বজাৰত আত্মপ্ৰকাশত ইচিঅ'এছ মবিলিটিৰ শ্বেয়াৰ ১৭ শতাংশতকৈ অধিক উত্থান

বুধবাৰে ৩৩৪ টকাৰ ইছ্যু মূল্যৰ বিপৰীতে ১৭ শতাংশতকৈ অধিক প্ৰিমিয়ামৰ সৈতে তালিকাভুক্ত হয় চালক চালিত মবিলিটি প্ৰদানকাৰী ইচিঅ'এছ(ইণ্ডিয়া) মবিলিটি এণ্ড হস্পিটেলিটি লিমিটেডৰ শ্বেয়াৰ।

বিএছইৰ ইছ্যু মূল্যৰ তুলনাত ১৭.১৫ শতাংশ জঁপিয়াই ৩৯১.৩০ টকাত আত্মপ্ৰকাশ কৰে এই ষ্টকটোৱে। পিছত ৩৬.৫২ শতাংশ জুম হৈ ৪৫৬ টকা হয়।

এন এছ ইত প্ৰতিষ্ঠানটোৰ শ্বেয়াৰ ৩৯০ টকাত তালিকাভুক্ত হয়, যিটো ১৬.৭৬ শতাংশ প্ৰিমিয়াম। কোম্পানীটোৰ বজাৰ মূল্য ২৫৪০.৭০ কোটি টকা।

শুকুৰবাৰে নিবিদাৰ অন্তিম দিনটোত ইক’ছ (ইণ্ডিয়া) মবিলিটি এণ্ড হস্পিটেলিটিৰ প্ৰাৰম্ভিক শ্বেয়াৰ বিক্ৰীয়ে ৬৪.১৮ বাৰ চাবস্ক্ৰাইব লাভ কৰে।

৬০১ কোটি টকাৰ এই শ্বেয়াৰ বিক্ৰী সম্পূৰ্ণৰূপে আছিল ১,৮০,০০,০০০ ইকুইটি শ্বেয়াৰ পৰ্যন্ত অফাৰ ফৰ চেল (অ’এফএছ)। আই পি অ’ৰ মূল্যৰ ৰেঞ্জ আছিল ৩১৮-৩৩৪ টকা।

দিল্লীস্থিত কোম্পানীটোৱে ২৫ বছৰতকৈ অধিক সময় ধৰি কৰ্পৰেট গ্ৰাহকক চাফেৰেড কাৰ ৰেণ্টেল (চিচিআৰ) আৰু এম্প্লয়ি ট্ৰেন্সপ’ৰ্টেশ্যন চাৰ্ভিচেছ (ইটিএছ) প্ৰদান কৰি আহিছে।

ই ইকনমিৰ পৰা আৰম্ভ কৰি বিলাসী গাড়ীলৈকে ৯ হাজাৰৰো অধিক বাহনৰ বহৰ চলায়। ইয়াৰ উপৰিও বিশেষ বাহন যেনে লাগেজ ভ্যান, লিমুজিন, ভিনটেজ গাড়ী আৰু বিশেষভাৱে সক্ষম লোকসকলৰ বাবে সুলভ পৰিবহণৰ বাবে বাহনৰ ব্যৱস্থা কৰা হৈছে।