ভাৰতীয় শ্বেয়াৰ বজাৰত আজিৰ দিনত বুলিছ ট্ৰেণ্ডেৰে আৰম্ভ হৈছিল যদিও বজাৰ খোলাৰ কেইমিনিটমানৰ ভিতৰতে চেনচেক্স-নিফটি ৰঙালৈ পিছলি পৰিল। চেন্সেক্সে ৭৭,৩০০ৰ ওচৰত স্তৰত উপনীত হৈছে আৰু নিফটি ২৩৫০০ৰ তললৈ গৈছে। বেংকিং ষ্টক বৃদ্ধি পাইছে আৰু চেন্সেক্স-নিফটিৰ অধিকাংশ শীৰ্ষ লাভকাৰীতে বেংক ষ্টকৰ আধিপত্য আছে।
এতিয়ালৈকে চেন্সেক্সত ২৬.৫২ পইণ্টৰ হ্ৰাস দেখা গৈছে আৰু ই ৭৭,৩১১ পইণ্টত ব্যৱসায় কৰি আছে। এন এছ ইৰ নিফটি ২৭.৮০ পইণ্ট হ্ৰাস পাই ২৩,৪৮৮ৰ স্তৰত ব্যৱসায় কৰি আছে।
আজি বিএছই চেন্সেক্সৰ শ্বেয়াৰ মুকলি হয় ৭৭,৪২৩ পইণ্টত, যিটো ৮৫.৯১ পইণ্ট বা ০.১১ শতাংশ বৃদ্ধিৰে, আনহাতে এনএছই নিফটিৰ শ্বেয়াৰ মুকলি হয় ২৩,৫২৭ পইণ্টত, মাত্ৰ ১১ পইণ্ট বৃদ্ধি।
বিএছইত তালিকাভুক্ত ষ্টকৰ মুঠ বজাৰ মূলধন আজি ৪৩৪.৮২ লাখ কোটি টকা হৈছে আৰু আমেৰিকান ডলাৰত ৫.১২ ট্ৰিলিয়ন ডলাৰত ব্যৱসায় কৰা হৈছে।
বিএছই চেন্সেক্সৰ ৩০টা ষ্টকৰ ভিতৰত মাত্ৰ ১১টা ষ্টকত বৃদ্ধি পোৱাৰ বিপৰীতে ১৯টাত হ্ৰাস পাইছে। ১.৯৩ শতাংশ বৃদ্ধিৰে কোটাক মহিন্দ্ৰ বেংকে সৰ্বাধিক লাভৰ স্থান লাভ কৰিছে আৰু টাটা মটৰ্ছ, আল্ট্ৰাটেক চিমেণ্ট, জে এছ ডব্লিউ ষ্টীল, টেক মহিন্দ্ৰা, টাটা ষ্টীল, এইচ ইউ এল, ৰিলায়েন্স ইণ্ডাষ্ট্ৰীজৰ শ্বেয়াৰতো বৃদ্ধি পাইছে।
৫০টা নিফটি ষ্টকৰ ভিতৰত ২৪টা ষ্টক লাভৰ সৈতে ব্যৱসায় চলি থকাৰ বিপৰীতে ২৬টা ষ্টক হ্ৰাস পাইছে। ১.৫৮ শতাংশ বৃদ্ধিৰে শীৰ্ষ লাভকাৰী তালিকাৰ শীৰ্ষত আছে আল্ট্ৰাটেক চিমেণ্ট। ইয়াৰ পিছত কোটক মহিন্দ্ৰা বেংক, হিন্দলকো, জে এছ ডব্লিউ ষ্টীল, বি পি চি এলৰ শ্বেয়াৰ বৃদ্ধি পাইছে।
আজি বেংক নিফটিৰ পৰা বজাৰলৈ সামান্য সহায় আগবঢ়োৱা হৈছে আৰু ই ৫১৭১২ স্তৰত মুকলি হৈ ৫১৭৯৮ স্তৰলৈ উঠিছে। বেংক নিফটিৰ সৰ্বকালৰ উচ্চতম স্তৰ আছিল ৫১৯৫৭ আৰু আজি এই সূচকাংক ইয়াৰ পৰা মাত্ৰ অলপ দূৰত। বেংক নিফটিৰ ১২টা শ্বেয়াৰৰ ভিতৰত ৮টা শ্বেয়াৰত বৃদ্ধি দেখা গৈছে আৰু মাত্ৰ ৪টা শ্বেয়াৰহে হ্ৰাস পাইছে।