भारतनि तामिलनाडुआव iPhone plant नि थाखाय Tata आ Pegatron जों गोरोबथा खालामदों

भारतनि टाटा इलेक्ट्रनिक्सआ ताइवाननि थिखानाय दिहुनग्रा पेगाट्रननि भारतआव मोनसेल' iPhone plant आव बांसिन बाहागो बायनो राजि जादों, जाय मोनसे गोदान जथाय फालांगि बानायदों जाय Apple जगायग्रा महरै Tata नि थाथायखौ गोख्रों खालामो, मोन्नै सुलुङा रयटर्सनो खोन्थादोंमोन।

थांनाय सप्तायाव सिङारि महरै फोसावनाय गोरोबथानि सिङाव, Tata आ 60 जौखोन्दो थागोन आरो जथाय फालांगिनि सिङाव सानफ्रोमबोनि खामानिफोरखौ सालायगोन, फारसेथिं पेगाट्रनआ आद्राखौ हमथागोन आरो आरोंदायारि मदद होगोन, मोन्नै फुंखाफोरा बुंदों, जाय मुं दोननो राजि जायाखैमोन मानोना गुवारै फोरमायथिफोरा दासिमबो रायजोआरि नङा। फुंखाफोरा गोरोबथानि राङारि थासारिनि सोमोन्दै गुवारै फोरमायाखैमोन।  

Tata आ बिबुंथि होनो राजि जायाखैमोन, फारसेथिं Apple आरो Pegatron आ रबिबाराव रयटर्सनि सोंलुफोरनि फिन्नाय होआखैमोन। रयटर्सआ गिबि खेब एप्रिलाव रिपर्ट खालामदोंमोन दि पेगाट्रनहा Apple नि मदद दंमोन आरो भारतआव गावनि मोनसेल' iPhone plant खौ Tata नो फान्नो थाखाय जौगा सावरायगासिनो दंमोन, जाय ताइवानि फार्मनि Apple बाहागोदारिनि गोदानसिन स्केलखौ दिन्थियो।

Apple आ  Beijing आरो  Washington नि गेजेराव भुमखौराङारि जेंनानि गेजेराव चीननि बायजोआव गावनि जगायनाय फारिखौ गोख्रैयै बायदि रोखोम खालामनो सानगासिनो दं। भारतनि Tata नि थाखाय, चेन्नाइ पेगाट्रन प्लान्टआ गावनि आइफन बानायनाय सानथांखिफोरखौ गोख्रों खालामगोन।

Tata आ भारतनि बयनिख्रुइ देरसिन जथाइफोरनि गेजेराव मोनसे आरो भारतआव सोलिबाय थानाय मोनसेल' गुबुन iPhone रादाय दिहुनग्रा फक्सकनजों जुजिनानै iPhone दिहुन्नायाव गोख्रैयै गोसारगासिनो दं। गिबि फुंखाया बुंदोंमोन दि गोरोबथाखौ बन्द' खालामनायनि फोसावनाया सुक्रुबाराव iPhone plant आव सिंजों खालामनाय जादोंमोन।

नैथि फुंखाया बुंदोंमोन दि मोन्नैबो कम्पानिफोरा फैबाय थानाय समाव भारतारि बादायलायनाय आय'ग (Competition Commission of India)नि गनायथिनि थाखाय आरजलाइ गथायनो सानथांखि खालामदों।

Tata आ सिगांनिफ्रायनो खोलायारि रायजो कर्नाटकआव मोनसे आइफन एसेमब्लि प्लान्ट सालायो, जायखौ बेयो थांनाय बोसोराव ताइवाननि विस्ट्रॉननिफ्राय लादोंमोन। बेयो तामिलनाडुनि ह'सुरआवबो गुबुन मोनसे लुगासिनो दं, जेराव बेहा मोनसे आईफन कम्पोनेन्ट प्लान्टबो दं जाय सेप्टेम्बरआव अर खामनायनि जाथायाव लोब्बा दंमोन।

ALSO READ: Hero MotoCorp आ शेयार खालामो: बिजिरसंगिरिफोरा Q2 नि फिथायनि उनाव बे साखा-खबनैनि स्टकआव मानो 30% उल्टा नुयो?

बिजिरसंगिरिफोरा अनुमान खालामदों दि बे बोसोराव गासै आइफन दैथायहरनायाव भारतआ 20-25 जौखोन्दो बिहोमा होगोन, जाय थांनाय बोसोराव 12-14 जौखोन्दोमोन।

Tata-Pegatron plant, जेराव फ्राय 10,000 मावफारियाफोर दं आरो बोसोराव 5 मिलियन आइफन बानायो, भारतआव टाटानि थामथि आइफन दारिमिन जागोन।