेक्टरफोराव गोसो होगोन। वेदान्ताया सा-सानजायाव हाइड्रकार्बनखौ बाहायनो थाखाय बयनिख्रुइ देरसिन नागिरनाय आरो जौगाथाय हाबाफारिफोरनि गेजेराव मोनसे खुंगासिनो दं। बे बोसोरनि जागायजेन्नायाव कम्पानिया एडभान्टेज आसाम 2.0 जथुम्मायाव आसामाव 50,000 कौटि रां खाथायनायनि बाथ्रा फोसावदोंमोन। दिनै हाइड्रकार्बन आरो खनिज जथाइया राइजिं सा-सानजा जथुम्मानि समाव अरुणाचल प्रदेश, नागालेन्ड, त्रिपुरा, मेघालय आरो मिज'रामाव 30,000 कौटि रां थिसनबावनो फोसावो।

साबसिन इयुन

बे रां थिसननाया 100,000 साख्रिफोर सोरजिनो आरो ओनसोलाव समाजारि-रांखान्थियारि जौगानायखौ खाबु होनो हानाय गोहो दं। वेदान्ताया गावनि समाजारि गोहोम गोग्लैनाय हाबाफारिफोर जेरै नन्द घर्स (गोदान मुगायारि आंगनवाड़ीफोर जाय आइजोफोर आरो गथ'फोरनि जौगाथायनि थाखाय गुवार मिरु महरै खामानि मावो), आखाइ-इसान रोंग'थि मिरुफोर, आइजोफोर आरो गथ'फोरनि थाखाय डिजिटेल थाखो खथाफोर, आरो ओनसोलनि लाइमोनफोरनि थाखाय मोनसे गोजों, बांसिन खौसेथि इयुनखौ रोखा खालामनो थाखाय गेलेमुफोरखौ जौगाहोनो थाखाय बावसोमनाय। भारतनि गाहाय मन्थ्रि नरेन्द्र मदि, सा-सानजा ओनसोलनि मिरु सुंजाबथाय आरो जौगाथाय मन्थ्रि ज्योतिरादित्य एम सिन्धिया, दाइन सा-सानजा रायजोनि गिबि मन्थ्रि आरो गुबुन गेदेमा सुबुंफोरजों बाहागो लानाय बे जथुम्मायाव वेदान्ता ग्रुपनि मासिगिरि अनिल अग्रवालआ ओनसोलनि दावगानायनि थाखाय गावनि कम्पानिनि रादाइखौ फिन खेबसे बुंफिन्दोंमोन।

ALSO READ: खुननि बेसेना खमायलाङो मानोना भारतनि दिहुनथायनि अनुमान खालामनाया एसे बांनानै 291.35 लाख गस्थि जायो।

"दिनै, सा-सानजानि रायजोफोरा मोन्नै अनजिमायाव अनजिमाजों मख'जाथाव जौगानायखौ मोन्दांनो हादों। बे ओनसोलाव खाबुफोरा आरोबाव गोख्रैयै बांगासिनो दं। गाहाय मन्थ्रिनि दैदेन्नायाव बे ओनसोला जौगानाय भारतनि थाखाय जौगानायनि मोनसे गोनांथार इन्जिन जाबाय। गावारि सेक्टरा बे जौगानायाव बाहागो लानो गोसो गुदुं। वेदान्ताया बे ओनसोलाव रां थिसननो थाखाय आबुङै बावसोमनाय, जाय मोनसे सरासनस्रा खामानि मावग्रा हानजाजों लोगोसे थाव आरो गेसनिफ्राय लानानै गोनांथार खनिजफोरसिम मिथिंगायारि फुंखाफोराव मख'जाथाव गोहोखौ गोग्गायो। सा-सानजानि आखुथाइया बिखंनि गोजौ आरो गाहायाव सरासनस्रा नङै मिथिंगायारि धोन। भारतनि गिबि थाव नागिरनानै दिहुननायनि थाखाय मिथिजानाय आसामाव हादोरनि 27 जौखोन्दोसो गोथां थाव दोनथुमसालिफोर दं। केयार्न अइल एन्ड गेसआ आसामनि हाजारीगांव फोथाराव खामानि मावगासिनो दं, जाय सा-सानजायाव दिहुन्नाय जागायजेन्नाय गिबिसिन नागिरना मोन्नाय फिसा फोथार (डीएसएफ) ब्लक।

