गासै मोन 10 बयनिख्रुइबो बेसेनगोनांसिन कम्पानिफोरनि गेजेराव मोन 9 नि एमकेपआ 2 लाख कौटि रां खमायदों: हिन्दुस्तान युनिलिभार (Hindustan Unilever), रिलायेन्स इन्डास्ट्रीज (Reliance Industries) नि गाहायै गोग्लैसोनाय

बेन्चमार्क इक्विटी इन्डेक्सफोरा फारियै ब्रैथि सप्तासिम खहा जाबाय थानायनि जाहोनाव, गाहाययै मोनजि बयनिख्रुइबो बेसेनगोनांसिन कम्पानिफोरनि गेजेराव मोनगुआ 2,09,952.26 कौटि रां खहा जादों ।

गाज्रि दानथामारि आरजिनाय आरो एफ.आइ.आइ.(FII) फाननाया बेयारिश स्टक मार्केटनि बागै जिंगासिनाय रां थिसनगिरिफोरनि जेंनाखौ बांहोदों। हिन्दुस्तान यूनिलीवर (Hindustan Unilever) आरो रिलायंस इंडस्ट्रीज लिमिटेड (Reliance Industries Limited) आ हाथाइ फुन्जि खालामनायनि बिथिङाव बयनिख्रुइ गाज्रिसिनै गोहोम गोग्लैनाय लार्ज-केप स्टकफोरमोन ।

सुक्रबारखालि बि.एस.ई. (BSE Sensex) सेन्सेक्सआ 662.87 बिन्दो एबा 0.83 जौखोन्दो खमायनानै 79,402.29 बिन्दोसिम सौहैनायनि उनाव बेंचमार्क इन्डेक्स (benchmark indices) फोरा गोजा गाबआव जोबदों । निफ्टी 50 (Nifty 50) आ 218.60 बिन्दो एबा 0.90 जौखोन्दो गाहायाव 24,180.80 आव जोबदोंमोन ।

रोंग'साफोरनि बायदिब्ला, आसा खालामनायनिख्रुइ लोरबांसिन Q2FY25 आरजिनाय, एफ.आइ.आइ. (FII) फाननाय, गेजेरारि सानजानि जेंनाफोर (Middle East Tensions) सोमजिहोनाय आरो चिन हादरनि हाथाइफोरनि गोसो बोनो हानाय बायदि जाहोनफोरा फैगौ सानफोराव हाथाइनि आबेगखौ बेखेवनो हागौ ।

मेहता इक्विटीज लिमिटेडनि सीनियर वीपी (रिसर्च) प्रशान्त ताप्सेआ एएनआइ (ANI)  आ बुंदोंमोन दि दासिम नैथि थाखोनि जोबोद गाज्रि खामायनाया रां थिसनगिरिफोरनि जेंनाखौ बांहोदों, फारसेथिं एफ.आइ.आइ. नि फाननाया हाथायाव खहा खालामबाय थादों ।

"भारतारि इक्विटी हाथाया गोबां जाहोनफोरनि थाखाय गोख्रै सुद्रायनाय मोनदांथि मोनगासिनो दं । गुदि सालायगिरिया गुबुन हादोरारि फसंथानारि फाननाय, जाय बेसेननि जिंगा आरो चिन हादरनि हाथाइनि गोसो बोहोनायजों सालायजानाय, "पीटीआईआ स्वस्तिका इनभेस्टमार्टनि बिजिरसं गाहाय संतोष मीनाआ बुंदोंमोन ।
थांनाय सप्तायाव भारतारि स्टक मार्केटनि गासै मोन गु खहा जानाय कम्पानिफोर

हिन्दुस्तान इउनिलिभार (Hindustan Unilever)

गोख्रै-खारनाय बाहायग्रा मुवाफोर (एफ.एम.सि.जि.) नि गिदिर हिन्दुस्तान युनिलिभारा थांनाय सप्तायाव बेनि बाहागोफोरा 7.29 जौखोन्दो गाहायाव फैनायनि उनाव स्टकनि बेसेना जोबोद गाज्रि जालांदोंमोन । कम्पानिनि स्टकआ माखासे खहा जाफिनदोंमोन आरो सुक्रुबारनि जथुम्मायाव 0.98% बांनानै 2527.55 रां मोनफ्रोम शेयारआव जोबदोंमोन । HUL नि हाथाइ बेसेना 44,195.81 कौटि रां खमायनानै 5,93,870.94 कौटि रां जाबाय । HUL आ रांखान्थियारि बोसोर 25 मायथाइनि नैथि दानथामाव गाव हारसिंनि गासै मुलाम्फायाव 4 जौखोन्दो गाहायाव फैनानै 2,612  कौटि रां मोननायनि उनाव आसा खालामनायनिख्रुइ लोरबांसिन आरजिनायनि फोरमायथि होदों ।

