SEBI आ गोब्राब राङारि फोरमायनाय नेमफोरजों REIT, इनभिटफोरनि सायाव गाग्लोबदों

हाथाइ सामलायग्रा सिकिउरिटिज एन्ड एक्सचेन्ज बर्ड अफ इन्डिया (SEBI)आ माबोरै रियल एस्टेट इनभेस्टमेन्ट ट्रास्ट (REIT) आरो इनफ्रास्ट्रक्चर इनभेस्टमेन्ट ट्रास्टफोरा (InvIT) गावसोरनि राङारि फोरमायथिखौ फोरमायनांगौ, गुबैयै गावसोरनि रायजोआरि जासिनाय खाख्रिफोराव फोरमायनांगौ बेनि सोमोन्दै गोदान नेम थांखि दैखांदों।

बेयाव थांखिफोर दं:

REIT आरो InvITs फोरा मा?

REIT आरो इनभिटफोरा रां थिसननायनि बाहनफोर जाय फारियै गुबै सम्पथि आरो बिथायारि सानज'थाय मावथांखिफोराव रां थिसननो थाखाय रां खाथायग्राफोरनिफ्राय रां बुथुमो। बेफोरो स्टक एक्सचेन्जफोराव फारिलाइ खालामजानाय, जायजों रां थिसनगिरिफोरा गुबुन कम्पानिफोर बायदि बेफोराव बाहागो बायनो गनायथि मोनो।

थांखि लानाय सोलायनायफोर:

जासिनाय खाख्रिफोराव राङारि फोरमायनाय: जेब्ला REIT आरो InvIT फोरा रायजो राजानो बाहागो जासिनानै रां बुथुमनो लुबैयो (गिबि रायजोआरि जासिनाय एबा IPO), अब्ला बिसोरो रोखायै गुवारै राङारि फोरमायथिखौ फोरमायनांगोन। गोदान थांखि दैखांनाया सुबुरुन होयो दि ट्रास्टा गोबाव समनिफ्रायनो खामानि मावाखैब्लाबो, बिसोरो जथाय राङारि बिबुंथि होनांगोन। बेनि ओंथिया बेनोदि बिसोरो गासै ट्रास्टनि राङारि सावस्रिखौ दिन्थिनांगोन, जेराव बिसोर सोमोन्दो थानाय जायखिजाया आफादफोरबो दंफायो।

लिस्टिंनि उनाव सोलिबाय थानाय मानिनाय: रायजोआरि जासिनायनि उनाव, ट्रास्टआ राङारि आपडेटफोरखौ फोसावबाय थानांगोन, जेरै कम्पानिफोरा स्टक एक्सचेन्जआव फारिलाइ खालामखांनायनि उनाव खालामो। बेयाव दं:

राङारि बिबुंथिफोरनि अडिट: उननि जासिनायनि थाखाय (जेब्ला बिसोरो इयुनाव बांसिन रां बुथुमो), REIT आरो इनविटफोरा सुंद' रोखोमफोरल' नङा, जथायनाय, अडिट खालामजानाय राङारि बिबुंथिफोर होनांगोन।

जेबो गाहाय रांखान्थियारि बिबुंथि गैया: आथिखालाव, बे ट्रास्टफोरा माब्लाबा-माब्लाबा राङारि गुसुङै फोरमायथि (जायखौ "कंडेन्स्ड फाइनेन्सियेल स्टेटमेन्ट" बुंनाय जायो) दिन्थिनो हायो जाय आबुं सावगारि होआ। SEBI आ बै खाबुखौ बोखारनो लुबैदों, जायजों बिसोरखौ आबुं फोरमायथिनि थाखाय गोरासिन नेमफोरखौ मानिनो गोनां खालामो।

ALSO READ: RBI आ निउ इन्डिया क'-अपारेटिभ बेंकखौ होबथादों, रां जमा दोनग्राफोरा दालायफोरनि बायजोआव सारि जाबाय

दानथामारि रिपर्टफोर: बोसोराव खेबनैल' बुथुमनाय रांखौ माबोरै बाहायनाय जायो बेनि सायाव आपडेट होनायनि अनगायै, SEBI आ दा लुबैयो दि REIT आरो इनविटफोरा बे दानथामारि रिपर्ट खालामो। बेयो बेखौ थि खालामनो थाखाय दि रां थिसनगिरिफोरा गावसोरनि राङा बबेहाय थांगासिनो दं बेनि बागै मोजाङै मिथि होजायो।

नेट दाहार लानायनि रुजुज'खा: बे थांखिया REIT आरो InvIT फोरखौ गावसोरनि राङारि फोरमायथिफोराव गावसोरनि गासै दाहार लानायनि रुजुज'खाखौ (थामहिनबा, बिसोरहा गावसोरनि सम्फथिनि रुजुनायाव बेसेबां दाहार दं) फोरमायनो खावलायो। बेयो रां थिसनगिरिफोरखौ ट्रास्टनि राङारि सावस्रिखौ बुजिनायाव मदद होगोन, जुनियायै माबाफोर दाहार लानाय दंब्ला।

सोलायनाया मानो?

बे आपदेटफोरखौ रोखाथिखौ साबसिन खालामनो आरो रां थिसनगिरिफोरखौ रैखाथि होनो थाखाय महर होनाय जादों। REIT आरो InvIT फोरा गुवारै आरो गोदानसिन राङारि फोरमायथि रानलायनायखौ थि खालामनानै, रां थिसनगिरिफोरा बांसिन गियान गोनां थिरांथाफोर लानो हागोन।

बेनि उनाव मा जागोन?

SEBI आ 7 मार्चसिमाव बे थांखि लानाय सोलायनायफोरनि सायाव रायजो राजाफोरनाव फिनजाथाय बिगासिनो दं। सुबुंफोरा गावसोरनि बिबुंथिफोरखौ अनलाइन गथायनो हायो, आरो फिननायफोरखौ नायखांनायनि उनाव, SEBI आ बे गोदान नेमफोरखौ जोबथा खालामनो हागौ।