बड'लेन्ड जौगाथायनि गोदान आगानफोर

बड'लेन्डनि रांखान्थियारि सोलायनाय: मोनसे ओनसोलनि राङारि इयुनखौ गोदान महर होनाय नुथायफोर

गाहाय मावफुं सोद्रोमा प्रमद बर'नि दैदेन्नायाव रांखान्थियारि गोग्लैसोनाय बिटिआर ओनसोलाव गोजोन फैनायनिफ्राय, आसामाव बड'लेन्ड टेरिटरियेल रिजन (बि.टि.आर.) आ दा गावखौनो सा-सानजा भारताव मोनसे जाखांफुनाय रांखान्थियारि हायुंआरि रायजो महरै गायसनगासिनो दं, जाय गासैबो बिथिंखौ समानै जौगा होनाय, गोदान मुगायारि खालामनाय आरो नोजोरगोनां दैदेन्नायाव गोख्रों सिगांथिं दावगागासिनो दं। मोनसे समाव आसामनि रांखान्थियारि बिथिंआव गोग्लैसोनाय ओनसोल, बि.टि.आर.खौ आथिखालाव गेजेर हायुंआरि फालांगि, गोदान दारिमिन आरो जायगायारि फालांगियारि जौगाथायनि बिथांखिफोरजों मोनसे जौगानायनि मिरु महरै सोलायनाय नुनो मोनदों।

बि.टि.आर. जौगाथायनि थाखाय 2025-26 मायथाइनि आसाम रांबावजायाव जरखायै  ₹ 4,119.12 कौटि रां थि खालामनाय जादों, बे ओनसोलखौ गोलाव समनि जौगानायाव मदद होनो आरो रां थिसनगिरिफोरखौ गोसो बोनो थाखाय रांखान्थियारि महरै गोदान महर होनाय जादों। गाहाय राजखान्थियारि दैदेनगिरिफोर- उइलसन हासदा, बिटिआरनि मावफुं सोद्रोमा; इउनाइटेड पिपुल्स पार्टी लिबारेल (इउपिपिएल)नि नेहाथारि राजु नार्जारी; आरो सी.ई.एम.नि एम.सि.एल.ए. आरो राजखान्थियारि नेहाथारि माधब चन्द्र चेत्रीया बे सोलायनायनि दैदेननायाव गाहाय बिफाव लागासिनो दं। बिथांमोननि दैदेन्नायाव, बड'लेन्डनि रांखान्थिआ मोनसे गोलाव समगान्थि जौगाखां बिथांखिनि फारसे दावगागासिनो, जाय सरखारि आरो गावारि सेक्टरफोरनि गेजेराव हेफाजाबखौ बांहोयो, एम.एस.एम.इ. (MSME) जौगानायखौ मदद होयो, राङारि सोफादेरनायखौ थुलुंगा होयो आरो गोजोर जौगानायखौ गोनांथि होयो। बे समाव सा-सानजा भारतआ एक्ट ईस्ट पलिसि आरो सिमा फालांगि नाजावनायाव गावनि बिफावखौ गोदानै बेखेवनो खामानि मावगासिनो दं, नाथाय बिटिआरआ आगाननै बारा दावगालांगासिनो दं - मुलाम्फा मोननायल' नङा, नाथाय गावनि रांखान्थिखौ महर होनायाव गोनांथार बिफाव लागासिनो दं।

रायजोआरि रां थिसननायनि गेजेरजों जौगानाय: जौगाथायनि रां थिसननाया गोख्रैयै दावगा गासिनो दं 

आथिखालनि बिटिआरनि रांखान्थियारि सोलायनायनि बयनिख्रुइबो गुदिआवनो दं,थाद’नाय गोयि जौगानाय। 2025-26 मायथाइनि आसाम रांबावजायाव, बि.टि.आर. नि गाहाय जौगाथायनि थाखाय  ₹ 4,119.12 कौटि रां थि खालामनाय जादों, जाय रायजोनि जायखिजाया गावखुंथायारि गौथुमनि थाखाय बयनिख्रुइ बांसिन रानसारनाय रांखौ दिन्थियो। बे फुनजिखौ लामा, दालां, सावस्रि जोथोन, सोलोंथाइ, गामियारि मोब्लिब गोहो आरो ओनसोलारि फोनांजाबनायनि फारसे बाहायनो बिथोन होनाय जादों।
2022 आरो 2024 मायथाइनि गेजेराव, बे ओनसोलाव गुडविल मिशन आरो पथ नबीकरन अचानीनि (Path Nabikaran Achani) सिङाव 1,100 किल'मिटारनि बांसिन गासैबो रोखोमनि लामाफोर लुनाय नुनो मोनदों, जाय ओनसोलनि गेजेराव फोनांजाबनायखौ मख'जाथाव महरै जौगाहोदों।

