बे बोसोराव दासिम सोरखारि गम बायनाया 2024 मायथाइयाव बायनाय गासै बायनायनि रुजुनायाव 11 जौखोन्दो बांसिन।

सोलिफु रबि फाननाय बोथोर (आर.एम.एस.) नि समाव गम बायनाया रबिबारसिम 296 लाख टननि बांसिन जाबाय, जाय थांनाय बोसोराव सोरखारि एजेन्सिफोरजों बायजानाय गासै बिबांनिफ्राय 11 जौखोन्दो बांसिन। बे थासारिया सोरखारखौ आयेनारि आदार रैखाथिनि गोनांथिफोरखौ आबुं खालामनो आरो बांलांनाय बेसेनफोरखौ सामलायनो थाखाय हाथायाव आखाय होनो थाखाय मोनसे मोजां थासारियाव दोनो। माखासे गम दिहुनग्रा रायजोफोराव बायनाया जुननि जोबनायसिम सोलिबाय थागोन, आरो सोरखारा गासै बायनायखौ 300 लाख टननि बांसिन खालामनो आसा खालामदों। मख'जाथावदि, जेराव गंनै गाहाय गम दिहुनग्रा रायजो पान्जाब आरो हरियाणाया थांनाय आरएमएसनि रुजुनायाव बे बोसोराव बाङाइ बायनायनि अनजिमा फोरमायदों, मध्य प्रदेश आरो राजस्थाना सोरखारि बायनायाव मख'जाथाव बांनाय नुनो मोन्दों।

ALSO READ: 'गोरोन्थि साननाय': गोजौसिन बिजिरसालिया ए.जि.आर. होनांगौ रांखौ रेहाय होनायनि थाखाय एयारटेल, भडाफननि आर'जखौ नेवसिदों

मध्य प्रदेशआव रबिबारसिम 77.7 लाख टन गम बायनाय रेबगान्थिनाय जादों, जाय थांनाय बोसोरनि रुजुनायाव 66 जौखोन्दो बांदों, राजस्थानाव बेयो नै गुन जानानै 17.2 लाख टन जाबाय। सुलुंनिफ्राय मिथिनो मोनो दि पान्जाब आरो हारियानायाव बाङाय बायनायनि थाखाय गावारि बायनायखौ बांहोनायनि थाखाय होनाय जादों। 'बे बोसोराव बाम्पार आबादनि थाखाय सोरखारि एजेन्सिफोरनिफ्राय लानानै गावारि गेलेगिरिफोरसिम बयनिबो थाखाय थोजासे गम दं। एम.एस.पि. (बाङायसिन हेफाजाब बेसेन) निफ्राय साबसिन बेसेन होग्रा गावारि गेलेगिरिफोरा आबादारिफोरनि थाखाय मुलाम्फा गोनां, 'सासे मावख'गिरिया बुंदोंमोन। आबाद मन्थ्रि बिफाना 2024-25 मायथाइनि थाखाय 1,154 लाख टननि रेकर्ड गम दिहुनथायनि अनुमान खालामदों। भारतारि जाग्रा निगमा पि.एम. गरीब कल्याण अन्न योजना आरो गुबुन समाजारि अनसाइ बिथांखिफोरनि सिङाव 80 कौटिसो मुलाम्फामोनग्राफोरनो 184 लाख टन माइरं जगायो।

2021-22 मायथाइनि बोथोराव 433 लाख टननि रेकर्ड बायनायनि उनाव, एम.एस.पि. अपारेसननि सिङाव सोरखारि एजेन्सिफोरजों बायनाया 2022-23 मायथाइनि बोथोराव दिहुनथाया बाङाय जानायनि जाहोनाव 188 लाख टननि गाहायसिनाव थाङो। बबेखानि, 2023-24 मायथाइनि बोथोराव बेयो 40 जौखोन्दोसो बांनानै 262 लाख टनसिम सौहैदोंमोन।