ৰিলায়েন্স পাৱাৰৰ শ্বেয়াৰ ৫ শতাংশ বৃদ্ধি

ৰিলায়েন্স পাৱাৰৰ সহযোগী প্ৰতিষ্ঠান ৰিলায়েন্স এন ইউ ছানটেকে ভাৰতৰ সৌৰ শক্তি নিগম (এছ ই চি আই)ৰ পৰা দেশৰ একক বৃহত্তম ৯৩০ মেগাৱাট সৌৰ প্ৰকল্পত জয়লাভ কৰাৰ পিছতে বৃহস্পতিবাৰে ৰিলায়েন্স পাৱাৰৰ শ্বেয়াৰ ৫ শতাংশ বৃদ্ধি পায়।

বিএছই আৰু এনএছই দুয়োটাতে ৪.৯৯ শতাংশ বৃদ্ধি পাই ৪৬.২৪ টকা হয়।

ৰিলায়েন্স পাৱাৰৰ এটা শাখা ৰিলায়েন্স এন ইউ ছানটেকে এছ ই চি আইৰ পৰা ১৮৬০ মেগাৱাট ঘণ্টাৰ বেটাৰী শক্তি সংৰক্ষণ ব্যৱস্থাৰে দেশৰ একক বৃহত্তম ৯৩০ মেগাৱাট সৌৰ প্ৰকল্পত জয়লাভ কৰিছে।

বুধবাৰে মূল কোম্পানী ৰিলায়েন্স পাৱাৰে এক বিবৃতিত জনোৱা মতে, সোমবাৰে এছইচিআইয়ে অনুষ্ঠিত ই-ৰিভাৰ্ছ নিলামত সহযোগী কোম্পানীটোৱে সৌৰ উইথ ষ্ট’ৰেজ প্ৰকল্পটো নিশ্চিত কৰিছে।

কোম্পানীটোৱে কয় যে, "ৰিলায়েন্স এন ইউ ছানটেকে SECIৰ পৰা ৯৩০ মেগাৱাট সৌৰ শক্তিৰ চুক্তি লাভ কৰিছে। ভাৰতৰ সৌৰ আৰু বেটাৰী সংৰক্ষণ ব্যৱস্থাৰ একক বৃহৎ প্ৰকল্প এইটোৱেই।"

ALSO READ: Assam-Bhutan Railway Project: A Game-Changer For Cross-Border Trade, Tourism

নিবিদাৰ চৰ্ত অনুসৰি ৰিলায়েন্স এন ইউ ছানটেকে সৌৰশক্তিৰ দ্বাৰা চাৰ্জ কৰা নূন্যতম ৪৬৫ মেগাৱাট/১,৮৬০ মেগাৱাট ঘণ্টাৰো নূন্যতম সংৰক্ষণ ক্ষমতা স্থাপন কৰিব লাগিব।