भडाफन आइडिया, इन्डास टावार्स आरो एयारटेलनि बाहागोफोरा दिनै 6 जौखोन्दोसिम गोग्लैदों; बेयाव मानो दं

VIL नि स्टकआ बयनिख्रुइ बांसिन हिटमोन, जाय 5.90 जौखोन्दो डाइभिं खालामनानै सानसेनि गाहायसिन 8.14 रांसिम सौहैदोंमोन। इन्डास टावार्सआ 4.67 जौखोन्दो खमायनानै 332.35 रां आरो एयारटेलआ 0.91 जौखोन्दो खमायनानै 1,256.20 रां जाहैदों।

भडाफन आइडिया लिमिटेड (VIL), इन्डास टावार्स लिमिटेड आरो भारती एयारटेल लिमिटेडनि बाहागोआ सुक्रुबारनि फालांगियाव 6 जौखोन्दोसिम गोग्लैदोंमोन, जेब्ला बेखौ फोरमायनाय जादोंमोन दि गोजौसिन बिजिरसालिया एडजस्टेड ग्रस रेभिनिउ (AGR) जों सोमोन्दो गोनां रां होनांगौ रांनि सायाव टेलिकम अपारेटरफोरनि आर'जलाइनि मोनसे जथायखौ नेवसिगारदोंमोन। बेयो सोरखारनो होनांगौ रांखौ लानानै गोबाव समनिफ्रायनो नांलाय-खमलाय जाबाय थानायनि गेजेरावनो फैदों।

क्यूरेटिव पिटिसनखौ गाहाय बिजिरगिरि संजीव खन्ना, बिजिरगिरि अभय एस अका आरो सन्जय कुमारनि मोनसे बेन्सनि सिगाङाव फारिलाइ खालामनाय जादोंमोन। टेलिकम कम्पानिफोरा 2021 मायथाइनि मोनसे रायखौ जुजिनानै क्यूरेटिव पिटिसनफोरखौ दाखिल खालामदोंमोन, जाय AGR होनांगौ रांनि टेलीकम्युनिकेसन बिफाननि (DOT) साननायाव गोरोन्थिफोरखौ फोसाबनो गनायथि होनो नेवसिगारदोंमोन।

टेल्क'सआ जुक्थि होदोंमोन दि मिरुजों दैखांजानाय दाबियाव माखासे "रोखा गोरोन्थिफोर" दंमोन, जेराव कम्पानिफोरजों सिगांनिफ्रायनो होखानाय माखासे रांफोरखौ AGR होनांगौ रांखौ साननायनि सिगां नोजोराव लानाय जायाखैमोन।

गोजौसिन बिजिरसालिनि बिथोननि उनाव, VIL, इन्डास टावार्स आरो एयारटेलनि बाहागोफोरा नेगेटिभ जादोंमोन। VIL नि स्टकआ बयनिख्रुइ बांसिन हिटमोन, जाय 5.90 जौखोन्दो डाइभिं खालामनानै सानसेनि गाहायसिन 8.14 रांसिम सौहैदोंमोन। इन्डास टावार्सआ 4.67 जौखोन्दो खमायनानै 332.35 रां आरो एयारटेलआ 0.91 जौखोन्दो खमायनानै 1,256.20 रां जाहैदों।

ALSO READ: 24 फेब्रुआरिआव गाहाइ मन्थ्रि मदिआ आसाम दावबायगोन, आसाम 2.0 समिटखौ बेखेवगोन

खामायनायनि बिथिङाव, इन्डास टावार्सआ गावनि थामथि दानथामनि गासै मुलाम्फायाव 160 जौखोन्दो बोसोर-बोसोर (YoY) बांनानै 4,003 कौटि रां जाहैदों, जाय गोख्रों टावार दाजाबदेरनाय आरो VIL निफ्राय गोनांथार गोबाव सम बुथुमनायनि जाहोनाव जादों, जाय बेनि गाहाय मक्केलफोरनि गेजेराव मोनसे। बावैसो ब्रिटेननि भडाफन ग्रुपआ नखरारि टेलिकम इनफ्रास्ट्रक्चर फार्म (इन्डास टावर्स) आव गावनि आद्रा थानाय 3 जौखोन्दो बाहागोखौ 2,800 कौटि रांआव फानदोंमोन।

दिसेम्बर 2024 मायथाइनि दानथामारि (रांखान्थियारि बोसोर 25 मायथाइनि थामथि खोन्दो) आव VIL नि जथाइ गासै खहाया बोसोर सिगांनि समखोन्दोआव 6,986.7 कौटि रांनिफ्राय खमायनानै 6,609.3 कौटि रां जाहैबाय। आरो, एयारटेलनि जथाय गासै मुलाम्फाया रांखान्थियारि बोसोर 2025 मायथाइनि थामथि खोन्दोआव 505 जौखोन्दो बांनानै 14,781 कौटि रां जाहैदों, जाय दिसेम्बर 2023 मायथाइनि दानथामाव 2,442.2 कौटि रांमोन।