नाथाय बिटिआरनि हाबिलाफोरा रायजोनि सिमानिफ्रायबो गोजौयाव। बिटिआरनि गाहाय फोनांजाब हाबाफारि - बि3 करिडर (भुटान-बड'लेन्ड-बे अफ बेंगल)खौ बड'लेन्डनि गेजेरजों भुटाननि हाथायफोरखौ बांग्लादेश आरो बे अफ बेंगलजों फोनांजाबग्रा मोनसे सोलोगोनां फालांगियारि लामा महरै खालामनो नाजादों। खेबसे जागायजेन्नायनि उनाव, बे करिडरआ बिटिआरखौ दैथायहरनाय-लाबोनाय सुबिदाफोर, गुदामफोर आरो गोरान रुंमा गाथोनफोर (Dry Port) जों मोनसे लजिस्टिक मिरु महरै जायगा होनानै ओनसोलारि रांखान्थियारि जौगानायखौ थुलुंगा होनो नाजागासिनो दं। बे ओनसोलनि जौगाथाय होनाया खालि फोनांजाब लामाफोर लुनायल' नङा - बेयो फालांगिखौ बांहोनाय आरो सिमा बारनाय रांखान्थियारि खाबुफोरखौ बेखेवनाय। 2022 मायथाइनिफ्राय, गुडविल मिशन आरो पथ नबीकरन अचानीनि सिङाव 1,100 किल'मिटारनि बांसिन लामाफोर बानायनायजों, बे लामाफोरा रांखान्थिखौ जौगाहोनायाव हेफाजाब होगासिनो दं। 

थांखि लानाय बि3 करिडरआ (भुटान -बड'लेन्ड-बे अफ बेंगल) फालांगिआरिफोरखौ गोसो बोगासिनो दं। बे हायुं गेजेरारि फालांगि लामाया, जाय बि.टि.आर.खौ बांग्लादेशनि गेजेरजों मुलुगनां लैथोआरि हाथाइफोरजों भुटानखौ फोनांजाबग्रा मोनसे गाहाय लजिस्टिक मिरु महरै गायसननो थांगासिनो दं। हायुंआरि राजालामा 31 आरो 37 आव बिथांखि लानाय रां थिसननाया माल रोगाग्रा गोहोखौ बांहोगोन, फालांगियारि लामाफोरखौ होंगो-दोंगो गैयै खालामगोन आरो वेयारहाउसिं आरो रोगाथाय बायदि हेफाजाबारि दारिमिनफोरखौ थुलुंगा होगोन होनना मिजिं थिनाय जादों।
 
बे समावनो, आबादारि बेसादफोर, दारिमिनारि गोथां मुवाफोर आरो आबुं दिहुनजानाय बेसादफोरखौ गोख्रै थांलाय-फैलाय खालामनो थाखाय हायुंआरि राजालामा NH-31 आरो NH-37 जौगाहोनाय जादों, जाय बिटिआरनि फोनांजाबनायखौ बांहोनो आरो नखरारि आरो हादर गेजेरारि रां थिसनगिरिफोरनि थाखाय बांसिन गोरलैयै मोननो हानाय खालामदों।

दारिमिनारि खालामनायनि खान्थि: दिहुनथाय-गोनां रांखान्थिनि फारसे बि.टि.आर.नि सोलायनाय

बिटिआरनि रांखान्थियारि दैदेन्नाया खालि बाहायनाय एबा आबादनि सायावल' सोनारनायखौ दिन्थियो। बेनि फिन्नाय महरै, दिहुन्थाइ-मिरुयारि रांखान्थियारि सोरबिथिं खान्थि दाफुंनो थाखाय मोनसे सोलोआरि रोडमैप महरै बड'लेन्ड दारिमिनारि खान्थि 2019 खौ थिसननाय जादोंमोन।

