এই নিয়ম অনুসৰি বাজেট বনালে আপোনাৰ পকেট কেতিয়াও খালী নহ’ব, ৫০:৩০:২০ পদ্ধতি গ্ৰহণ কৰক

বিত্তীয় পৰিকল্পনাৰ বাবে বাজেট বনোৱাটো অতি গুৰুত্বপূৰ্ণ। যদি আপুনি সঠিক পৰিকল্পনাৰে ধন খৰচ কৰি আছে, তেন্তে আপুনি অসুবিধাৰ সন্মুখীন হ’ব নালাগিব। ৫০:৩০:২০ নিয়ম অনুসৰি বাজেট বনাবলৈ আটাইতকৈ সহজ। ইয়াত আপুনি আপোনাৰ আয়ক তিনিটা ভাগত ভাগ কৰে। এই বাজেট পদ্ধতিৰ অধীনত আয়ক প্ৰয়োজন, ইচ্ছা আৰু সঞ্চয়ৰ শ্ৰেণীত ভাগ কৰা হয়। এইদৰে আপোনাৰ প্ৰয়োজনো পূৰণ হয়, ইচ্ছাও পূৰণ নোহোৱাকৈ নাথাকে আৰু বিনিয়োগো কৰা হয়।
     
এই শিতানত ভাড়া, ঘৰ ঋণ, গাড়ী ঋণ, স্বাস্থ্য বীমাৰ প্ৰিমিয়াম, গেলামালৰ সামগ্ৰী ক্ৰয় আদি অন্তৰ্ভুক্ত। যদি আপোনাৰ উপাৰ্জনৰ তুলনাত আপোনাৰ প্ৰয়োজন ৫০ শতাংশ বেছি হয় তেন্তে জীৱন-যাপনৰ খৰচ কমালে অধিক ধন ৰাহি কৰিব পাৰি। যেনে, ৰেষ্টুৰেণ্টত কমকৈ যোৱা, ঘৰতে খাদ্য ৰান্ধি লোৱা, ক’ৰবালৈ যাবলৈ গাড়ী পুলিঙৰ আশ্ৰয় লোৱা, বিলাসী সামগ্ৰীৰ খৰচ কম কৰা।  
     
এজন ব্যক্তিয়ে কেৱল নিজৰ প্ৰয়োজনৰ বাবেই নহয়, নিজৰ চখ পূৰণৰ বাবে বা নিজৰ জীৱনশৈলীৰ উন্নতিৰ বাবেও উপাৰ্জন কৰে। ইয়াৰ ভিতৰত আউটিং, আউট/ডিনাৰ, চিনেমা চাবলৈ থিয়েটাৰলৈ যোৱা, ব্ৰেণ্ডেড সামগ্ৰী বা গেজেট কিনা আদি কামো অন্তৰ্ভুক্ত। কিন্তু এই শিতানত ব্যয় অতি সাৱধানে কৰিব লাগিব যাতে আপুনি বেছি খৰচ নকৰে। ইয়াৰ বাবে আপুনি আপোনাৰ উপাৰ্জনৰ ৩০ শতাংশ পৰ্যন্ত খৰচ কৰিব পাৰে।

ALSO READ: ছেবিৰ গাইডলাইন, পিতৃ-মাতৃ, ভাই-ভনী আৰু পত্নী বা সন্তানলৈ শ্বেয়াৰ হস্তান্তৰ কৰাটো মালিকীস্বত্বৰ পৰিৱৰ্তন বুলি গণ্য কৰা নহ’ব

এই শিতানত জৰুৰীকালীন পৰিস্থিতিৰ বাবে ধন সঞ্চয় কৰা হয় যাতে প্ৰয়োজনৰ সময়ত খৰচৰ বিষয়ে বেছি চিন্তা কৰিব নালাগে আৰু কাকো হাত আগবঢ়াব নালাগে। ইয়াত আপুনি ২০ শতাংশ পৰ্যন্ত ধন এছ আই পিত জমা কৰিব পাৰে বা পলিচি কিনিব পাৰে বা জৰুৰীকালীন পুঁজি হিচাপে সংগ্ৰহ কৰিব পাৰে।