आल्ट्राटेकआ स्टार सिमेन्ट फोसावग्रा हानजानिफ्राय 8.69% बाहागोखौ ₹851 कौटिआव बायदों

गोहोजों भारतनि बयनिख्रुइबो देरसिन सिमेन्ट कम्पानि, आल्ट्राटेक सिमेन्ट लिमिटेडआ स्टार सिमेन्ट लिमिटेडआव गावनि फोसावग्रा हानजानिफ्राय 851 कौटि रांआव 8.69 जौखोन्दो बाहागो आरजिनायनि बाथ्रा फोसावदों। सुक्रबार, 27 दिसेम्बरखालि मोनसे एक्सचेन्ज फाइलिंआव, अल्ट्राटेकआ बुंदोंमोन दि ब्लक डील उइन्ड'नि समाव सेयारफोरखौ मोनफ्रोम शेयारआव ₹235 बेसेनाव लानाय जादोंमोन।

आल्ट्राटेकआ गावनि एक्सचेन्ज फाइलिंआव बुंदोंमोन दि बेयो मोनसे सामलायनो हायै बाङाइ अनजिमानि बाहागो जायखौ बियो स्टार सिमेन्टाव मोननो हादोंमोन। स्टार सिमेन्टआ सा-सानजा रायजो मेघालयनि बायजोआव दं आरो रांखान्थियारि बोसोर 2024 मायथाइयाव गासै 2,910 कौटि रांनि फालांगि खालामनायनि फोरमायथि होदोंमोन।
बे सप्तानि गिबिआव, अल्ट्राटेकआबो इन्डिया सिमेन्ट्सआव 32.72% बाहागो आरजिनायखौ फोजोबदोंमोन, जायजों कम्पानीनि थाखाय मोनसे गेवलां जासिनाय जागायदोंमोन, जायखौ मोनफ्रोम शेयारआव ₹390 नि बेसेनाव खालामनाय जागोन। बे आरजिनायजों, इन्डिया सिमेन्ट्सआ आल्ट्राटेकनि मोनसे लेङाय बाहागो जाबाय, जाय गावनि दिहुनथाय गोहोआव 14.5 मिलियन टन दाजाबदेरदों।
स्टार सिमेन्टहा 7.7 एमटीपीए ग्राइन्दिं गोहो, 6.1 एमटीपीए क्लिंकर गोहो दं, बेहा 2,000 नि खाथियाव डीलार नेटवर्क आरो 12,500 नि बांसिन खुस्रा फानग्रा नेटवर्क दं। सा-सानजा हाथाइयाव, स्टार सिमेन्टआ 26.5 जौखोन्दो हाथाइ बाहागो दं। सेप्टेम्बर दानथामनि उनाव बेनि रां थिसनगिरि दिन्थिफुंनायनि बायदिब्ला, प्रीमियाम फाननाया गासै फाननायनि 10.6 जौखोन्दो।

ALSO READ: भारतआव फिसा साहा दिहुनग्राफोरनि बिहोमाया 53.42% : रिपर्ट

सेप्टेम्बर दानथामनि समाव, स्टार सिमेन्टखौ राजस्थाननि ब्यावर जिल्लायाव मोनद' सुनै अन्थाइनि ब्लकफोरनि थाखाय साबसिन बिद होग्रा महरै फोसावनाय जादोंमोन। बे ब्लकफोराव 95.68 हेक्टेयर ओनसोलाव 63.9 मिलियन टननि भुमखौराङारि सुनै अन्थाइनि बाख्रि दं होनना साननाय जादों।

कम्पानीहा आसामनि सिलचर आरो जोरहाट जिल्लायावबो मोननै फैबाय थानाय इउनिटफोर दं आरो सोलिफु रांखान्थि बोसोरनि नैथि खावसेनि थाखाय 380 कौटि रांनि केपेक्स प्लेन दं। स्टार सिमेन्टनि बाहागोफोरा सुक्रुबाराव 7 जौखोन्दो बांनानै ₹245.23 आव खुलिबाय। 2024 मायथाइयाव दासिम स्टकआ 40 जौखोन्दो बांदों।आल्ट्राटेकनि बाहागोफोरा सुक्रुबाराव 0.3% बांसिन ₹11,497 आव खुलिदों। बे बोसोराव दासिम स्टकआ 10 जौखोन्दो बांदों।