स्लाइस आ नर्थ इस्ट स्मल फाइनेन्स बेंकजों सरजाबनायखौ आबुं खालामबाय

Slice आ मोनसे बिबुंथियाव बुंदोंमोन दि खौसेथिया मावफुंनायखौ फेहेरनाय, खैफोद सामलायनाय फ्रेमवर्कखौ बांहोनाय आरो बायगिरिफोरनि रोंमोन्दांथिखौ साबसिन खालामनायजों लोगोसे मोनसे बिरोंदामिनजों सालायजानाय बेंक सोरजिनायाव मदद होगोन। ज' खालामजानाय आफादा हादोरनि सा-सानजा ओनसोलाव गावसोरनि थाथायखौ गोथौ खालामगोन आरो ओनसोलाव रांखान्थियारि जौगानायाव गोसो होगोन।

बेंगालुरुनि फिनटेक स्टार्टअप स्लाइसआ गासैबो गोनांथार शेयार बाहागोआरि आरो सामलायग्रा गनायथि मोननायनि उनाव 27 अक्ट'बरनिफ्राय नर्थ ईस्ट स्मल फाइनेन्स बेंक (NESFB) जों गावनि सरजाबनायखौ फोजोबबाय ।

समबाराव फोसावनायनि गेजेरजों, स्लाइसआ बुंदोंमोन दि ज'खालामनाया मोन्नैबो फसंथानफोरनि मावफुंनाय, सम्फथि, ब्रान्ड सिनायथिफोरखौ मोनसे बेंकिं फसंथानाव खौसे खालामगोन । कम्पानिया मोनसे बिबुंथियाव बुंदोंमोन दि खौसेथिया मावफुंनायखौ फेहेरनाय, खैफोद सामलायनाय फ्रेमवर्कखौ बांहोनाय आरो बायगिरिफोरनि रोंमोन्दांथिखौ साबसिन खालामनायजों लोगोसे मोनसे बिरोंदामिनजों सालायजानाय बेंक सोरजिनायाव मदद होगोन । ज' खालामजानाय आफादा हादोरनि सा-सानजा ओनसोलाव गावसोरनि थाथायखौ गोथौ खालामगोन आरो ओनसोलाव रांखान्थियारि जौगानायाव गोसो होगोन ।

"बोसोरसेनि बांसिन समनिफ्राय, स्लाइस आरो एन.ई.एस.एफ.बी. (Slice and NESFB) नि हान्जाफोरा ज'जानायखौ मोगथाङाव महर होनो थाखाय मेंनो रोङै खामानि मावदों । बे सोलायनाय दावबायनायाव जोंखौ फोथायनायनि थाखाय जों सामलायग्रा बिबानगिरिफोर, गुबैयै आर.बि.आइ. आरो आसाम सोरखारनिसिम साबायखर बावदों, "स्लाइसनि गाहाय मावफुं मावख'गिरि राजन बजाजआ बुङो, "जों जर'खायै सा-सानजायाव जोंनि रोदाफोरखौ गोख्रों खालामनो थाखाय रादाय होनाय, गोबां सुबुंफोरखौ नेमखान्थियारि बेंकिं खान्थियाव लाबोनो नाजानाय," बिथाङा बुंदों ।

ALSO READ: সোণৰ ঋণ:? গ‘ল্ড লোণ ল‘ম বুলি ভাৱিছে নেকি? এনে ঋণ লোৱা বা দিয়া সকলোৱে জানিব লাগে RBI ৰ নিৰ্দেশৰ প্ৰভাৱ

स्लाइसआ अक्ट'बर 2023 मायथाइयाव जेंनायाव गोग्लैनाय एन.ई.एस.एफ.बी.जों ज' जानो थाखाय रिजार्भ बेंक अफ इन्डियानि गनायथि मोनदोंमोन, लोगोसे भारतनि बादायलायनाय आय'ग आरो हायुंआरि कम्पानि आयेन बिजिरसालिनिफ्राय गनायथि मोनदोंमोन, जाय उनाव फैदोंमोन ।