आबाद बिथिङाव दिनै केबिनेटआ गिदिर थिरांथा लानो हागौ

सुलुंनिफ्राय मिथिनाय बायदिब्ला केबिनेटआ गोबां आबाद बिथांखिफोरखौ लाफानो गनायथि होनो हागौ।

सोरखारि फुंखाफोरनि बायदिब्ला, मिरु केबिनेटआ 2 सेप्तेम्बरखालि आबाद सेक्टरनि थाखाय थिखानाय रांखौ बांहोनायनि सायाव साननो हागौ। सुलुंनिफ्राय मिथिनाय बायदिब्ला केबिनेटआ गोबां आबाद बिथांखिफोरखौ लाफानो गनायथि होनो हागौ। 

आबाद सेक्टराव दिहुनथाय आरो थाद'नो हानाय गोहोखौ बांहोनायनि राहाफोरनि बाहागो महरै, 2024-25 मायथाइनि मिरुआरि बाजेटाव डिजिटेल पाब्लिक इनफ्रास्ट्रक्चर, थाव बेगरफोरनि थाखाय 'आत्मनिर्भरता', मैगं-थाइगं दिहुन्नायनि थाखाय गिदिर बिबांनि क्लस्टर आरो नाथुर ब्रूडस्टकफोरनि थाखाय न्युक्लियस फिसा आजायग्रा मिरुफोरनि नेटवर्कनि थाखाय राङारि हेफाजाब होनायजों लोगोसे गोबां राहाफोर फोसावदोंमोन।

पाइलट मावथांखिनि जाफुंसारनायजों गोजोननाय, सोरखारा रायजोफोरजों लोगो जानानै आबादारिफोर आरो बिसोरनि हाफोरखौ थाम बोसोराव कभारेज खालामनो थाखाय आबादाव डिजिटेल पाब्लिक इनफ्रास्ट्रक्चर (DPI) खौ मावफुंनायाव सुबिदा खालामगोन। मिरु रांखान्थि मन्थ्रि निर्मला सीतारमणआ 2024-25 मायथाइनि बाजेट होनाय समाव बुंदोंमोन दि बे बोसोरनि समाव DPI खौ बाहायनानै खरीफनि थाखाय डिजिटेल फसल जरिब खालामनायखौ 400 जिल्लाफोराव लानाय जागोन।  

बिथाङा बुंदोंमोन दि 6 कौटि आबादारिफोर आरो बिसोरनि हाफोरनि गुदि खिथाखौ आबादारिफोर आरो हा रेबथुमसालिफोराव लाबोनाय जागोन। FM सीतारमणआ बुंबावदों दि जन समर्थआव बिथा खालामनाय किसान क्रेडिट कार्ड होनाया मोन 5 रायजोआव जाफुंसार जागोन। 

2024-25 मायथाइनि मिरुआरि बाजेटआव फोसावनाय बायदियै बेसर, बादाम, सिबिं, सयाबीन आरो सानफ्लावार बायदि थाव बेगरफोरनि थाखाय 'आत्मनिर्भरता' मोनफुंनो थाखाय मोनसे मावखान्थि बानायनाय जादों होनना फोसावदोंमोन।

FM आ बुंदोंमोन दि सोरखारा बुथुमनाय, दोनथुमनाय आरो बायनाय-फाननायजों लोगोसे मैगं-थाइगं जगायनाय सारिफोरनि थाखाय आबादारि-दिहुनग्रा आफादफोर, समबाय आफादफोर आरो स्टार्ट-आपफोरखौ जौगाहोगोन। 

मिरुआरि रांबावजायाव फोसावनाय मोनगु गोनांथि गोनां आयदाफोरनि गेजेराव आबादाव दिहुनथाय आरो थाद'नो हानाय गोहोआ गिबिसिन। 2024-25 मायथाइनि रांबावजायाव आबाद आरो सोमोन्दोगोनां सेक्टरनि थाखाय 1.52 लाख कौटि रांनि राहा खालामनाय जादोंमोन।