मुकेश आम्बानीजों लोगोआरि फोसावनायनि उनाव एप्पल (APPLE) खौ बारस'नानै एनभिडियाया (Nvidia) मुलुगनि बयनिख्रुइबो बेसेनगोनांसिन कम्पानी जानो हादों

एनविडियानि स्टकआ अक्ट'बराव फ्राय 18 जौखोन्दो दावखोदों, जाय अपेनएआइ (OpenAI) नि बावैसो 6.6 बिलियन डलार फान्डिं राउन्डजों गोख्रों जादों । एनभिडिया (Nvidia) आ अपेनएआइनि जीपीटी-4 (OpenAI’s GPT-4) बायदि गुदि ए.आइ. मडेलफोरखौ फोरोंथाय होनो थाखाय बाहाय जानाय चिप्सफोरखौ जगायो ।
एलएसईजीनि खारि बायदिब्ला, सुक्रुबाराव एनभिडिया (Nvidia) आ एप्पल (APPLE) खौ बुहुमनि बयनिख्रुइबो बेसेनगोनांसिन कम्पानी महरै दसे समनि थाखाय बारस’दोंमोन, जायनि स्टकआ 3.53 ट्रिलियन डलारनि रेकर्ड हाथाइ बेसेनसिम सौहैदोंमोन, जाय एप्पलनि $3.52 ट्रिलियन डलारनिफ्राय एसे सिगांमोन । बे माइल खुन्थियाया एनविडियानि जौगानाय ए.आइ. चिप्सनि गोबां गोनांथिनि थाखाय मोनसे रेलिखौ उनसङो । माइक्र'सफ्ट आरो एप्पलआ गावसोरनि मासिखौ मोनफिन्नायनि सिगां एनविडियाया सिगाङाव जूनआव बे गोजौसिन जायगाखौ मोननो हादोंमोन, जेराव मोनथाम कम्पानिफोरा हाथाइनि बेसेननि खाथियाव थादोंमोन । माइक्र'सफ्टनि बेसेनआ आथिखालाव 3.20 ट्रिलियन डलार ।

एनविडियानि स्टकआ अक्ट'बराव फ्राय 18 जौखोन्दो दावखोदों, जाय अपेनएआइनि बावैसो 6.6 बिलियन डलार फान्डिं राउन्डजों गोख्रों जादों। एनभिडियाया अपेनएआइनि जीपीटी-4 बायदि गुदि ए.आइ. मडेलफोरखौ फोरोंथाय होनो थाखाय बाहाय जानाय चिप्सफोरखौ जगायो। एजे बेलनि रां थिसननाय सामलायगिरि रस मल्डआ बुङो, "गोबां कम्पानिफोरा दा गावसोरनि सानफ्रोमबोनि खामानिफोराव आर्टिफिसियेल इन्टेलिजेन्सखौ बोजबना लागासिनो दं, आरो एनविडिया चिप्सनि थाखाय दाबिआ गोख्रों जानानै दं।" "बेयो थारैनो मोनसे गोदै थावनियाव दं, आरो जेब्लासिम जों जुथाइ रायजो आमेरिकायाव मोनसे गिदिर रांखान्थियारि गाज्रि हालोदनिफ्राय बारग'गोन, मोनसे मोन्दांथि दं दि कम्पानिफोरा ए.आइ. गोहोआव गोबां रां थिसनबाय थागोन, जायजों एनविडियानि थाखाय मोनसे गोग्गो टेलविन्ड सोमजिगोन।"

बे रेलिआ थांनाय सप्तायाव मोनसे थिखिनियाव सौहैदोंमोन मानोना ताइवान सेमीकन्डक्टर मैन्युफैक्चरिंग कंपनी (टीएसएमसी) आ एआई चिप्सनि गोबां गोनांथिनि थाखाय मोनसे गोख्रों दानथामारि मुलाम्फानि फोरमायथि होदोंमोन । नबेम्बराव एनविडियानि फैबाय थानाय थामथि दानथामनि रिपर्टखौ खाथिनिफ्राय नायनाय जागोन; आगस्तआव, एनभिडियाया थामथि दानथामनि खाजोनाया 32.5 बिलियन डलारनि अनुमान खालामदोंमोन, बिजिरसंगिरिफोरा मोनफ्रोम एलएसईजीआव 32.90 बिलियन डलारआव एसे बांसिन जागोन होनना सानदोंमोन।

