GST हारखौ जुक्तिगोनां खालामनायनि सायाव गोनांथार सावरायनो थाखाय बे सप्तायाव ग'वायाव रायजोनि मन्थ्रिफोरनि पेनेलनि जथुम

आथिखालाव GST आ मोनसे मोनब्रै-थाखोनि खाजोना दाथाय, जेराव 5%, 12%, 18% आरो 28% स्लेब दं। GST नि सिङाव, गोनांथार बेसादफोरा आबुङै रेहाय होजानाय, एबा बाङायसिन खाजोनानि हारनि सिङाव, बबेखानि लाक्जरी आरो पाप मुवाफोरा 28 जौखोन्दोनि गोजौसिन स्लेबखौ बोनो हायो।

GST खुंथायनि सिङाव गुबै सम्पथि आरो हारखौ जुक्तिगोनां खालामनायनि सायाव नायबिजिरनो बिबान होजानाय रायजोनि मन्थ्रिफोरनि पेनेलनि साननैनि गोनांथार जथुमाया 24 सेप्तेम्बर आरो 25 सेप्तेम्बराव गवायाव जानो थांगासिनो। बिहारनि लेङाइ गिबि मन्थ्रि सम्राट चौधरीनि दैदेननायाव जानाय बे जथुमाव सि-जोम, हासार आरो आखाइ-इसान बेसादफोरजों लोगोसे मोन 100 दिहुनथायफोरनि थाखाय खाजोनानि हारखौ नायफामनायनि सायाव नोजोर होनाय जागोन होनना सुलुङा बिजनेस टुडे टिभिनो फोरमायदों।

पेनेलाव उत्तर प्रदेशनि रांखान्थि मन्थ्रि सुरेश कुमार खन्ना, राजस्थाननि सावस्रि सिबिथाय मन्थ्रि गजेन्द्र सिंह आरो केरालानि रांखान्थि मन्थ्रि के एन बालागोपालबो दं। 

बे पेनेलनि गनायथिफोरा मोनसे फोरमायथिनि बिथा महरै खामानि मावगोन जायखौ नबेम्बराव 55थि GST गौथुमनि जथुमाव दिन्थिनाय जागोन। गुबै सम्पथिनि सायाव पेनेलनि सावरायनायाव खहा सुफुंनाय बिथांखिनि सायाव सावरायनायबो थाफागोन, जाय बे सेक्टरनि थाखाय मख'जाथाव गोहोम खोख्लैनो हागौ। 

जथुमनि गाहाय बाहागोफोरनि गेजेराव मोनसेया जागोन GST फिटमेन्ट बिखान्थिनि बाहागो महरै मोनथाम थांखि लानाय हार दाथायफोरनि सावरायनाय। पेनेला मोनथाम अपसनफोरखौ नायगोन:

→     सायख'नाय 1: 7%, 14%, 21% 
→     सायख'नाय 2: 18%, 16%, 24% 
→     सायख'नाय 3: 9%, 18%, 27% 

आथिखालाव GST आ मोनसे मोनब्रै-थाखोनि खाजोना दाथाय, जेराव 5%, 12%, 18% आरो 28% स्लेब दं। GST नि सिङाव, गोनांथार बेसादफोरा आबुङै रेहाय होजानाय, एबा बाङायसिन खाजोनानि हारनि सिङाव, बबेखानि लाक्जरी आरो पाप मुवाफोरा 28 जौखोन्दोनि गोजौसिन स्लेबखौ बोनो हायो। लाक्जरी आरो पापनि बेसादफोराव, जौसिन खाजोनानि हारनि सायाव सेस होनाय जायो।

आगस्तनि जथुमनि समाव, मन्थ्रि आफादा गुवारै मोनब्रै-स्लेब खाजोनानि दाथायखौ लाखिनो थाखाय ज' जादोंमोन। बबेखानि, बेयो गौथुमजों सायख'जानाय फिटमेन्ट पेनेलखौ माखासे बेसादफोराव खाजोनानि गोहोम गोग्लैनायखौ नायबिजिरनो आरो सोमोन्दो गोनां खारि नागिरनो थिनदोंमोन। 

बे आयदानि सोमोन्दै सुलुंफोरा सुबुरुन होयो दि पेनेला रियेल एस्टेट सेक्टरनि थाखाय खाजोनानि हारखौ मोजाङै खालामनायावबो गोसो होगोन, जाय माखासे समनि थाखाय लुनाय बेसादफोर आरो सिबिथायफोरनि थाखाय GST नि हारफोराव बांसिन रोखाथिनि थाखाय लबिं खालामगासिनो दं।