रिलायेन्स इन्डास्ट्रीज (Reliance Industries)

रिलायेन्स इन्डास्ट्रीजनि सेयारनि बेसेना थांनाय सानबायाव 2.79 जौखोन्दो गाहायाव गोग्लैदों आरो सुक्रुबाराव बि.एस.ई.आव मोनफ्रोमबो सेयारआव 2655.45 आव जोबदोंमोन । मुकेश आम्बानीनि बिगोमानि फार्मनि हाथाइ केपिटेलाइजेशनआ 41,994.54 कौटि रां खमायनानै 17,96,726.60 कौटि रां जाहैदोंमोन।

स्टेट बेंक अफ इन्डिया (State Bank of India)

भारतनि बयनिख्रुइबो देरसिन रायजोआरि सेक्टरनि बेंक, स्टेट बेंक अफ इन्डियाआबो स्टक हाथाइयाव गोबां खहा जानायखौ नुनो मोन्दों, जेब्ला बेनि हाथाइ बेसेना 35,117.72 कौटि रां खमायनानै 6,96,655.84 कौटि रां जाहैदोंमोन ।

भारती एयारटेल (Bharti Airtel)

देरसिन टेलिकम भारती एयारटेलनि बाहागोआ 0.94 जौखोन्दो गोग्लैदों आरो बीएसईआव 1664.40 रां मोनफ्रोम बाहागोआव जोबदोंमोन, जायजों फार्मनि हाथाइ फुन्जिआ ₹9,47,598.89 कौटि जाहैदों ।

टि.सि.एस.(TCS), एल.आइ.सि. (LIC), आइ.टि.सि. (ITC), आइ.सि.आइ.सि. (ICICI) आ थांनाय सप्तायाव खहा जादों

टाटा कन्सल्टेन्सी सार्विसेस (टी.सी.एस.) नि मार्केट केपिटेलाइजेसन (एम.सि.ए.पि.) आ 23,137.67 कौटि रां खमायनानै ₹14,68,183.73 कौटि रां जाबाय । भारतारि लाइफ इन्सुरेन्स कर्प'रेसन अफ इन्डिया (एल.आइ.सी.) नि बेसेनआ 19,797.24 कौटि रां खमायनानै 5,71,621.67 कौटि रां आरो इन्फ'सिसनि बेसेना 10,629.49 कौटि रां खमायनानै 7,69,496.61 कौटि रां जाहैबाय। आई.टी.सी.(ITC) नि एमकेप (mcap) आ 5,690.96 कौटि खमायनानै 6,02,991.33 कौटि रां आरो आइ.सि.आइ.सि.आइ. बेंकनि एमकेपआ 5,280.11 कौटि रां खमायनानै 8,84,911.27 कौटि रां जाहैदोंमोन ।

एच.डि.एफ.सि.( HDFC) बेंकआ गासै देरसिन मोन-10 हान्जाफोरनि मादाव देरहागिरि महरै नुजाथिदों

भारतारि स्टक मार्केटनि गासै देरसिन मोन-10 कम्पानिफोरनि गेजेराव, एच.डि.एफ.सि. बेंकआ थांनाय सप्तानि फालांगियारि जथुम्माआव देरहागिरि महरै नुजाथिदों। एच.डि.एफ.सि. बेंकनि स्ट'कआ सुक्रबारखालि बि.एस.ई.(BSE) आव मोनफ्रोमबो सेयारआव 1742.60 रां आव बन्द जादोंमोन। कम्पानिनि हाथाइ केपिटेलाइजेशनआ 46,891.13 कौटि रां बांनानै 13,29,739.43 कौटि रां जाबाय ।

रिलायेन्स इन्डास्ट्रीज (Reliance Industries) आ बयनिख्रुइ बेसेनगोनांसिन फार्मनि बिमुंखौ लाखिदोंमोन, बेनि उनाव टीसीएस(TCS), एच.डी.एफ.सी.(HDFC) बेंक, भारती एयारटेल (Bharti Airtel), आइ.सि.आइ.सि.आइ. बेंक (ICICI Bank), इन्फ'सिस (Infosys), स्टेट बेंक अफ इन्डिया(State Bank of India), आई.टी.सी.(ITC), हिन्दुस्तान यूनिलीवर (Hindustan Unilever) आरो एल.आई.सी. (LIC) दं ।

ALSO READ: ৭ম দৰমহা আয়োগঃ নৱৰাত্ৰি-দীপাৱলীত কেন্দ্ৰীয় কৰ্মচাৰী-পেঞ্চনাৰসকলে লাভ কৰিব উপহাৰ, ৩ অক্টোবৰত সম্ভৱপৰ মূল্যবোধৰ ভাট্টা বৃদ্ধিৰ সিদ্ধান্ত