मर्गन स्टेनलीनि बिजिरगिरि जसेफ मूरआ एनविडियानि गोलाव समगान्थिनि गोहोनि बागै मिजिंथिना दं, थेवब्लाबो बिथाङा बुंदोंमोन दि बावैसोनि बांनाया "आरजिनायनि थाखाय एसेब्लाबो बांहोदों।" मूरआ एनविडियानि सि.इ.अ. जेन्सेन हुआंगजों मोनसे सावरायनायनि उनाव, एनविडियानि नेक्स्ट-जेन ब्लैकवेल चिप्सनि गोख्रों दाबिनि सायाव बुंदोंमोन, जाय बोसोरसेनि थाखाय आबुङै आवग्रिनाय जायो । आगस्तआव स्टकआ माखासे नारसिनथायजों मोगा-मोगि जानांदोंमोन जेब्ला एनभिडियाया ब्रैथि दानथामसिम ब्लैकवेल चिप दिहुन्नायाव गोबाव जानायखौ रोखा खालामदोंमोन ।

एनविडिया, एप्पल आरो माइक्रसफ्टआ जयै इउ.एस. टेक सेक्टरनि मोनसे मख'जाथाव बाहागोखौ थान्दैथि खालामो, जाय एसएन्डपी 500 इन्डेक्सनि लिरथाइनि बा बाहागोनि से बाहागोसो जायो । ए.आइ.आव हाथाइनि सुद, इउ.एस. फेडारेल रिजार्भनि हार खमायनायनि मिजिं आरो मोनसे गोख्रों आरजिनायनि बोथोर जागायजेन्नायजों लोगोसे, एसएन्डपी 500 खौ थांनाय सप्तायाव गोजौ थाखोसिम सौहैहोदोंमोन । ट्रेड एलार्ट खारिनि बायदिब्ला, एनविडियानि स्टक दिन्थिफुंनाया अपसन फालांगिरिफोरखौ गोसो बोनो हादों, बेनि खाबुफोरा फारियै बयनिख्रुइ बांसिन फालांगि खालामजानायफोरनि गेजेराव दं । एनविडियानि स्टकआ बे बोसोराव 190 जौखोन्दोसो बांदों, जाय जेनेरेटिभ ए.आइ. बुम आरो गोहोम गोनां नायखांनायजों सालायजानाय।

चेरी लेन इनभेस्टमेन्टनि पार्टनार रिक मेकलरआ स्टकनि खावलायनायनि सायाव बिबुंथि होयो, "सोंथिया बेनो दि खाजोनानि बोहैथिया गोबाव समसिम थागोन ना नङा आरो बे थिसिसखौ फोरमान खालामनो एबा नंखाय फोरमान खालामनो हानाय गोहोनि अनगायै रां थिसनगिरिफोरनि आबेगजों सालायजागोन नामा दि ए.आइ.आ बांद्राय जाबाय ... आं सानो एनभिडियाया मिथिगौ दि खाथिनि समाव, बिसोरनि अनजिमाया जोबोद मुंख'जाथाव जानो हागौ ।"

रिलायेन्स इन्डास्ट्रीज आरो एनभिडियाया हादोराव आर्टिफिसियेल इन्टेलिजेन्स गोहोखौ बांहोनो थांखिजों भारताव गिदिर बिबांनि ए.आइ. बिथायारि सानजथाइ जौगाहोनो मोनसे बाहागोदारि फोसावदों । मुम्बाइआव 2024 मायथाइनि एनविडिया ए.आइ. जथुम्मायाव रिलायन्सनि मासिगिरि मुकेश आम्बानी आरो एनविडियानि सि.इ.अ. जेन्सेन हुआंगनि गेजेराव मोनसे सावरायनायनि गेजेरजों फोसावनाय जादोंमोन ।