অৱসৰ পুঁজি সংস্থা ইপিএফঅ’ৰ গ্ৰাহকসকলে অতি সোনকালে এটিএমৰ জৰিয়তে নিজৰ একাউণ্টৰ পৰা দাবীৰ ধন উলিয়াব পাৰিব বুলি এগৰাকী শীৰ্ষ বিষয়াই জনায়।
কেন্দ্ৰীয় শ্ৰম সচিব সুমিতা ডাৱৰাই ভাৰতীয় কৰ্মশক্তিক বৰ্ধিত সেৱা প্ৰদানৰ বাবে শ্ৰম মন্ত্ৰালয়ে তথ্য প্ৰযুক্তিৰ আন্তঃগাঁথনিৰ উন্নীতকৰণৰ কাম কৰি আছে বুলি জানিব পৰা গৈছে।
তেওঁ আৰু কয় যে দাবীদাৰ, হিতাধিকাৰী বা বীমাকৃত ব্যক্তিয়ে এটিএমৰ জৰিয়তে তেওঁলোকৰ দাবীৰ ধন লাভ কৰিব পাৰিব।
প্ৰতিবেদন অনুসৰি এই ধন উলিওৱাৰ সীমা কৰ্মচাৰী ভৱিষ্যধি পুঁজিৰ (ইপিএফ)ৰ ৫০ শতাংশ নিৰ্ধাৰণ কৰা হ’ব।
ইপিএফঅ’ৰ দ্বাৰা পৰিচালিত কৰ্মচাৰী জমা সংযুক্ত বীমা (ইডিএলআই) আঁচনিৰ অধীনত মৃত গ্ৰাহকৰ উত্তৰাধিকাৰীক সৰ্বাধিক ৭ লাখ টকা প্ৰদান কৰা হয়।
এইদৰে মৃত ইপিএফঅ’ গ্ৰাহকৰ উত্তৰাধিকাৰীয়েও নিষ্পত্তি হোৱা দাবী উলিয়াবলৈ এটিএম ব্যৱহাৰ কৰিব পাৰিব।
শ্ৰম মন্ত্ৰালয়লৈ প্ৰেৰণ কৰা এটা প্ৰশ্ন ই-মেইলত কোনো সঁহাৰি পোৱা নগ’ল।
FIRST Business Portal addressing the potential of business capability of North East Region.
