২০২৪-২৫ বিত্তীয় বৰ্ষৰ এই পৰ্যন্ত প্ৰত্যক্ষ কৰ সংগ্ৰহৰ ক্ষেত্ৰত উৎকৃষ্ট। ২০২৪ চনৰ ১৭ জুনলৈকে প্ৰত্যক্ষ কৰ সংগ্ৰহ ৪,৬২,৬৬৪ কোটি টকা হৈছে যিটো যোৱা বিত্তীয় বৰ্ষৰ একে সময়ছোৱাত ৩,৮২,৪১৪ কোটি টকা। অৰ্থাৎ চলিত বৰ্ষত মুঠ প্ৰত্যক্ষ কৰ সংগ্ৰহত ২২.১৯ শতাংশ জঁপিয়াই পৰিছে। আনহাতে নিকা প্ৰত্যক্ষ কৰ সংগ্ৰহৰ ক্ষেত্ৰত ২০.৯৯ শতাংশ জঁপিয়াই পৰিছে।
প্ৰত্যক্ষ কৰ সংগ্ৰহৰ সাময়িক তথ্য প্ৰকাশ কৰি বিত্ত মন্ত্ৰালয়ে কয় যে ২০২৪-২৫ বিত্তীয় বৰ্ষত ১৭ জুন, ২০২৪ লৈকে প্ৰত্যক্ষ কৰ সংগ্ৰহ ৪,৬২,৬৬৪ কোটি টকা। আনহাতে ২০২৩-২৪ বিত্তীয় বৰ্ষৰ একে সময়ছোৱাত প্ৰত্যক্ষ কৰ সংগ্ৰহৰ পৰিমাণ আছিল ৩,৮২,৪১৪ কোটি টকা। যোৱা বছৰৰ তুলনাত প্ৰত্যক্ষ কৰ সংগ্ৰহৰ ক্ষেত্ৰত ২০.৯৯ শতাংশ বৃদ্ধি পাইছে। এই পৰ্যন্ত ৫৩,৩২২ কোটি টকা আয়কৰ ঘূৰাই দিয়া হৈছে, যিটো যোৱা বিত্তীয় বৰ্ষৰ একে সময়ছোৱাত জাৰি কৰা ধন ঘূৰাই পোৱাতকৈ ৩৩.৭০ শতাংশ বেছি।
অস্থায়ী তথ্য অনুসৰি ২০২৪-২৫ বিত্তীয় বৰ্ষত ৰিফাণ্ড সালসলনি কৰাৰ পূৰ্বে মুঠ প্ৰত্যক্ষ কৰ সংগ্ৰহ ৫,১৫,৯৮৬ কোটি টকা, যিটো যোৱা বিত্তীয় বৰ্ষৰ একে সময়ছোৱাত ৪,২২,২৯৫ কোটি টকা। অৰ্থাৎ যোৱা বছৰৰ তুলনাত এই বছৰ মুঠ প্ৰত্যক্ষ কৰ সংগ্ৰহত ২২.১৯ শতাংশ জঁপিয়াই পৰিছে। য’ত কৰ্পৰেট কৰ ২,২৬,২৮০ কোটি টকা, ব্যক্তিগত আয়কৰ য’ত নিৰাপত্তা লেনদেন কৰও অন্তৰ্ভুক্ত, মুঠ সংগ্ৰহ হৈছে ২,৮৮,৯৯৩ কোটি টকা। তথ্য অনুসৰি ২০২৪-২৫ বিত্তীয় বৰ্ষত ২৭.৩৪ শতাংশ জঁপিয়াই অগ্ৰিম কৰ সংগ্ৰহ ১,৪৮,৮২৩ কোটি টকা। আনহাতে টিডিএছ আছিল ৩,২৪,৭৮৭ কোটি টকা, আত্ম-মূল্যায়ন কৰ আছিল ২৮,৪৭১ কোটি টকা, নিয়মীয়া মূল্যায়ন কৰ আছিল ১০,৯২০ কোটি টকা আৰু মাইনাৰ্ছ হেডৰ অধীনত কৰ সংগ্ৰহ আছিল ২৯৮৫ কোটি টকা। তথ্য অনুসৰি ১৭ জুন পৰ্যন্ত ১,৪৮,৮২৩ কোটি টকাৰ অগ্ৰিম কৰ সংগ্ৰহ কৰা হৈছে, যিটো বিগত বছৰৰ একে সময়ছোৱাত ১,১৬,৮৭৫ কোটি টকা।
ALSO READ: Air India unveils new three-class configuration for A320neo aircraft