ড’নাল্ড ট্ৰাম্প ৰাষ্ট্ৰপতি হোৱাৰ পিছত ভাৰতৰ প্ৰধানমন্ত্ৰী নৰেন্দ্ৰ মোডীৰ প্ৰথম আমেৰিকা ভ্ৰমণ ১২ ফেব্ৰুৱাৰীৰ পৰা আৰম্ভ হ’ব। ইকনমিক টাইমছৰ প্ৰতিবেদন অনুসৰি এই ভ্ৰমণৰ সময়ত ভাৰত আৰু আমেৰিকাৰ মাজত শক্তিৰ বৃহৎ চুক্তি হোৱাৰ ইংগিত পোৱা গৈছে। এই চুক্তি অনুমোদন হ’লে ভাৰতৰ শক্তি সংকট বহু পৰিমাণে সমাধান হোৱাৰ সম্ভাৱনা আছে। আমেৰিকাৰ পৰা অধিক শক্তি আমদানি কৰিবলৈ সাজু হৈছে ভাৰত। এই বিষয়ে মূলতঃ ভাৰতৰ প্ৰধানমন্ত্ৰী নৰেন্দ্ৰ মোডী আৰু আমেৰিকাৰ ৰাষ্ট্ৰপতি ড’নাল্ড ট্ৰাম্পৰ বাৰ্তালাপত আলোচনা হ’বলৈ গৈ আছে। ৰাছিয়াৰ সৈতে হোৱা তেল চুক্তিৰ অভাৱ পূৰণৰ বাবে আমেৰিকাই ভাৰতৰ সৈতে হোৱা আলোচনা শক্তি সহযোগিতাৰ ক্ষেত্ৰত অধিক ঘনিষ্ঠ হোৱাৰ দিশত আগুৱাই নিব পাৰে।
প্ৰধানমন্ত্ৰী নৰেন্দ্ৰ মোডীৰ আমেৰিকা ভ্ৰমণৰ সময়ত ভাৰতে আমেৰিকাৰ পৰা এল এন জি আমদানি বৃদ্ধিৰ বাবে চুক্তি কৰিব পাৰে। যদিও ভাৰত আৰু আমেৰিকাৰ মাজত বহু দূৰত্ব আছে। এই কাৰণেই এই চুক্তিত প্ৰতিযোগিতামূলক মূল্য নিৰ্ধাৰণ আৰু অধিক শিপিং খৰচৰ সন্দৰ্ভত বহু প্ৰত্যাহ্বান আহিব পাৰে। ভাৰতৰ বাবে এই আমদানি ব্যয়বহুল হৈ পৰাৰ ক্ষেত্ৰত দুয়োখন দেশে বহি খৰচ কমাব পৰা সম্ভাৱনীয়তাৰ বিষয়ে আলোচনা কৰিব লাগিব। ভাৰতত এল এন জিৰ বিপুল নাটনি। আমেৰিকাত ইয়াৰ প্ৰচুৰ পৰিমাণে পোৱা যায়। ইয়াৰ পিছতো ভাৰতে আমেৰিকাৰ পৰা অতি কম পৰিমাণৰ এল এন জি আমদানি কৰে। ইয়াৰ এটা ডাঙৰ কাৰণ হ’ল আমেৰিকাৰ হেনৰী হাবৰ বেঞ্চমাৰ্ক। যিটো ভাৰতীয় ক্ৰেতাৰ বাবে যথেষ্ট অস্থিৰ। ভাৰত আৰু আমেৰিকাৰ মাজত দীৰ্ঘম্যাদী শক্তি চুক্তিয়ে এই সমস্যা সমাধান কৰিব পাৰে। এই বাধাসমূহৰ মাজতো দুয়োখন দেশৰ মাজত এক ৰাউণ্ড কৌশলগত আলোচনা চলি আছে মধ্যম পথ বিচাৰি। ইয়াক চূড়ান্ত কৰিব পৰা যাব প্ৰধানমন্ত্ৰী মোডীৰ আমেৰিকা ভ্ৰমণৰ সময়ত।
ভাৰত আৰু আমেৰিকাৰ মাজত অসামৰিক পাৰমাণৱিক শক্তিৰ মিত্ৰতা সম্পৰ্কেও আলোচনা হ’ব পাৰে। ভাৰতে নিজৰ পাৰমাণৱিক দায়বদ্ধতা আইন সংশোধন কৰি পাৰমাণৱিক শক্তি অভিযান স্থাপনৰ পৰিকল্পনা ঘোষণা কৰিছে। ৱাশ্বিংটনে অসামৰিক পাৰমাণৱিক খণ্ডত ভাৰত-আমেৰিকাৰ সহযোগিতাৰ কথাও কয়। ইয়াৰ পিছত আমেৰিকাই ইন্দিৰা গান্ধী চেণ্টাৰ ফৰ এটমিক ৰিচাৰ্চ (আই জি চি আৰ), ভাভা এটমিক ৰিচাৰ্চ চেণ্টাৰ (বি এ আৰ চি) আৰু ইণ্ডিয়ান ৰেয়াৰ আৰ্থছ (আই আৰ ই)ৰ ওপৰত নিষেধাজ্ঞা উঠাই লয়।
FIRST Business Portal addressing the potential of business capability of North East Region.