सम्फदफोरखौ संरैखा खालामनाय

केयर्नआ न'सुंसेनि साहा बागानफोरनो गेसबो जगायगासिनो दं, आसामाव साहा दिहुनथायखौ बांहोगासिनो आरो आबादारिफोरखौ बेसेन गोसा खैला-बिथा गोहो फुंखाफोरनिफ्राय साफा गेसाव सोलायनो गनायथि होदों। हजारीगांव फोथारनिफ्राय जायगायारि महरै दिहुनजानाय गेसआबो गुवाहाटीआव गं 100 निबो बांसिन सि.एन.जि. बासफोरखौ थाव होनायाव मोनसे गाहाय बिहोमा होग्रा, जाय आसाम सोरखारनि साफा गोहो हाबाफारिखौ मदद होयो। अरुणाचल प्रदेशआ भारतनि बयनिख्रुइबो देरसिन ग्रेफाइट दोनथुमनाय, मख'जाथाव भेनेडियम आरो मोननो थाङै बुहुमनि जमा आरो हादोरनि 40 जौखोन्दोसो दैआरि मोब्लिब गोहोनि न'। बावैसो वेदान्ताया गोनांथार खनिज निलामनि गेजेरजों अरुणाचल प्रदेशआव भेनेडियम आरो ग्रेफाइट खनिज ब्लकफोरखौ रैखा खालामदोंमोन। खेबसे नागिरनायनि उनाव, बे गोनांथार खनिज ब्लकफोरा भारतनि गोजौ-आरोंदायारि दिहुनथाय आरो साफा गोहो सेक्टरफोराव गोनांथार गोथां मुवाफोर जगायगोन। नागालेन्ड, त्रिपुरा आरो मेघालयआवबो गोबां मिथिंगायारि सम्फदफोर दं जायखौ ओनसोल आरो हादोरनि जौगानायनि थाखाय बिबान गोनांयै बाहायनो हायो।

वेदान्ता आरो बेजों सोमोन्दो गोनां फसंथानफोरा 300 सार्किट किल'मिटार ट्रेन्समिसन सिस्टेम नेटवर्क गायसन्नायाव रां थिसनदों, जाय आसामनिफ्राय मेघालयसिम 1,000 मेगावाट मोब्लिब गोहो दैथायहरनायाव खाबु होयो। बे हाबाफारिया मेघालय आरो आसामाव मोब्लिबनि फोथायजाथाव आरो सौहैनो हानायखौ गोबां बांहोयो, ओनसोलनि दारिमिन, फालांगियारि आरो समाजारि-रांखान्थियारि जौगानायखौ बांहोयो आरो गासै जिउनि गुनखौ साबसिन खालामो। कम्पानिया आखाइ-इसान मिरुफोर गायसननायनि गेजेरजों अरायथा जिउ राहानि खाबुफोर सोरजिनानै आइजो आरिमुगिरिफोरखौ गोहो होबोगासिनो दं, बेबादिनो 3,000 नि बांसिन आइजोफोरनो राङारि उदांस्रि होदों। बेजों लोगोसे, कम्पानिया गोबां जिउराहा फोरोंथाय आरो रोंग'थि जौगाथाय हाबाफारिफोर खुङो आरो 200 गामिफोराव गुबुन गुबुन हारिफोरजों सांग्राङै बाहागो लायो। बेदान्ताया ओनसोलाव हाग्रानि जिब-जुनार रैखाथि होनो नाजानायखौ गोख्रों खालामनो थाखाय युनेस्क'नि अवाल्द हेरिटेज साइट काजीरंगा हायुङारि पार्क आरो टाइगर रिजर्वजोंबो हेफाजाब होदोंमोन।

सा-सानजाया खालि मोनसे भुमखौराङारि सिमाल' नङा; बेयो गोहो, जौगानाय आरो गोजोर जौगाथायनि थाखाय भारतनि उननि सिमाखौ दिन्थियो।