बिखान्थिनि सिङाव थानाय गाहाय थुलुंगानायफोरनि मादाव दङ:

- [ ] गोरलै हा रानलायनाय बिखान्थिफोर
- [ ] टाइम बाउन्ड सिंगल-उइन्ड' क्लियारेन्स।
- [ ] मोब्लिब साब्सिडी आरो केपिटेल इनभेस्टमेन्ट अनसुंथाइफोर
- [ ] प्लाग-एन्ड-प्ले दारिमिनारि ओनसोलफोर

दावगानायनि नेरसोनफोरा रोखायै नुजागासिनो दं। हिन्दुस्तान पेट्रलियामा डांगट'लाव मोनसे प्रसेसिं इउनिट गायसनदों आरो क'कराझाराव मोनसे रेल कच कारखाना सोलिगासिनो दं - जाय मिरुआरि पीएसयूफोरनि फोथायथिनि इसारा होदों। बेजों लोगोसे, इरि आरो सेरिकालसार सेक्टराव ₹30.35 कौटि रां जगायनाय जादों, मोनसे दोरोङारि दारिमिन जायखौ गोदान मुगानि जौगानायजों आरो हाथाइनि सोमोन्दोजों गोरोबहोनाय जादों।
 
गोख्रै जौगानाय महरै सिनायथिजानाय सेक्टरफोरनि मादाव दङ:

- [ ] जाग्रा आदार प्रसेसिं: गुबैयै थालिर, आनारस आरो साइट्रस फिथाइफोर 
- [ ] जुनार फिसिनाय आरो गायखेर फालांगि 
- [ ] ना फिसिनाय आरो दैजों आबाद मावनाय (Aquaculture) 
- [ ] गोदान खालामफिन्नाय गोहो आरो औवानि गाहाय दारिमिनफोर

बेफोर सेक्टरफोरा फिसा फालांगिनि खाबुफोर आरो नेमखान्थियारि साख्रि सोरजिनायजों लोगोसे जि.एस.डि.पि.(GSDP)आव मख'जाथाव बिहोमा होगोन होनना मिजिं थिनाय जादों। बड'लेन्डनि दारिमिनारि नारसिननाया आथिखालाव खालि हास्थायनायल' नङा - बेयो मोगथाङारि फिथाय महर होनो हमदों।

सुबुं फुन्जि आरो स्टार्टआप: रोंगौथि जौगाथायखौ एन्टारप्राइज जौगानायजों फोनांजाबनाय:

रोंगौथि गोनां मावथि हानजा गैयाब्ला जेबो रांखान्थियारि सोलायनाया जोरनो हाया बेखौ गनायनानै, बिटिआर सरखार आ 2035 मायथाइसिम 50,000 लाइमोनफोरखौ फोरोंथाय होनो थांखि लाना सीड SEED (स्किल एमप्लयमेन्ट इन्टारप्रेनिउरसिप डेभेलपमेन्ट) मिसन जागायदों।
गासै 8 आई.टी.आइ. आरो गं 5 पि.एम.के.भि.वाइ. मिरुफोरा सोलिबाय थानायजों, 10,000 नि बांसिन लाइमोनफोरखौ दारिमिनजों सोमोन्दो गोनां ओनसोलफोर जेरै आलासि सिबिनाय, सानखराङारि बिरोंदामिन, आबाद-प्रसेसिं, सि-जोम डिजाइन आरो आरोंदायारि रोंग'थिफोराव फोरोंथाय होनाय जादों।

रोंग'थिनि अनगायैबो, ओनसोलनि दैदेन्नाया फालांगियारि गोहोआव रां थिसनगासिनो दं। 2035 मायथाइसिमाव 1,000 स्टार्टअप्स आरो 20,000 एमएसएमइ (MSMEs) गायसननायनि थांखिजों, बि.टि.आर.आ मोनसे न'आवनो सोमजिनाय फालांगियारि सोरबिथिं खान्थिखौ जोथोन होगासिनो दं। एम.एस.एम.इ. रांखान्थियारि बिथांखिफोर, रानलायनाय हाबा मावग्रा जायगाफोर, फालांगियारि हेफाजाब आरो क्लस्टर-बिथायारि फोरोंथाया लाइमोनफोरनि सानस्रिफोरखौ जाथावना फालांगियारि मडेल सोलायनायाव मदद होगासिनो दं। 

