ह'न्डाया मुलुगनां बाइक हाथाइनि 40% आवग्रिनो थांखि लादों मानोना भारतआ थावनि जौगानायखौ बांहोदों।

ह'न्डा (NYSE:HMC) मटर कम्पानिया फोसावदोंमोन दि 31 मार्चआव जोबनाय सोलिफु राङारि बोसोराव, बेनि मुलुगनां मटरसाइकेल इउनिट फाननाया 20.2 मिलियन इउनिटसिम सौहैनायनि आसा दं, जाय बेनि मुलुगनां फाननायनि 40 जौखोन्दोसो बाहागो। भारत, इन्ड'नेशिया, थाईलेन्ड आरो भियेतनामजों लोगोसे एसियानि हाथाया मुलुगनां इउनिट फाननायाव (17.17 मिलियन इउनिट) 85 जौखोन्दो आरो जापान, इउरप आरो आमेरिकानि हाथाइफोरा 6 जौखोन्दो (1.2 मिलियन इउनिट) दं, कम्पानिया टकिय'आव ह'न्डानि गोजौ थाखोनि मावख'गिरिफोरनि मोनसे प्रेस ब्रिफिंआव बुंदोंमोन।

जापाननि अट' जायन्टआ बुंदोंमोन दि बियो मटरसाइकेलफोरनि मुलुगनां गोनांथियाव आरोबाव जौगानायनि सानथांखि लागासिनो दं, गुबैयै बे ओनसोलाव जायखौ "ग्लबेल साउथ" बुंनाय जायो, जेराव दं: खोला-सोनाब एसिया, जायनि बयनिख्रुइबो देरसिन हाथाया भारत, लोगोसे इन्ड'नेशिया, फिलीपीन्स; आरो ब्राजिल आरो गुबुन मिरुआरि आरो खोला आमेरिकानि हादोरफोर।

गावनि भारतारि फालांगिनि सोमोन्दै ह'न्डा मटर कम्पानिया बुंदोंमोन दि बियो फाननायनि बिबांखौ लासै-लासै बांहोबाय आरो बयनिख्रुइ देरसिन हाथाइनि बाहागोआ दा सौहैनायनि सिङाव। कम्पानीहा 2028 मायथाइसिमाव भारताव मोनसे मोब्लिबारि मटर साइकेल प्लान्ट गायसननो सानथांखि दं।

बे मिजिं थिजानाय आखुथायजों, दारिमिन-गुवार मुलुगनां मटरसाइकेल फाननाया, आथिखालाव 50 मिलियन इउनिटनि स्केलआव, मोब्लिबारि मटर-गारिफोरखौ लाफानानै 2030 मायथाइसिमाव 60 मिलियन इउनिटसिम बांनायनि अनुमान खालामनाय जादों।

बे हाथाइनि जौगानाय आरो बांलांनाय गोनांथिखौ रोखायै फिन्नाय होनो थाखाय, ह'न्डाया बांसिन बादायलु दिहुनथायफोर लाबोबाय थागोन, मोब्लिब गोहोजों लोगोसे गुबुन गुबुन राहाफोरनि गेजेरजों कार्बन निउट्रेलिटिखौ आवगायहोगोन आरो गावनि मटर साइकेल फालांगिखौ आरोबाव गोख्रों खालामगोन, मोब्लिबारि मटरसाइकेलजों लोगोसे मुलुगनां मटर साइकेल हाथाइनि 50 जौखोन्दो बाहागोखौ आवग्रिनो गोलाव समनि थांखिजों।

ह'न्डाया बोसोरारि 4 मिलियन इउनिटनि गावनि अनुमान खालामनाय इ.भि. फाननायनि थांखिखौ आबुं खालामनो थाखाय 2030 मायथाइसिमाव 30 मोब्लिबारि साखा-खबनैनि मडेल दिहुननो सानथांखि बानायदों।

ALSO READ: 29 जानुवारीखालि सना, रुफानि बेसेना खमायदों: दिनै नोंथांनि नोगोराव बेसेनगोसा धातुनि बेसेनफोरखौ नायबिजिर

ह'न्डानि साखा खबनै फालांगिया मार्च 2024 मायथाइयाव जोबनाय बोसोरनि थाखाय 3.6 बिलियन डलार अपारेटिं मुलाम्फा जादोंमोन। बेयो आथिखालाव 23 हादोरफोर आरो ओनसोलफोराव 37 सुबिदाफोराव बोसोरफ्रोमबो 20 मिलियननि बांसिन इउनिटफोर दिहुनो।

अट'मेकारा बेखौबो बुंदोंमोन दि बियो आमेरिकानि हादरगिरि ड'नाल्ड ट्राम्पजों मेक्सिक'आव जाथावना टेक्सनि सोरांआव गावनि मेक्सिक' प्लान्टखौ जायगा सोलायनायनि जाथावनाखौ नागिरगासिनो दं। ह'न्डा मटर कम्पानिया गावनि मेक्सिकन सुबिदायाव बोसोराव 9,000 इउनिट बानायो, जायखौ आमेरिकायाव दैथायहरनाय जायो। "थारैनो मोनसे गोहोम गोग्लैगोन। जों जायगा सोलायनायखौ मोनसे जाथावना राहा महरै सानगासिनो दं नाथाय जेबो थिरांथा लानाय जायाखै, "ह'न्डानि मटर साइकेल इउनिटनि बिबानगिरि मावफुं मावख'गिरि मिनोरु काट'आ बुंदोंमोन।