সোমবাৰে শ্ৰম মন্ত্ৰালয়ে জনোৱা মতে, ৰিটায়াৰমেণ্ট ফাণ্ড বডী ইপিএফঅ’ই (EPFO) চলিত বৰ্ষৰ জুলাই মাহত ১৯.৯৪ লাখ সদস্যৰ নিকা সংযোজন ৰেকৰ্ড কৰিছে।
কেন্দ্ৰীয় শ্ৰম মন্ত্ৰী মানসুখ মাণ্ডবিয়াই সংবাদমেলত কয় যে কৰ্মচাৰী ভৱিষ্য নিধি সংস্থা (ই পি এফ অ’)ৰ দ্বাৰা পৰিচালিত সামাজিক সুৰক্ষা আঁচনিৰ ১০.৫২ লাখ নতুন বা প্ৰথমবাৰৰ বাবে কৰ্মৰত শ্ৰমিকে চাবস্ক্ৰাইব কৰিছিল।
মন্ত্ৰীগৰাকীয়ে কয় যে চলিত বৰ্ষৰ জুলাই মাহত প্ৰায় ২০ লাখ নেট নতুন সদস্য সংযোজন (১৯.৯৪ লাখ) ৰেকৰ্ড কৰা হৈছে।
তেওঁ লগতে জনাইছে যে জুলাই মাহত যোগ কৰা ৮.৭৭ লাখ সদস্য ১৮-২৫ বছৰ বয়সৰ গোটত আছে।
শেহতীয়া তথ্য অনুসৰি ১৮-২৫ বছৰৰ ভিতৰৰ প্ৰায় ৬.২৫ লাখ সদস্যই প্ৰথমবাৰৰ বাবে কাম কৰা বা নতুনকৈ যোগদান কৰা।
নতুনকৈ যোগদান কৰা প্ৰায় ৫৯.৪ শতাংশই ১৮-২৫ বছৰ বয়সৰ ভিতৰত পৰে।
তেওঁ কয় যে তথ্য অনুসৰি যুৱক-যুৱতীসকলৰ কৰ্মসংস্থাপন বৃদ্ধি পাইছে।
তেওঁ লগতে জনাইছে যে জুলাই মাহত ইপিএফঅ’ই ৪.৪১ লাখ মহিলা সদস্য সংযোজন কৰিছিল য’ত ৩.০৫ লাখ নতুন যোগদানকাৰী অন্তৰ্ভুক্ত কৰা হৈছে।
মন্ত্ৰীগৰাকীয়ে আঙুলিয়াই দিয়ে যে মহিলাৰ কৰ্মসংস্থাপনও বৃদ্ধি পাইছে।
FIRST Business Portal addressing the potential of business capability of North East Region.