खान्थि बानायग्राफोरा हाथाइ फोनांजाब आरो बेसेन दाजाबदेरनायखौ रोखा खालामनो थाखाय दोरोङारि सेक्टरफोर जेरै औवा प्रसेसिं, अमा फिसिनाय, बोरमा आबाद आरो हादरारि शिल्पफोरजों स्टार्टअप मददखौबो गोरोबहोगासिनो दं।

जि.डि.पि. बिहोमा होग्रा महरै दावबायथाय: बि.टि.आर.नि मिथिंगायारि राजथावनि मावखान्थि:

दावबायथाया खालि साख्रि सोरजिनो हानाय गोहोल' नङा, नाथाय बेयो गुबुन हादरारि सोलाय-सोल' आरो खाजोना दिहुन्नो हानाय गोहोनि थाखायबो सिनायथि होनाय जादों। गोबां सोरबिथिंआरि बायदि रोखोमजों बुंफबनाय बिटिआर ओनसोलाव मोनथाम हायुंआरि पार्कफोर दं, - मानास, रायम'ना आरो अरां दं आरो खोला एसियानि बयनिख्रुइबो गोजामसिन जिब रोखोमारि हटस्प'टफोरनि गेजेराव मोनसे।
माधब चन्द्र चेत्रीया मुलुगनां थाखोआव सुबुं समाजजों दैदेनजानाय सोरबिथिं-दावबायथाय मडेलखौ मावफुंनो नाजानायखौ दैदेनगासिनो दं। मानस माओजिगेन्द्री इक'टुरिज्म स'साइटी (एम.एम.ई.एस.) आरो मानस टाइगर कन्जारभेसन फाउन्डेसन (एम.टी.सी.एफ.) नि सिङाव थाखानाय मावथांखिफोरा फोरमान खालामो दि अरायथा दावबायथाया रैखाथि आरो रांखान्थियारि जौगानायजों लोगोसे थायो।

बिथांखिफोर सोलिबाय थानाय :

- [ ] जायगायारि लाइमोनफोरखौ फोरमान होजानाय सोरबिथिं-दावबायथाय लामा दिन्थिगिरि महरै फोरोंथाय होनाय।
- [ ] इक'-केम्प, कम्युनिटी लज आरो जायगायारि गोसोखांथि सारिफोर गायसनाय।

- [ ] बि.टि.आर.खौ बिबानगोनां दावबायथायनि थाखाय मोनसे मुलुगनां थावनि महरै जौगाहोनाय।

बेफोर हाबाफारिफोरा मिथिंगायारि सोरबिथिंखौ संरैखा खालामनायजों लोगोसे आइजोफोरजों दैदेनजानाय हान्जाफोरनि सायाव मख'जाथाव गोहोम खोख्लैनायजों थागिबिसा हारिफोरनि थाखाय रांखान्थि सोरजिहोनायाव मदद होगासिनो।
आबाद आरो सोमोन्दोगोनां बाहागोफोर: जिउराहानिफ्राय लानानै आबादारि फालांगिसिम
गोदान दारिमिनारि थासेयावबो, बिटिआरआ आबादारि रांखान्थिनि सायाव सोनारनानै दं, जेराव 80 जौखोन्दोनि बांसिन सुबुं अनजिमाया आबाद आरो सोमोन्दोगोनां हाबाफोराव नांथाबना दं। बबेखानि, बावैसो आबादखौ मोनसे फालांगियारि महरै जाथावना महर होनो नाजागासिनो दं।
हाबाफारिफोर जेरै:

- [ ] बड'लेन्ड बोरमा मिसन
- [ ] बड'लेन्ड अमा मिसन
- [ ] गाइखेर फालांगि मिसन
- [ ] बड'लेन्ड हेन्डलुम मिसन बड'लेन्ड 

