প্ৰধানমন্ত্ৰী নৰেন্দ্ৰ মোদীয়ে শনিবাৰে কয় যে ভাৰত এখন খাদ্য উদ্বৃত্ত দেশত পৰিণত হৈছে আৰু বিশ্বৰ খাদ্য আৰু পুষ্টি সুৰক্ষাৰ সমাধানৰ বাবে কাম কৰি আছে। ৬৫ বছৰৰ পাছত ভাৰতত আয়োজন কৰা ৩২ সংখ্যক আন্তঃৰাষ্ট্ৰীয় কৃষি অৰ্থনীতিবিদ সন্মিলন উদ্বোধন কৰাৰ পাছত এক সভাত ভাষণ দি প্ৰধানমন্ত্ৰীয়ে লগতে কয় যে কেন্দ্ৰীয় বাজেট ২০২৪-২৫ ত বহনক্ষম কৃষিৰ ওপৰত গুৰুত্ব দিয়া হৈছে।
লক্ষ্য কৰে যে শেষবাৰৰ বাবে যেতিয়া সন্মিলনখন ইয়াত আয়োজন কৰা হৈছিল, তেতিয়া ভাৰতে মাত্ৰ স্বাধীনতা লাভ কৰিছিল, আৰু দেশৰ কৃষি আৰু খাদ্য সুৰক্ষাৰ বাবে সেয়া আছিল এক প্ৰত্যাহ্বানমূলক সময়। তেওঁ কয় যে এতিয়া ভাৰত এখন খাদ্য উদ্বৃত্ত দেশ। লগতে কয় যে দেশখন বিশ্বৰ ভিতৰতে গাখীৰ, দালি আৰু মছলাৰ উৎপাদনকাৰী দেশৰ ভিতৰত এক নম্বৰ দেশ। লগতে খাদ্য শস্য, ফল-মূল, শাক-পাচলি, কপাহ, চেনি আৰু চাহৰ উৎপাদনৰ দ্বিতীয় বৃহত্তম দেশ হিচাপে পৰিগণিত হৈছে।
ভাৰতৰ খাদ্য সুৰক্ষা বিশ্ববাসীৰ বাবে চিন্তাৰ বিষয় হৈ পৰিছিল। এতিয়া ভাৰতে বিশ্ব খাদ্য সুৰক্ষা আৰু বিশ্ব পুষ্টি সুৰক্ষাৰ সমাধানৰ বাবে কাম কৰি আছে।’ প্ৰায় ৭০খন দেশৰ প্ৰায় ১০০০ প্ৰতিনিধিয়ে অংশগ্ৰহণ কৰা সন্মিলনত তেওঁ এইদৰে কয়।
আন্তৰ্জাতিক কৃষি অৰ্থনীতিবিদ সংস্থাৰ উদ্যোগত ২ আগষ্টৰ পৰা ৭ আগষ্টলৈ অনুষ্ঠিত হ'বলগীয়া এই ত্ৰিবাৰ্ষিক সন্মিলনখন এইবাৰৰ সন্মিলনৰ বাবে "ট্ৰেন্সফৰ্মেচন টুৱাৰ্ডছ ছাষ্টেনেবল এগ্ৰি-ফুড চিষ্টেমছ"। প্ৰধানমন্ত্ৰীয়ে লগতে কয় যে ভাৰতে বিগত ১০ বছৰত ১৯০০ নতুন জলবায়ু প্ৰতিৰোধী জাতৰ শস্যৰ যোগান ধৰিছে। ভাৰতে ৰাসায়নিক মুক্ত প্ৰাকৃতিক কৃষিক প্ৰসাৰিত কৰিছে বুলিও তেওঁ লগতে কয়।
তেওঁ কয় যে পেট্ৰ’লত ২০ শতাংশ ইথানল মিশ্ৰণৰ লক্ষ্যত উপনীত হোৱাৰ দিশত দেশ অগ্ৰসৰ হৈছে। এই সন্মিলনত বিশ্বৰ কৃষি প্ৰত্যাহ্বানসমূহৰ প্ৰতি ভাৰতৰ সক্ৰিয় দৃষ্টিভংগীৰ ওপৰত আলোকপাত কৰা হ’ব আৰু কৃষি গৱেষণা আৰু নীতিৰ ক্ষেত্ৰত দেশৰ অগ্ৰগতি প্ৰদৰ্শন কৰা হ’ব।
এই অনুষ্ঠানত যুৱ গৱেষক আৰু আগশাৰীৰ পেছাদাৰীসকলে নিজৰ কাম উপস্থাপন আৰু বিশ্বব্যাপী সমনীয়াৰ সৈতে নেটৱৰ্ক গঢ়ি তোলাৰ এক মঞ্চ প্ৰদান কৰিব।
ইয়াৰ লক্ষ্য হৈছে গৱেষণা প্ৰতিষ্ঠান আৰু বিশ্ববিদ্যালয়ৰ মাজত অংশীদাৰিত্ব শক্তিশালী কৰা, ৰাষ্ট্ৰীয় আৰু বিশ্বব্যাপী উভয় পৰ্যায়ত নীতি নিৰ্ধাৰণত প্ৰভাৱ পেলোৱা, ডিজিটেল কৃষি আৰু বহনক্ষম কৃষি খাদ্য ব্যৱস্থাৰ উন্নতিকে ধৰি ভাৰতৰ কৃষি অগ্ৰগতি প্ৰদৰ্শন কৰা।