नागालेन्डनि गिबि मन्थ्रि नेफिउ रिय'आ रांखान्थियारि बोसोर 2025-26 मायथाइनि थाखाय 24,849 कौटि रांनि बाजेट गथायदों

कहिमा,मार्च 7: नागालेन्डनि गिबि मनट्री नेफिउ रिय'आ ब्रिहस्पथिबाराव 2025-26 माइथायनि रांखान्थियारि बोसोरनि थाखाय गासै 24,849 कौटी रां बाहायनानै रायजोनि बाजेट थिसनो।

रिय', जायनाव रांखान्थि बिफानबो दं, बिथाङा ₹24,849.01 कौटि नि गासै मोननाय आरो ₹24,699.01 कौटि रांनि गासै खरसाखौ अनुमान खालामदोंमोन, जाय 150 कौटि रांनि बांसिन रां थालांदोंमोन। बिथाङा बुंदोंमोन दि उफ्रा रांखौ रायजोआरि एकाउन्टनि सिङाव पेन्सन आरो मुजुराजों सोमोन्दो थानाय रांनि थाखाय बाहायनाय जागोन।

बाजेटआव गिबि मन्थ्रि सावस्रि बीमा बिथांखि, गिबि मन्थ्रि लाइफ इन्सुरेन्स बिथांखि, क्रेडिट एमपावारमेन्ट समिट आरो माइक्र' फाइनेन्स इनिसियेटिभ फेहेरनाय आरो इन्टिग्रेटेड बिजनेस हाब एन्ड इनोभेसन सेन्टार बायदि गाहाय रायजोजों मदद होजानाय हाबाफारिफोरखौ सोलिबाय थानायबो दं। बेजों लोगोसे, बायदि बायदि जौगालु गोनांथिफोरखौ फोजोबनो थाखाय गोदान हाबाफारिफोर लाबोनाय जादों।

नागालेन्ड स्किल मिशननि थांखिया 2025-26 मायथाइयाव 5,000 लाइमोनफोरखौ गाव-साख्रि आरो सोरखारि नङि सेक्टरनि साख्रिफोराव फोरोंथाय होनाय, जेराव गिबि मन्थ्रिनि माइक्र' फाइनेन्स इनिसियेटिभ (CMMFI) जों सोमोन्दो गोनां फालांगियारि मदद। रायजोनि गोहोनि आंखालखौ सुफुंनो थाखाय, PM सूर्य घर मुफ्त बिजली योजनाजों लोब्बा लाखिनानै रायजो सानखरां मोब्लिब गोहो मिशननि सिङाव 10 कौटि रां राननाय जादों।

ALSO READ: मेघालयआ फैगौ 3 बोसोराव गेलेमु जौगानायाव 1900 कौटि रां थिसनगोन

रिय'आ इयुननि दैदेनगिरिफोर आरो खान्थि गोदान दिहुनगिरिफोरखौ फेदेरनो थाखाय 2.50 कौटि रां राननायजों गिबि मन्थ्रिनि फेल'शिप हाबाफारि जागायनो फोसावदोंमोन। बेजों लोगोसे, लामा, मोब्लिब, दै जगायनाय आरो रायजोआरि बिलडिंफोर बायदि बिथायारि सानजथाइयाव नोजोर होनानै रायजो गेजेरारि सिमा गामिफोराव जौगानायखौ गोख्रै खालामनो थाखाय 15 कौटि रां थि खालामनाय जादों।

फैगौ राङारि बोसोराव बायदि बायदि जौगालु हाबाफोरनि थाखाय गासै 190 कौटि रां थि खालामनाय जादों। बाजेटखौ दिन्थिनानै, रिय'आ गोसो होनानै बुंदोंमोन दि बेयो नागालेन्डआव रांखान्थियारि जौगानाय, रायजोआरि सिबिथाय होनाय आरो साख्रिनि खाबुफोरखौ बांहोनायनि थाखाय सोरखारनि रादाइखौ दिन्थियो।