২০২৪ চনৰ এছিয়া শক্তি সূচকাংকঃ এছিয়া শক্তি সূচকাংকত জাপানক পিছ পেলাই  তৃতীয় বৃহৎ শক্তিৰ দেশ হিচাপে পৰিগণিত হৈছে ভাৰত

সমগ্ৰ বিশ্বতে ভাৰতৰ ক্ৰমবৰ্ধমান প্ৰভাৱৰ পৰিচয় দেখা গৈছে। জাপানক এৰি এছিয়া শক্তি সূচকাংকত ভাৰত তৃতীয় শক্তিশালী দেশ হিচাপে পৰিগণিত হৈছে। গতিশীল বৃদ্ধি, যুৱ জনসংখ্যা আৰু অৰ্থনীতিৰ সম্প্ৰসাৰণৰ বাবেই ভাৰতে এই কৃতিত্ব অৰ্জন কৰিছে। ২০২৪ চনৰ এছিয়া পাৱাৰ ইনডেক্সৰ বিশেষ কথাটো হ’ল আঞ্চলিক শক্তি ৰেংকিঙত ভাৰতৰ স্থান ক্ৰমাগতভাৱে বৃদ্ধি পাই আহিছে।

ল’ৱী ইনষ্টিটিউটে ২০২৪ চনৰ এছিয়া পাৱাৰ ইনডেক্স প্ৰকাশ কৰিছে য’ত আমেৰিকাই ৮১.৭ পইণ্টেৰে প্ৰথম স্থানত আছে। ৭২.৭ পইণ্টেৰে দ্বিতীয় স্থানত আছে চীন, ৩৯.১ পইণ্টেৰে তৃতীয় স্থানত ভাৰত আৰু এতিয়া ৩৮.৯ পইণ্টেৰে চতুৰ্থ স্থানত আছে জাপান। ৩১.৯ পইণ্টেৰে পঞ্চম স্থানত অষ্ট্ৰেলিয়া আৰু ৩১.১ পইণ্টেৰে ষষ্ঠ স্থানত আছে ৰাছিয়া। ভাৰতৰ পইণ্ট ২.৮ পইণ্ট বৃদ্ধি পাই এছিয়া পাৱাৰ ইনডেক্সত তৃতীয় স্থানলৈ লৈ গৈছে।

ক’ৰ’না মহামাৰীৰ পাছত ভাৰতৰ অর্থনৈতিক উত্থানৰ প্রবল বৃদ্ধি হৈছে, যাৰ বাবে ভাৰতৰ অর্থনৈতিক ক্ষমতা ৪.২ পইণ্ট পাৰ হৈছে৷ ভাৰতৰ বৃহৎ জনসংখ্যা আৰু শক্তিশালী জিডিপিৰ বাবে ভাৰত এতিয়া ক্ৰয় শক্তি সমতাৰ ক্ষেত্ৰত বিশ্বৰ তৃতীয় বৃহত্তম অৰ্থনীতি। ভাৰতৰ জনগাঁথনিগত লভ্যাংশৰ দিশলৈ আঙুলিয়াই দিয়া ভাৰতৰ ভৱিষ্যত সম্পদৰ স্ক’ৰত ৮.২ পইণ্টৰ আগবাঢ়িছে। প্ৰতিদ্বন্দ্বী চীন আৰু জাপানৰ তুলনাত ভাৰতে নিজৰ যুৱ জনসংখ্যাৰ পৰা বৃহৎ সুবিধা লাভ কৰিছে আৰু ইয়াৰ বাবেই অনাগত দশকত অৰ্থনৈতিক বৃদ্ধি আৰু শ্ৰমিক শক্তিৰ বিপুল সম্প্ৰসাৰণ দেখা যাব।

২০২৪ চনৰ এছিয়া পাৱাৰ ইনডেক্সে ভাৰতক এছিয়াৰ প্ৰধান শক্তি দেশ হিচাপে দেখুৱাইছে। দেশৰ প্ৰচুৰ সম্পদৰ ভিত্তিই ভৱিষ্যতৰ বৃদ্ধিৰ অপৰিসীম সম্ভাৱনা প্ৰদান কৰে। ভাৰতৰ দৃষ্টিভংগী অত্যন্ত আশাবাদী। অব্যাহত থকা দ্রুত অর্থনৈতিক বৃদ্ধি আৰু বৃদ্ধি পোৱা কৰ্মশক্তিৰ বাবে অনাগত বছৰবোৰত ভাৰতৰ প্রভাৱ আৰু অধিক বৃদ্ধি পাব৷