जालना गोरान रुंमा गाथोना मोनसे कास्टम रुंमा गाथोननि बिमुं मोनदों

सेन्ट्रेल बर्ड अफ इनडायरेक्ट टेक्स एन्ड कास्टमआ (सि.बि.आइ.सि.) महाराष्ट्रनि मराठवाड़ा ओनसोलाव फालांगि आरो दारिमिनखौ बांहोनायनि थांखिजों जालना गोरान रुंमा गाथोनखौ लाबोनाय आरो दैथायहरनाय हाबाफारिफोरनि थाखाय कास्टम जाहाज गाथोननि थामान होदों। बे जौगानाया गोरान रुंमा गाथोन (हादोर गेजेरारि कन्टेनार डिप') खौ लाबोनाय, दैथायहरनाय आरो गुबुन कास्टमजों सोमोन्दो गोनां प्रसेसिं हाबाफारिफोरखौ सामलायनायाव जाफुंसार खालामगोन।

बे जौगानाया गोरान रुंमा गाथोन (हादोर गेजेरारि कन्टेनार डिप') खौ लाबोनाय, दैथायहरनाय आरो गुबुन गुबुन कास्टमजों सोमोन्दो गोनां प्रसेसिं हाबाफारिफोरखौ सामलायनायाव जाफुंसार खालामगोन। आन्डार सेक्रेटारि सुप्रिया चन्द्रनजों समबाराव फोसावजानाय फोसावथायखौ भारतनि राजपत्राव फोसावनाय जादों। दिल्ली-मुम्बाइ दारिमिनारि करिड'र (डीएमआईसी) नि खाथियाव आरो गाहाय हायुंआरि रोगाथाय लामाफोराव दं, जालना गोरान रुंमा गाथोनखौ जवाहरलाल नेहरू प'र्ट ट्रास्ट (जेएनपीटी)आ गायसनदोंमोन। बेयो आथिखालाव नागपुरनि मोनसे कम्पानिजों सामलायजायो आरो मोनसे गोनांथार हादोर गेजेरारि फालांगिनि मिरु जाबाय थादों।

ALSO READ: सा-सानजायाव 80,000 कौटि रां थिसननायनि वेदान्तानि मख'जाथाव रादाइ

बेयो मोनसे लैथोगाथोन नङाब्लाबो, बे सुबिदाया लामा आरो रेलजों मुम्बाइ रुंमा गाथोन आरो जेएनपीटी बायदि गाहाय जाहाज गाथोनफोराव थांनायनि सिगां कास्टम क्लियरेन्स आरो मुवाफोरखौ दोनथुमनायनि गनायथि होयो। सासे मावख'गिरिया बुंदोंमोन दि गिबि खोन्दोआव, नागपुरनि कम्पानिया गोरान रुंमा गाथोनाव 327 कौटि रांनि मोनसे माल्टि-मडेल लजिस्टिक पार्क गायसनगोन। जालना स्टील एस'सिएशननि आफादगिरि घनश्याम गयलआ बुंदोंमोन दि बेयो जायगायारि फालांगि आरो मराठवाड़ा ओनसोलनि थाखाय मोनसे मख'जाथाव मुलाम्फाखौ दिन्थियो।