জম্মু-কাশ্মীৰ বেংকে লাভ কৰিছে ১৬ হাজাৰ কোটি টকাৰ জি এছ টি জাননী। বেংকৰ পৰা ৮,১৬১ কোটি টকাৰ জি এছ টি দাবী কৰাৰ সমান্তৰালকৈ ৮,১৬১ কোটি টকাৰ জৰিমনাও আৰোপ কৰা হৈছে। অৰ্থাৎ মুঠ ধনৰাশি ১৬,৩২২ কোটি টকা হৈছেগৈ। ইয়াৰ ভিতৰত আটাইতকৈ গুৰুত্বপূৰ্ণ কথাটো হ’ল বেংকটোৰ মুঠ বজাৰ মূল্য প্ৰায় ১১,৩০০ কোটি টকা। এই খবৰ ওলোৱাৰ লগে লগে শ্বেয়াৰ বজাৰত এক বৃহৎ আলোড়নৰ সৃষ্টি হয়। ব্যাপক পতন ঘটিছিল কোম্পানীটোৰ শ্বেয়াৰ।
এই জাননীখন ২০২৫ চনৰ ৪ ফেব্ৰুৱাৰীত জম্মুৰ জি এছ টি আয়ুক্তই বেংকলৈ প্ৰেৰণ কৰিছে। আজি শ্বেয়াৰ বজাৰত ব্যৱসায়িক অধিবেশনৰ সময়ত জে এণ্ড কে বেংকৰ শ্বেয়াৰ ৩.৯৫ শতাংশ হ্ৰাস পাই ইন্ট্ৰাডেৰ নিম্নতম ৯৯.২৬ টকাত উপনীত হয়। আপোনালোকক জনাওঁ যে বেংকৰ শ্বেয়াৰ পূৰ্বৰ বন্ধৰ মূল্য ১০৩.৩৫ টকাৰ বিপৰীতে ১০৩.৭৫ টকাত মুকলি হয়, কিন্তু জি এছ টি জাননীৰ খবৰৰ বাবে হঠাতে তললৈ নামি গ’ল।
শ্বেয়াৰ এক্সচেঞ্জক দিয়া তথ্যত বেংকটোৱে জনোৱা মতে, তেওঁলোকক ৮১,৩০,৬৬,৪২, ৭৬৮ টকা জি এছ টি দিবলৈ কোৱা হৈছে আৰু ২০২৫ চনৰ ৪ ফেব্ৰুৱাৰীত জম্মুৰ কেন্দ্ৰীয় জি এছ টি আয়ুক্তৰ যুটীয়া আয়ুক্তৰ পৰাও তেওঁলোকৰ ওপৰত একে পৰিমাণৰ জৰিমনা বিহা হৈছে। অৱশ্যে এই জি এছ টি চাহিদাই বেংকৰ বিত্তীয়, কাৰ্যকৰী বা আন কোনো বেংকিং কাম-কাজত কোনো প্ৰভাৱ নপৰে বুলিও বেংকটোৱে বিবৃতিত উল্লেখ কৰিছে।
ALSO READ: জ'মেটৰ ২০ লাখ খালী পদৰ নতুন আপডেট; দীপিন্দৰ গোৱালে দিলে এই তথ্য
জে এণ্ড কে বেংকে কয় যে কৰ্পৰেট মুখ্য কাৰ্যালয় আৰু শাখাসমূহৰ মাজত ট্ৰেন্সফাৰ প্ৰাইচিং মেকানিজমৰ অধীনত লাভ কৰা সুতক বিত্তীয় সেৱা হিচাপে গণ্য কৰা হৈছে আৰু ইয়াৰ ওপৰত জি এছ টি আৰোপ কৰা হৈছে। বেংকটোৱে কয় যে টিপিএমৰ আটাইতকৈ গুৰুত্বপূৰ্ণ কাম হৈছে বেংকৰ বিভিন্ন ব্যৱসায়িক ইউনিটৰ মাজত ধন স্থানান্তৰৰ ভিত্তি প্ৰদান কৰা। এনে পৰিস্থিতিত ইয়াৰ ওপৰত জি এছ টি আৰোপ কৰাটো ভুল।আপোনালোকক কওঁ যে বেংকৰ বিৰুদ্ধে কোনো ধৰণৰ নিয়ন্ত্ৰণমূলক ব্যৱস্থা লোৱাটো প্ৰথমবাৰৰ বাবে নহয়। ইয়াৰ পূৰ্বেও যোৱা সপ্তাহত আৰ বি আইয়ে কে ৱাই চিৰ নিয়ম সঠিকভাৱে পালন নকৰাৰ বাবে বেংকক ৩.৩১ কোটি টকাৰ জৰিমনা বিহিছিল।
FIRST Business Portal addressing the potential of business capability of North East Region.
