জি এছ টি সংগ্ৰহেৰে ভৰপূৰ ৰাজকোষ, পৰিসংখ্যা অতিক্ৰম কৰিলে ১.৮০ লাখ কোটি টকা

ভাৰতীয় অৰ্থনীতিৰ বাবে এটা ভাল খবৰ ওলাইছে। ২০২৪ চনৰ নৱেম্বৰ মাহত ভাৰতৰ জি এছ টি (সামগ্ৰী আৰু সেৱা কৰ) সংগ্ৰহ ৮.৫% বৃদ্ধি পাই ১.৮২ লাখ কোটি টকা হৈছে। জি এছ টি সংগ্ৰহ বৃদ্ধিৰ অৰ্থ হ’ল ভাৰতীয় অৰ্থনীতিৰ শক্তি আৰু অৰ্থনৈতিক কাৰ্যকলাপ বৃদ্ধি। বিত্ত মন্ত্ৰালয়ে প্ৰকাশ কৰা তথ্য অনুসৰি নৱেম্বৰৰ এই সংগ্ৰহৰ ফলত এপ্ৰিলৰ পৰা নৱেম্বৰলৈকে মুঠ জি এছ টি সংগ্ৰহ ১৪.৫৭ লাখ কোটি টকা হৈছে।

যোৱা মাহত অৰ্থাৎ ২০২৪ চনৰ অক্টোবৰ মাহতো জি এছ টি সংগ্ৰহৰ ক্ষেত্ৰত ৯% বৃদ্ধি পোৱা গৈছে। অক্টোবৰ মাহৰ মুঠ সংগ্ৰহ ১.৮৭ লাখ কোটি টকা, যিটো আজিলৈকে দ্বিতীয় সৰ্বাধিক সংগ্ৰহ। ঘৰুৱা বিক্ৰী বৃদ্ধি আৰু উন্নত অনুসৰণে ইয়াত গুৰুত্বপূৰ্ণ অৱদান আগবঢ়াইছিল।

অক্টোবৰৰ সংগ্ৰহ

কেন্দ্ৰীয় জিএছটি (চিজিএছটি): ৩৩,৮২১ কোটি ₹

ৰাজ্যিক জি এছ টি (এছ জি এছ টি): ৪১,৮৬৪ কোটি ₹

সংহত জি এছ টি (আই জি এছ টি): ₹৯৯,১১১ কোটি

চেছ: ₹১২,৫৫০ কোটি
  
বৃদ্ধি পোৱা জি এছ টি সংগ্ৰহৰ ফলত চৰকাৰে উন্নয়নমূলক কামত অধিক বিনিয়োগ কৰাৰ সুযোগ লাভ কৰিছে। ইয়াৰ দ্বাৰা পথ, স্বাস্থ্য, আৰু শিক্ষাৰ দৰে মৌলিক সেৱাসমূহৰ উন্নতি সাধনত সহায়ক হ’ব পাৰে। তদুপৰি জি এছ টি সংগ্ৰহৰ অধিক পৰিমাণে অৰ্থনীতিত চাহিদা আৰু ব্যৱহাৰ বৃদ্ধি পোৱাৰ কথাও প্ৰকাশ কৰিছে। কোম্পানীসমূহৰ বিক্ৰী আৰু সেৱা বৃদ্ধিৰ প্ৰমাণো এইটোৱেই। অৱশ্যে জি এছ টি সংগ্ৰহ বৃদ্ধি হোৱাটোও মুদ্ৰাস্ফীতিৰ লক্ষণ হ’ব পাৰে। প্ৰায়ে কোম্পানীয়ে কৰ বোজা গ্ৰাহকৰ ওপৰত পাছ কৰে, যাৰ ফলত দাম বৃদ্ধি পায়।  

ALSO READ: সোণৰ মূল্য তীব্ৰ বৃদ্ধিৰ প্ৰভাৱ, সোণৰ ঋণ লোৱাৰ গোচৰ ৫০ শতাংশ বৃদ্ধি

শেহতীয়াকৈ জি এছ টি পৰিষদৰ মন্ত্ৰী গোটে স্বাস্থ্য বীমাৰ প্ৰিমিয়ামৰ জি এছ টি আঁতৰোৱা আৰু অন্যান্য হাৰৰ পৰিৱৰ্তন সন্দৰ্ভত প্ৰতিবেদন দাখিল কৰিছে। এই সন্দৰ্ভত ২১ ডিচেম্বৰত জয়ছালমেৰত অনুষ্ঠিত হ’বলগীয়া জি এছ টি পৰিষদৰ বৈঠকত সিদ্ধান্ত ল’ব পাৰিব। বৃহৎ সম্ভাৱ্য পৰিৱৰ্তনৰ কথা ক’লে স্বাস্থ্য আৰু জীৱন বীমাৰ জি এছ টি আঁতৰোৱা বা হাৰ হ্ৰাস কৰাৰ কথা বিবেচনা কৰিব পাৰি। ইয়াৰ বাহিৰেও দৈনন্দিন বহু সামগ্ৰীৰ জি এছ টিৰ হাৰ ১২%ৰ পৰা ৫%লৈ হ্ৰাস কৰাৰ প্ৰস্তাৱ দিয়া হৈছে।