हादरनि मिरुआरि बेंकनि बायदिब्ला, भारतनि रांखान्थिया बे बोसोराव 6.5 जौखोन्दो गोसारनायनि आसा दं, जाय मुलुगनां रोखा नङै थासारिखौ बांनायनि उनावबो बेखौ बुहुमनि बयनिख्रुइ गोख्रैसिन जौगानाय गाहाय रांखान्थि बेबस्था बानायगोन।
भारतारि रिजार्भ बेंकनि गभर्नर संजय मल्होत्राया शुक्रबाराव वाशिंगटनआव मोनसे बिबुंथियाव बुंदोंमोन, "बे हारआ बावैसोनि बोसोरफोरनि रुजुनायाव बाङाइ आरो भारतनि हास्थायनायनिफ्राय बाङाइ, बेयो गुवारै सिगांनि ट्रेन्डफोरजों गोरोबनाय आरो गाहाय रांखान्थिफोरनि गेजेराव बयनिख्रुइबो गोजौसिन"।
मुलुगनां जौगानायनि नोजोरथिया गाज्रि जादों मानोना आमेरिकानि हादरगिरि ड'नाल्ड ट्राम्पनि टेक्सआ मुलुगनां फालांगियारि दावहाखौ जागायजेनो। जौगानायखौ हेफाजाब होनो थाखाय, आर.बि.आइ.आ एप्रिलनि जागायजेन्नायाव सुदनि हारखौ खमायदोंमोन आरो गावनि खान्थियारि नोजोरखौ सुबिदायाव सोलायदोंमोन, जाय बांसिन गोरलै जानायनि इसारा होदोंमोन।
"ओरैबायदि समाव जेब्ला गोबां जौगानाय रांखान्थिफोरा रांखान्थियारि गाज्रि बार आरो गाज्रि रांखान्थियारि नोजोरजों मोगा-मोगि जागासिनो दं, भारतआ गोख्रों जौगानाय आरो दिदोमथि होबाय थादों, जाय गोलाव समनि बेसेन आरो खाबु नागिरग्रा रां थिसनगिरिफोरनि थाखाय मोनसे मिथिंगायारि सायख'नाय बानायगासिनो दं," मल्होत्राया बुंदोंमोन।
"बेनि अनगायैबो, जोंनि गोख्रों नख'रारि दाबि आरो दैथायहरनायाव रुजुनायाव बाङाय सोनारनाया भारतारि रांखान्थिखौ बायजोआरि स्पिलअभारनिफ्राय गोहोम खोख्लैयो," बिथाङा बुंबावो।
FIRST Business Portal addressing the potential of business capability of North East Region.
