ড° নয়ন বসুমতাৰীয়ে এ আই শিক্ষাৰ প্ৰচাৰৰ বাবে ১৫-১৭ লাখ টকা বিনিয়োগ কৰিছে।

ড° নয়ন  বসুমতাৰী হৈছে যন্ত্ৰ এ আই প্ৰাইভেট লিমিটেডৰ প্ৰতিষ্ঠাপক। তেখেতে শিক্ষাৰ বিকাশৰ বাবে এ আই প্রযুক্তি প্ৰচাৰ কৰি আছে। তেওঁ ১৫-১৭ লাখ টকা ব্যক্তিগতভাৱে আৰু বন্ধুবান্ধৱৰ সহায়ত বিনিয়োগ কৰি এই কোম্পানীটো আৰম্ভ কৰিছিলে। ২০২৪ চনত যন্ত্ৰই ৮  মাহৰ ভিতৰত ৫-৬ লাখ টকা টাৰ্ন’ভাৰ লাভ কৰিছে।

২০২৫ চনৰ ২৬ মাৰ্চ তাৰিখে তেওঁ উত্তৰ-পূৱ ভাৰতৰ প্ৰথম এ আই কিতাপখন উন্মোচন কৰে, যি বৰ্তমান অফলাইনত উপলব্ধ। তেখেতে উল্লেখ কৰে যে শীঘ্ৰেই ই আমাজন আৰু ফ্লিপকাৰ্টত অনলাইনত উপলব্ধ হ’ব।

ড° বসুমতাৰী হৈছে ২০ বছৰৰ আই টি অভিজ্ঞতা থকা আৰু এ আই'ত পিএইচডি লাভ কৰা এজন প্ৰযুক্তিবিদ। ২০২৪ চনৰ জুনত, যন্ত্ৰই উত্তৰ-পূৱৰ প্ৰথম জুনিয়ৰ ৰব’টিক্স-এ আই লেবৰেটৰি ডন ব’স্ক’ উচ্চতৰ মাধ্যমিক বিদ্যালয়, তেজপুৰত স্থাপন কৰে। ব’ড়ো ভাষাৰ বাবে প্ৰথম এ আই-চালিত ডেম এপ্প তেজপুৰ বিশ্ববিদ্যালয়ৰ সহযোগত ২০২৩ চনৰ ৩১ আগষ্ট গুগল প্লেত মুক্তি দিয়া হৈছিল।

ALSO READ: উচ্চ মানৰ বাঁহৰ সামগ্ৰী তৈয়াৰ কৰা কি এই Bamboostan?

বৰ্তমান, তেওঁ এ আই শিক্ষাৰ বিস্তাৰ আৰু স্থানীয় এ আই পৰিৱেশ গঢ়ি তোলাত কাম কৰি আছে, যাতে সমাজে ভবিষ্যতলৈ এ আইৰ সুবিধা গ্ৰহণ কৰিবলৈ সক্ষম হয়।