भारतआ खुन खुन्दुंनि राहाफोरनि सोमोन्दै इन्ड'नेसियाखौ डब्लिउ.टि.अ'नि

भारतआ समबाराव डब्लिउ.टि.अ'. सुंजाबथायनि गेजेरजों इन्ड'नेसियानि खुन खुन्दुंनि सायाव रैखाथि राहाफोरखौ सोलिबाय थानायनि सोमोन्दै डब्लिउ.टि.अ'. नेमखान्थिफोरनि सिङाव इन्ड'नेसियाजों सावरायनो खावलायदोंमोन।

रैखाथिनि कमिटिआ खुन खुन्दुं बानायग्रा जायगायारि दारिमिनफोराव गोब्राब जखम एबा खैफोद मोन्नायनि सोमोन्दै इन्ड'नेशियानिफ्राय डब्लिउ.टि.अ'नि सोद्रोमाफोरनो 24 मे, 2025 मायथाइनि मोनसे फोसावथाय दैथाय हरदों, लोगोसे दिहुनजानाय बेसादनि लाबोनायनि बेरेखायै सुबुरुन होनाय रैखाथि राहाफोरनि मोनसे फोसावथाय।

ALSO READ: आमेरिकान डलारनि रुजुनायाव रांनि बेसेना 85.49 सिम खमायदों

भारतआ, सि-जोमनि दिहुनथायफोरखौ दैथायहरनायाव गोनांथार फालांगियारि गोसो थानाय हादोर जानानै, दा डब्लिउ.टि.अ'नि रैखाथिनि गोरोबथानि मोनसे दफानि बायदियै इन्ड'नेशियाजों सावरायनो खावलायगासिनो दं जाहाथे फोरमायथिखौ नायबिजिरनो आरो राहाखौ सोलिबाय थानायनि सायाव नोजोरथिखौ रानलायनो हायो।

भारतआ थांखि दैखांनो लुबैयो दि गोजौआव मुंख'नाय सुबुरुनफोरा 10 जुननिफ्राय 13 जुन, 2025 मायथाइसिम एबा गावजों-गाव सुबिदागोनां अक्ट' आरो समाव जायो।

मुलुग फालांगि आफाद (डब्लिउ.टि.अ')नि रैखाथिनि सोमोन्दै गोरोबथा बायदियै भारतआ गावनि गासिबो मोनथायफोरखौ लाखिबाय थायो। बबेखानि, बे सावरायनाया बुहुमनां फालांगि आफाद (डब्लिउ.टि.अ')नि नांलाय-खमलाय सुस्रांनाय आदबजों लाफाजानाय नङा।