सा-सानजा गौथुमनि (NEC) 72थि प्लेनारि जथुम्माया दिनै 21 दिसेम्बरखालि प्राग्ना भबनआव जागायजेनो, जेराव मिरु नखर मन्थ्रि अमित शाहया बे सावरायमेलखौ दैदेनदोंमोन।
सान्नैनि हाबाफारिया ओनसोलनि जौगालु गोनांथिफोरनि सायाव सावरायनो थाखाय रायजो बेंगिरिफोर, गिबि मन्थ्रिफोर आरो सा-सानजा हादोरसाफोरनि गोजौ थाखोनि मावख'गिरिफोरजों लोगोसे गाहाय बाहागोआरिफोरखौ ज' खालामो।
सा-सानजा ओनसोल जौगाथाय मन्थ्रि (DoNER) ज्योतिरादित्य सिन्धिया, मिरु मन्थ्रि ड. सुकान्त मजुमदारआबो बे मेलाव नुजाथिदोंमोन।
समफारि बायदिब्ला मिरु नखर मन्थ्रिआ दिनै मोनब्रै हाबाफारियाव बाहागो लानो हागौ जेराव आबुं जथुम, नर्थ ईस्ट बेंकार कनक्लेभ, सा-सानजा स्पेस एप्लिकेसन सेन्टारनि 12थि जथुम दं।
22 दिसेम्बराव मिरु नखर मन्थ्रिया धलाई जिल्लानि अमाबासा दालाय खोन्दोआव दावबायगोन जेराव बिथाङा सिंनिफ्राय बोखारजानाय ब्रु सुबुंफोरजों सावरायगोन।
FIRST Business Portal addressing the potential of business capability of North East Region.
