২৯ জানুৱাৰীৰ পৰা বহু প্ৰত্যাশিত ' বৰদলৈ ট্ৰফী '

২৯ জানুৱাৰীৰ পৰা অনুষ্ঠিত হ'ব ৭৮ সংখ্যক বৰদলৈ ট্ৰফী। জিলাই জিলাই হ'ব বৰদলৈ ট্ৰফী ফুটবল টুৰ্ণামেণ্ট । ২৯ জানুৱাৰীৰ পৰা ৩৫ খনকৈ জিলাত হ'ব এই খেল । ডিমা হাছাওত ৪ ফেব্ৰুৱাৰী, চিৰাঙত ১ ফেব্ৰুৱাৰীত হ'ব এই খেল । জিলা পৰ্যায়ত ২৮০ টা ক্লাবে এই টুৰ্ণামেণ্ট খনত অংশগ্ৰহণ কৰিব ।  

এই বৰদলৈ ট্ৰফীত অৱতীৰ্ণ হ'ব ৮৪০০ খেলুৱৈ। জিলা পৰ্য্যায় চেম্পিয়ন দলে লাভ কৰিব ১ লাখ টকাৰ প্ৰাইজমানি । শেষত ৰাউণ্ডৰ চেম্পিয়ন দললৈ ২.৫ লাখ টকাৰ প্ৰাইজ মানি । প্ৰতিযোগিতাখনত মুঠ ৬১০ খনকৈ খেল অনুষ্ঠিত হ'ব। চেম্পিয়ন দলে ১০ লাখ আৰু ৰাণৰ্ছ আপে ৫ লাখ টকাৰ প্ৰইজ মানি । প্ৰতিযোগিতাৰ খৰচ বহন কৰিব গুৱাহাটী ক্ৰিয়া সন্থাই। শ্ৰেষ্ঠ খেলুৱৈৰ বাবে থাকিব গ'ল্ডেন বুট, গ'ল্ডেন গ্লোভচ। গুৱাহাটীৰ ছাই প্ৰকল্পত অনুষ্ঠিত হ'ব কামৰূপ মহানগৰ জিলাৰ জিলা পৰ্যায়ৰ খেলসমূহ। জজ খেলপথাৰত অনুষ্ঠিত হ'ব ফাইনেল ৰাউণ্ডৰ খেলসমূহ । গুৱাহাটী প্ৰিমিয়াৰ লীগৰ ফাইনেলিষ্ট দল দুটাই পোনে পোনে অংশগ্ৰহণ কৰিব পাৰিব বৰদলৈ ট্ৰফীত । ১৬ টা দলৰ মাজত অনুষ্ঠিত হ'ব তৃতীয় ৰাউণ্ডৰ খেল । 

এই সম্পৰ্কে দেৱজিৎ শইকীয়াই বিজনেছ নৰ্থইষ্টৰ আগত কি কয় শুনো আহক ।