নৱৰাত্ৰিত পাব কেন্দ্ৰীয় কৰ্মচাৰীয়ে পেঞ্চনৰ উপহাৰ! ইউনিফাইড পেঞ্চন আঁচনি সম্পৰ্কীয় জাননী আহিব ১৫ অক্টোবৰৰ ভিতৰত

যদিও কেন্দ্ৰীয় চৰকাৰৰ কৰ্মচাৰীৰ বাবে ঐক্যবদ্ধ পেঞ্চন আঁচনি ২০২৫ চনৰ ১ এপ্ৰিলৰ পৰা কাৰ্যকৰী হ’ব, তথাপিও ইয়াক আগতেই আৰম্ভ কৰিব পৰা যাব। উৎসৱৰ বতৰত ২০২৪ চনৰ ১৫ অক্টোবৰত ইউনিফাইড পেঞ্চন আঁচনি সন্দৰ্ভত চৰকাৰে অধিসূচনা জাৰি কৰিব পাৰে। নতুন পেঞ্চন আঁচনি চৰকাৰৰ অন্যতম প্ৰধান অগ্ৰাধিকাৰ আৰু চূড়ান্ত ৰূপায়ণ কৰা হৈছে যাৰ ফলত লাখ লাখ কেন্দ্ৰীয় কৰ্মচাৰী উপকৃত হ’ব।
   
ইকনমিক টাইমছৰ প্রতিবেদন অনুসৰি কেবিনেট সচিব টিভি সোমানাথনে ইউনিফাইড পেঞ্চন আঁচনি সন্দর্ভত বিভিন্ন মন্ত্র্যালয় আৰু বিভাগৰ সৈতে অবিৰতভাৱে বৈঠক অনুষ্ঠিত কৰি আছে যাতে নতুন পেঞ্চন আঁচনিখন সহজে ৰূপায়ণ কৰিব পৰা যায়৷ বিত্ত সচিব হৈ থকাৰ সময়তে টিভি সোমানাথনে ৰাষ্ট্ৰীয় পেঞ্চন আঁচনিৰ পৰ্যালোচনাৰ দায়িত্ব দিয়া সমিতিখনৰ অধ্যক্ষ আছিল। সোমনাথন সমিতিৰ পৰামৰ্শৰ ভিত্তিত চৰকাৰে ইউনিফাইড পেঞ্চন আঁচনি (ইউ পি এছ) প্ৰৱৰ্তনৰ সিদ্ধান্ত গ্ৰহণ কৰিছে।
   
ইউনিফাইড পেঞ্চন আঁচনিৰ অধীনত কেন্দ্ৰীয় কৰ্মচাৰীসকলৰ অৱসৰৰ আগৰ ১২ মাহৰ মৌলিক দৰমহা + ডি এৰ গড় ধন নিশ্চিত পেঞ্চন হিচাপে দিয়া হ’ব। ইউনিফাইড পেঞ্চন আঁচনিত কৰ্মচাৰীয়ে পেঞ্চন পুঁজিত বৰঙণি আগবঢ়াব লাগিব। কৰ্মচাৰীসকলে তেওঁলোকৰ মূল দৰমহা আৰু ডি এৰ ১০ শতাংশ ইউ পি এছত পেঞ্চন পুঁজিত অৱদান আগবঢ়াব লাগিব যিদৰে তেওঁলোকে এন পি এছত কৰি আহিছে। কৰ্মচাৰী পেঞ্চন পুঁজিত চৰকাৰে ১৮.৫ শতাংশ বৰঙণি আগবঢ়াব, যিটো এন পি এছত ১৪ শতাংশ আছিল। তাৰমানে ইউ পি এছত চৰকাৰে নিজৰ অৱদান বৃদ্ধি কৰিবলৈ ওলাইছে। ইউনিফাইড পেঞ্চন আঁচনিৰ অধীনত চৰকাৰী কৰ্মচাৰীয়ে কমেও ২৫ বছৰ সেৱাৰ অন্ততহে নিৰ্ধাৰিত সূত্ৰৰ অধীনত নিশ্চিত পেঞ্চন লাভৰ অধিকাৰী হ’ব। এই নতুন পেঞ্চন আঁচনিখনে ২৩ লাখ চৰকাৰী কৰ্মচাৰীক উপকৃত কৰিব আৰু এই পেঞ্চন আঁচনিৰ মূল বৈশিষ্ট্য হ’ল অৱসৰৰ সময়ত কৰ্মচাৰীসকলে নিশ্চিত পেঞ্চন লাভ কৰিব যিটো এন পি এছত নাছিল।
   
২০২৪ চনৰ ২৪ আগষ্টত প্ৰধানমন্ত্ৰী নৰেন্দ্ৰ মোডীৰ অধ্যক্ষতাত অনুষ্ঠিত কেবিনেট বৈঠকত নতুন পেঞ্চন আঁচনিৰ অনুমোদন দিয়াৰ সমান্তৰালকৈ চৰকাৰী কৰ্মচাৰীৰ বাবে ইউনিফাইড পেঞ্চন আঁচনি আৰম্ভ কৰাৰ সিদ্ধান্ত লোৱা হয়।