কেন্দ্ৰীয় মন্ত্ৰী জ্যোতিৰাদিত্য সিন্ধিয়াৰ ভ্ৰমণৰ পিছতেই উত্তৰ-পূৱ বেত আৰু বাঁহ উন্নয়ন পৰিষদৰ  ব্যাপক অগ্ৰগতি

কেন্দ্ৰীয় যোগাযোগ আৰু উন্নয়ন মন্ত্ৰী জ্যোতিৰাদিত্য সিন্ধিয়াক উষ্ম আদৰণী জনাই উত্তৰ পূৱ বেত আৰু বাঁহ উন্নয়ন পৰিষদে । তেওঁৰ এই ভ্ৰমণে বহনক্ষম উন্নয়নৰ প্ৰতি চৰকাৰৰ অটল সমৰ্পণ আৰু উত্তৰ-পূৱ অঞ্চলৰ সমৃদ্ধ সাংস্কৃতিক ঐতিহ্যৰ প্ৰচাৰ আৰু প্ৰসাৰৰ ওপৰত আলোকপাত কৰে।  

তেওঁৰ ভ্ৰমণৰ সময়ত NECBDC সুবিধাসমূহৰ এক গভীৰ পৰ্য্যবেক্ষণ কৰোৱা হৈছিল, য'ত তেওঁ কাৰিকৰী আৰু অংশীদাৰসকলৰ সৈতে বাৰ্তালাপ কৰিছিল আৰু বেত আৰু বাঁহৰ পৰম্পৰাগত শিল্পকলাৰ বিষয়ে মূল্যৱান তথ্য লাভ কৰে । এই শিল্প কলা অঞ্চলটোৰ সংস্কৃতিক আৰু অৰ্থনৈতিক গাঁথনিৰ অবিচ্ছেদ্য অংগ । মন্ত্ৰী গৰাকীয়ে বিভিন্ন খণ্ডত বাঁহ আৰু বেতক বহনক্ষম বিকল্প হিচাপে প্ৰচাৰ কৰাৰ ক্ষেত্ৰত পৰিষদৰ প্ৰচেষ্টাক প্ৰশংসা কৰি পৰিৱেশ অনুকূল উন্নয়নত তেওঁলোকৰ ভূমিকাৰ ওপৰত গুৰুত্ব আৰোপ কৰে।  

উত্তৰ-পূবৰ ৰাজ্যসমূহত বেত আৰু বাঁহ খণ্ডৰ উন্নয়নৰ নেতৃত্ব দিবলৈ প্ৰতিষ্ঠা কৰা NECBDC য়ে দক্ষতা বিকাশ কৰ্মশালা, বাঁহ প্ৰক্ৰিয়াকৰণত প্ৰযুক্তিগত অগ্ৰগতি আৰু শিল্পীসকলৰ বাবে বজাৰ সংযোগ সৃষ্টি কৰাকে ধৰি বিভিন্ন প্ৰকল্পত গুৰুত্বপূৰ্ণ ভূমিকা পালন কৰি আহিছে।  পৰিষদৰ কাৰ্যই অঞ্চলটোৰ আৰ্থ-সামাজিক উন্নয়ন, স্থানীয় সম্প্ৰদায়ৰ সবলীকৰণ  আৰু বহনক্ষম অনুশীলনৰ প্ৰচাৰ আৰু প্ৰসাৰত গুৰুত্বপূৰ্ণ অৰিহণা যোগাই আহিছে।

ড'নাৰ মন্ত্ৰী হিচাপে তেওঁ প্ৰথম ভ্ৰমণত সিন্ধিয়াৰ সৈতে সচিব চঞ্চল কুমাৰ উপস্থিত আছিল । আনহাতে NECBDC ৰ MD শ্ৰী M.C ও নিংসেনে NECBDC ৰ কাৰ্যকলাপৰ এক বিস্তৃত বিৱৰণ দাঙি ধৰে।  

সিন্ধিয়াই উত্তৰ-পূৱ অঞ্চলৰ প্ৰতিভাশালী শিল্পীসকলে সৃষ্টি কৰা বিভিন্ন সামগ্ৰী আৰু শিল্পকলাৰ সম্ভাৱনাৰ বিষয়ে তেওঁৰ আগ্ৰহ প্ৰকাশ কৰি কয় যে তেওঁলোকে বিশ্বব্যাপী স্বীকৃতি লাভ কৰিব পাৰে । শিল্পী সকলৰ কঠোৰ পৰিশ্ৰম আৰু কাম কৰাৰ হাবিয়াস দেখি তেওঁ অতিকৈ আপ্লুত হৈছিল । NECBDC ৰ সামগ্ৰীক প্ৰচেষ্টাৰ দ্বাৰা বিকশিত এই সমগ্ৰীবোৰে আই.ডি. 1 পদক্ষেপত আৰু প্ৰধানমন্ত্ৰী নৰেন্দ্ৰ মোদীৰ আই.ডি. 2 নিৰ্মাণৰ দৃষ্টিভংগী পূৰণ কৰাত গুৰুত্বপূৰ্ণ অৱদান অব্যাহত ৰখাৰ পূৰ্ণ সম্ভাৱনা আছে । তেওঁ কয় যে বাঁহ ব্যবহাৰ কৰি প্ৰিমিয়াম আৰু উদ্ভাৱনীমূলক সামগ্ৰী বিকশিত কৰাটো জৰুৰী , যিবোৰ উত্তৰ পূৱ অঞ্চলত উপলব্ধ আৰু শিল্পৰ মানদণ্ডৰ বিষয়ে গ্ৰাহকসলক সংবেদনশীল কৰিবলৈ ব্যাপকভাবে বিপণন কৰা উচিত ।

জ্যোতিৰাদিত্য সিন্ধিয়াৰ উত্তৰ-পূৱ বেত আৰু বাঁহ উন্নয়ন পৰিষদ ভ্ৰমণে প্ৰধানমন্ত্ৰী শ্ৰী নৰেন্দ্ৰ মোদীৰ চৰকাৰে উত্তৰ পূৱ অঞ্চলৰ উন্নয়নৰ বাবে দিয়া অগ্ৰাধিকাৰৰ ওপৰত গুৰুত্ব আৰোপ কৰিছে । বহনক্ষম সামগ্ৰী, সাংস্কৃতিক ঐতিহ্য আৰু অৰ্থনৈতিক সবলীকৰণৰ ওপৰত গুৰুত্ব , 'বিকশিত ভাৰত ' আৰু 'বিকশিত পূৰ্বোত্তৰৰ ' বিস্তৃত দৃষ্টিভংগীৰ সৈতে সংগতি ৰাখে  ।