RBI आ फैगौ सप्तानि जथुमाव रेप' रेटखौ सोलायसोल' लाखिगोन

गोदान दिल्ली, 30 नभेम्बर (NIA): भारतारि रिजार्भ बेंकआ फैगौ सप्तायाव जानो गोनां मेलाव गावनि पलिसि रेटखौ लाखिनायनि आसा दं, मानोना रांखान्थियारि बोसोर 25 मायथाइनि नैथि दानथामाव GDP नि जौगानाया जोबोद लासै जादों। बबेखानि, HDFC बेंकनि मोनसे रिपर्टनि बायदिब्ला, फेब्रुवारियाव रेट खमायनायनि जाथावनाया बांदों।

रांखान्थियारि बोसोर 25 मायथाइनि नैथि थाखोनि थाखाय हादोरनि GDP बांनाया बोसोर-बोसोर 5.4 जौखोन्दोसिम लासै लासै जादों, जाय सेथि थाखोनि 6.7 जौखोन्दोनिफ्राय गाहायाव फैदों। गासै बेसेन दाजाबदेरनाय (GVA) जौगानायाबो नैथि थाखोआव 5.6 जौखोन्दोसिम खमायदोंमोन, जाय सिगांनि दानथामथायाव 6.8 जौखोन्दोमोन, जाय रांखान्थियाव गुवारै बिथा खालामनाय गोग्लैसोनायखौ दिन्थियो।

बेयो बुंदोंमोन "जों मिजिं थिदों दि RBI आ फैगौ सप्तायाव गावनि जथुमाव सोलिफु पलिसि रेटखौ लाखिगोन, थेवब्लाबो फेब्रुवारि खान्थियाव हार खमायनायनि जाथावनाया आसा खालामनाय GDP खारिनिफ्राय लोरबां जानायनि उनाव बांदों"।

रिपर्टआ बुंदोंमोन दि दाबि खालामग्रा हानजाया लोरबांथिनि नेरसोन दिन्थिदोंमोन। बाहायनायनि जौगानाया लासै जादों, गुबैयै लोरबां नोगोरारि गोनांथिनि थाखाय, जेरै गोजौ-फ्रिकुयेन्सि दिन्थिग्राफोराव नुनो मोनो। गावारि दाहार आरो क्रेडिट कार्डफोरजों लोगोसे रैखाथि गैयै खुस्रा दाहार हरनायाव एसेल' जौगानायजों लिभारेज्ड बाहायनायाव खमायनायखौबो नोजोर होनाय जादोंमोन।

बेनि अनगायैबो, "बेनि अनगायैबो, गासै रां थिसननायनि जौगानायाबो खम जादोंमोन मानोना सोरखारि केपेक्स खरसाया थांनाय बोसोरनि रुजुनायाव गाहायसिनाव फैदोंमोन आरो गावारि रां थिसननाया सिरि थादोंमोन"

मोनसे मोजां नोजोराव, रिपर्टआ सुबुरुन होदोंमोन दि राङारि बोसोरनि नैथि खावसेआव गामियारि दाबिआ फिन जाफिननो हागौ। बे मिजिंथिया गोख्रों आबादारि दिन्थिफुंनाय, सोरखारि बिथांखिफोरनि सिङाव रां होनाय आरो सोरखारि खरसाखौ बांहोनायनि सायाव बिथा खालामनाय, जाय रांखान्थियारि मावथायखौ थुलुंगा होनो हागौ।

बेयो बुंदोंमोन दि "गामियारि गोनांथियाव मोनफिन्नाय- गोख्रों आबादारि दिन्थिफुंनाय आरो सोरखारि बिथांखिनि रां होनायजों लोगोसे सोरखारि खरसाखौ बांहोनायजों, बोसोरनि नैथि खावसेआव रांखान्थियारि मावथायखौ बांहोनायनि आसा दं" I

ALSO READ: India's Vision Is To Become World's Most Efficient, Trusted Trade Hub: Revenue Secy

अक्ट'बराव गावनि जोबथा मेलाव, RBI नि राङारि खान्थि आफाद (MPC) नि जथुमाया फारियै 10थि खेबनि थाखाय पलिसि रेप' रेटखौ 6.5 जौखोन्दोआव सोलायबाय थादोंमोन।

दा रिपर्टनि बायदिब्ला, आसा खालामनायनिख्रुइ लोरबांसिन GDP खारिआ फेब्रुवारियाव हार खमायनायनि खाबुखौ बांहोदों। दासिम, रिपर्टआव बुंनाय जादों दि RBI आ गावनि फैबाय थानाय जथुमाव आथिखालनि पलिसि रेटखौ सोलायसोल' लाखिनानै नेथ'नाय आरो नायनायनि राहा नाजावनायनि मिजिं थिजादों।