ड'नाल्ड ट्राम्पनि क्रिप्ट' सानथांखिफोरनि सायाव मिजिंथियाव बिटकइननि बेसेना गिबि खेबनि थाखाय 97,000 डलार दावगादों।

बिटकइननि बेसेना बृहस्पतिबार, 21 नबेम्बरखालि गिबि खेबनि थाखाय 97,000 डलारखौ बारलांदोंमोन, हादोरगिरि-सायख'जानाय ड'नाल्ड ट्राम्पनि सिङाव क्रिप्टोकरेन्सिनि थाखाय मोनसे लोगोआरि आमेरिकानि सामलायग्रा नोजोरनि मिजिंआव। कइनमार्केटकेपनि खारि बायदिब्ला, बिटकइननि बेसेना 5.7 जौखोन्दो बांनानै 97,445 डलारसोआव दंमोन आरो आथिखालनि हाथाइ केपआ 1.93 ट्रिलियन डलारमोन।

मुलुगनि बयनिख्रुइबो देरसिन क्रिप्टोकरेन्सी बिटकइननि बेसेना 97,628 डलारनि बयनिख्रुइबो गोजौसिन थाखोआव सौहैदोंमोन आरो 1,00,000 डलारनि दागोनि फारसे दावगालांगासिनो दं। बे बोसोराव बिटकइननि हारआ नै गुननिबो बांसिन जाबाय आरो क्रिप्ट' हाथाइया गासै 900 बिलियन डलारनि जथाइ मुलाम्फा महरै जेब्ला ट्राम्पखौ फैगौ आमेरिकानि हादोरगिरि महरै भ'ट होनाय जादोंमोन आरो क्रिप्ट' मददगिरि आयेन दागिरिफोरा कंग्रेसाव सायख'जादोंमोन।

"क्रिप्टो खान्थिनि थाखाय मोनसे बावसोमनाय ह्वाइट हाउसनि बिफाव गायसन्नायनि ट्राम्पनि सानथांखिनि मोनसे मीडिया रिपर्टनिफ्राय हाथाइनि आबेगआ गोख्रोंसिन जादोंमोन। 2026 मायथाइसिम 176,000 डलारनि बेसेननि थांखिखौ दिन्थिनाय ब्लैकरकनि बिटकइन ETF अपसनजों लोगोसे गोख्रै सामलायग्रा रोखाथिनि आसाया BTC नि बेसेनखौ $97,000 माइलखुन्थियासिम लांदों, "मुद्रेक्सनि लोगो-गायसनगिरि आरो CEO एदुल पाटेलआ बुंदों।

ट्राम्पआ जुथाइ रायजो आमेरिकाखौ "ग्रहनि क्रिप्ट' राजथावनि" बानायनो आरो बिटकइननि मोनसे हायुंआरि बाख्रि बुथुमनो खोथा होदोंमोन। बिटकइननि सोमोनांथाव रेलिआ डिजिटेल सम्पथि सेक्टरनि बांलांनाय गोहोमखौ नोजोर होयो मानोना बेयो ड'नाल्ड ट्राम्पनि सिङाव क्रिप्टोकरेन्सी खान्थियाव मिरु खालामनाय मोनसे बावसोमनाय ह्वाइट हाउसनि थाथाय गायसन्नायनि थाखाय हेफाजाब होयो।

खौरां मोन्नाय बायदिब्ला ट्राम्पनि हानजाया बेबादि बिफाव सोरजिनायनि बादै सावरायगासिनो दं, दारिमिननि थान्दैफोरा हादोरगिरि-सायख'जानायसिम थोंजोङै सौहैनायखौ सोफादेरनो थाखाय बेनि थाखाय लबिं खालामगासिनो दं, जाय क्रिप्टोकरेन्सिनि सासे गाहाय मददगिरि महरै नुजाबोदों।

ALSO READ: US Embassy Delegation Visits Kokrajhar To Strengthen Ties With BTR

बेफोर जौगाखांनाया बिटकइन बायनायखौ गोख्रै खालामनो माइक्र'स्ट्रेटेजी इंकनि सानथांखिफोर आरो आमेरिकायाव फारिलाइ खालामजानाय बिटकइन एक्सचेन्ज-ट्रेडेड फान्डफोर (ETF) आव अपसन ट्रेडिंनि जागायनायजों लोगोसे आमेरिकानि डिजिटेल सम्पथि हाथायाव दाजाबारि आबेगआव बिहोमा होयो।

बिसायख'थिनि उनाव आमेरिकायाव फारिलाइ खालामजानाय बिटकइन ETF आव 4 बिलियन डलारनि बांसिन बोहैदों। रयटर्सनि फोरमायथिनाय बायदिब्ला बे सप्तायाव ब्लैकरकनि बिटकइन ETF आव अपसन ट्रेडिंनि थाखाय मोनसे गोख्रों जागायजेन्नायखौ दिन्थिदों, कल अपसनफोरजों - बेसेन बांनायाव बुलिश बेट्सखौ इंगित होयो - पुट अपसनफोरखौ बारहोयो।