আয়কৰ বিভাগৰ পৰা ৬,৩২৯ কোটি টকাৰ কৰ ঘূৰাই পাব ইনফ‘ছিছে

ইনফ‘ছিছে আয়কৰ বিভাগৰ পৰা ৬৩২৯ কোটি টকা ঘূৰাই পোৱাৰ সম্ভাৱনা আছে বুলি দেশৰ দ্বিতীয় বৃহত্তম আই টি সেৱা কোম্পানীয়ে প্ৰকাশ কৰিছে। ইয়াৰ উপৰিও বিভিন্ন মূল্যায়ন আদেশৰ উদ্ধৃতি দি ষ্টক এক্সচেঞ্জসমূহক ২৭৬৩ কোটি টকাৰ কৰ চাহিদাৰ বিষয়ে অৱগত কৰে। ইনফ’ছিছ লিমিটেডে জনোৱা মতে, এই ত্ৰৈমাসিকৰ ভিতৰত ০৭-০৮ৰ পৰা ১৫-১৬, ১৭-১৮, আৰু ১৮-১৯ চনৰ মূল্যায়ন বৰ্ষৰ বাবে আয়কৰ বিভাগৰ পৰা অৰ্ডাৰ লাভ কৰিছে

অৰ্ডাৰ অনুসৰি কোম্পানীয়ে ৬,৩২৯ কোটি টকা ঘূৰাই পোৱাৰ সম্ভাৱনা আছে। কোম্পানীয়ে ২০২৪ চনৰ ৩১ মাৰ্চত সমাপ্ত হোৱা ত্ৰৈমাসিক আৰু বছৰৰ বিত্তীয় বিৱৰণীত এই অৰ্ডাৰসমূহৰ প্ৰভাৱৰ মূল্যায়ন প্ৰক্ৰিয়াত  আছে।

বেংগালুৰুৰ মুখ্য কাৰ্যালয় থকা আই টি কোম্পানীটোৱে ২২-২৩ চনৰ মূল্যায়ন বৰ্ষৰ বাবে সুতসহ ২৭৬৩ কোটি টকাৰ কৰ চাহিদাৰে আৰু ১১-১২ চনৰ মূল্যায়ন বৰ্ষৰ বাবে সুতসহ ৪ কোটি টকাৰ কৰ দাবীৰে অৰ্ডাৰ লাভ কৰা বুলিও জানিবলৈ দিয়ে।

ইনফ‘ছিছে সহযোগী কোম্পানীসমূহৰ বাবেও মূল্যায়ন অৰ্ডাৰ লাভ কৰিছে, মুঠ ২৭৭ কোটি টকা। ইয়াৰ ভিতৰত ক্ৰমে ২১-২২ আৰু ১৮-১৯ বৰ্ষৰ মূল্যায়ন আদেশ, মুঠ কৰ চাহিদা ১৪৫ কোটি টকা;   ১২৭ কোটি টকাৰ কৰ দাবীৰে ২২-২৩ চনৰ মূল্যায়ন বৰ্ষৰ বাবে নিৰ্দেশ দিছে আৰু ৫ কোটি টকাৰ কৰ চাহিদা থকা ২২-২৩ বৰ্ষৰ মূল্যায়ন কৰা হৈছে।

ইনফ’ছিছে কয় যে কোম্পানীটোৱে ২০২৪ চনৰ ৩১ মাৰ্চত সমাপ্ত হোৱা  বিত্তীয় বিৱৰণীত এই অৰ্ডাৰসমূহৰ প্ৰভাৱৰ মূল্যায়ন প্ৰক্ৰিয়াত আছে আৰু এই অৰ্ডাৰসমূহৰ বিৰুদ্ধে আপীল দাখিল কৰাৰ মূল্যায়নো কৰি আছে।

ইয়াৰ উপৰিও কোম্পানীটোৰ এটা সহযোগী কোম্পানীয়ে মূল্যায়ন বৰ্ষ ০৭-০৮ আৰু ০৮-০৯ৰ বাবে ধাৰা ২৫৪ৰ অধীনত আৰু মূল্যায়ন বৰ্ষ ১৬-১৭ৰ বাবে ধাৰা ১৫৪ৰ অধীনত ৰিফাণ্ড অৰ্ডাৰ লাভ কৰিছে বুলি উল্লেখ কৰি এই অৰ্ডাৰ অনুসৰি ৰিফাণ্ডৰ পৰিমাণ ১৪ টকা বুলিও মন্তব্য কৰে।

ALSO READ: Finance Minister counters claims on change in income tax regime