हेन्डलुम मिशनखौ हाथाइनि थियारिखौ बांहोनाय, सिगांथिं-गोग्लैसोनाय सोमोन्दो गायसननाय, ब्रान्डिंखौ गोख्रों खालामनो आरो साप्लाय चेनखौ नेमखान्थि गोनां खालामनो थाखाय दानाय जादों। बे मिशनफोरखौ हारिसायारि आबादारिफोरखौ जौगाहोनाय, बिसोरनि दिहुनथायफोरखौ गोदान मुगानि हाथायफोरजों खौसे खालामनाय आरो साबसिन बेसेन मोनफुंनायखौ रोखा खालामनायनि नोजोरजों मावफुंनाय जादों। बेजों लोगोसे, बिटिआरआ जिउ राहानि खाबुफोरखौ बायदि रोखोम खालामनो आरो दोरोङारि आबादनि सायाव सोनारनायखौ खम खालामनो औवा आरो मुलियारि बिफांनि आबाद, दै आबाद आरो जिब-हासार बानायनायखौ नाजागासिनो दं।

ALSO READ: Arihan Enterprise'এ ৫০০০ হাজাৰৰো অধিক লোকক প্ৰশিক্ষণ প্ৰদান কৰিছে।

बिटिआरआ सा-सानजा भारतनि गोदान जौगाथायनि इन्जिन जानो हागोन नामा?

बिटिआरनि रांखान्थियारि सोलायनाया आथिखालाव मोनसे सानस्रिल' नङा - बेयो दाथाइयारि फोसाबनाय, सोलोआरि बिथांखि आरो गोख्रों स्टेकहल्दार बाहागो लानायनि गेजेरजों महर लागासिनो दं। रोखा खान्थियारि दिथा, मिरुआरि रां थिसननाय आरो सेक्टर-जर'खा गोनांथिफोरजों, बे ओनसोला लासै-लासै आसामाव मोनसे रांखान्थियारि मिरु आरो खोला-सानजा एसियानि हाथायफोरनि मोनसे दरखं जानो हागौ।
राङारि नोजोरजों, बिटिआरनि जौगाथाय नोजोरथिया मोनसे हाइब्रिड रांखान्थियारि मावखान्थिखौ दिन्थियो- रायजोनि रांबावजायारि राननाय, सोरखारि-सोरखारि नङि बाहागोदारि आरो जानो हाथाव दानहोग्रा-राङारि मावथांखि फुन्जिखौ सरजाबनाय। खान्थिजों सामलायजानाय खोन्दोआरि हाबाफारिफोरजों लोगोसे ₹ 4,119.12 कौटि जौगाथायनि रां थिसननाया ओनसोलारि जि.डि.पि., साख्रिनि लोरबांथि आरो गावारि सेक्टरनि बाहागो लानायाव गोबां गोहोम खोख्लैनो हागौ।

मुंख'नो गोनां दि - प्रमद बर'नि दैदेन्नाय सरखारा “मिसन बैसोमुथि 1.0” नि गेजेरजों 4 बोसोरनि गेजेराव 2.6 लाख हानि जेंनाफोरखौ सुस्रांदों, जेराव सिगांनि सरखारा 17 बोसोराव 15,000 हानि जेंनाफोरखौल’ सुस्रांनो हादोंमोन । बेनि अनगायैबो माखासे गोनांथार मावनो लानाय हाबाफारि दं - फालांगियारिफोरनि थाखाय खैफोदफोरखौ खम खालामनाय आरो बयखौबो लाफानानै जौगाहोनो थाखाय लजिस्टिक, हाथाइ फोनांजाबनाय, जोबथा माइल रांखान्थियारि आरो डिजिटेल बिथायारि जौगाथायखौ थांखि लानाय रां थिसननाया गोनांथार।

जुदि गाहाय जौगाथाय सालायगिरिफोर जेरै दारिमिनारि क्लास्टार, ट्रेड करिडर, मोनसे रोंग'थि गोनां मावथि हानजा आरो गोजोर दावबायनायखौ मोजाङै मावफुंनाय जायो, अब्ला बिटिआरआ मोनसे अनसाइ-सोनारनाय ओनसोलनिफ्राय सा-सानजानि रांखान्थियारि नुथायनि सिङाव जौगानायनि मोनसे गाव-दिदोम आत्मनिर्भर इन्जिनआव सोलायनो हानाय गोहो दं।